Yadawerîyekanî ban Qeratê
letaw cîrrecîrrî Zincîrî Zrêpoş
Pasarî ser Dartelekan
frrîn û çîdî negerranewe
tepey Postall
Zrîkey mnallanî tasan
Xollepotey jêr Zrêpoş
Gillgoy Dilldaranî poşan
Reşebay Enfal
Sirwey Ewînî toran
Bangî serwerî
le Mînberî Çollîyewe
Çirpey Azadî xinkan
jawe jawî Merg
Xewî le Çawî
Kotreşinkekanî Qella zrran
Bzey tallî kazîwe
Hewallî nawexte Payzî dirkan
Payîz hat û
dergey bo bestellek xiste serpişt û
Ewînî le dillmana tezan
*****
ewan hatin û eman çûn
eman hatnewe û ewan winbûn
heman Bezim le ban Qella
carê be Keskî û carê be zerdî nmayişkrayewe
ewan hatin û bacî emanman da
eman hatnewe û bacî ewanman da
em futbollîn û çawşarkêye
le fîftî fîftîyekey newed û dû deçin
Serkewtû û hellhatû, herdûk;
Sêberî pêş û paşî nîwerron
lem kêşmekêşeda,
Xewn û Xozgey ême
Topî berpêy Xwakanî ew û ton
her kes bêtewe û herkes derçê
Jyanî ême, bacî Şerre û
Bere bere, Xewnekanî Raperrîn lebarderron
******************
05î Oktoberî 1999