Gerdelûlî Sermaye
Gemje ewane nîn, ke huşyar nîn û nazanin;
bellku ewanen, ke dwênê Şewezengyan
rawdena û ewrroke tif le Çrakan deken!
ew Gerdeluley
ke Rojgarê
Dergey Reşmallî koçerîmanî,
berrûy terze û tofana
dexisteserpişt;
ewrro Werzêrranî nezan bedemyewe :
Xerman şendeken,
le hellpey helluşînya
Supas û Nza,
bo xXudawendî milhurrî, berrêdeken.
lat seyr nebê çkolekem !
Nezmî kone û
Mroy be Çaw û Gwê zînde leçalleken,
ew Gurge harey, ke Şewgarê
leser Pêllûy Çawî Zarokan
Xewî asûdeyî raw dena,
ewrroke Balorewêjanî Bazar
daway Şwanî,
Ranemerrî ber Reşmallanî lêdeken;
leser Dllî Xozgekan
leser Lepî Gedakan
Peykerî nemrî, bo sazdeken.
lat seyr nebê çkolekem !
Nezmî kone û
le sedey bîst û yeka
Hellay Koyletî hetayî pêserdeden
Nezmî kon gakollikey Nezmî nwêye û
Nezmî nwêş:
pasawî gyanellay Nezmî kon
Persyaranî Gerdelul û Ziryan
Swêndî milkeçî bo dexon.
naumêd mebe çkolekem !
Rojgarê bû, Pêstî reşman
bo hawtayî Pêstî spî
kirnuşî bo Yasa debrid,
keçî ewrro
lenêw Lepî Destmana
newey Koylefroşan
Areqey şermezarî deçorrnewe.
Xem mexo çkolekem !
Rojêkîş dadê, Kotreşînke
be Heray Mizgewtekan, zaretrek nebê
Mnarekan bibne Hêlaney Leklekan.
Rojgarê dê
Petî Sêdare bipsê û
Kesîş bo Jyan, Geda nebê
Pyawîş le Mall,
Salar û Serwer nebê
be fermanî Xuday destkirdan,
Zarok û Jin
nedrêne ber Pêleqan;
ew Rojgarey, ke Snûrekanî
Ayîn û Regez
Netewe û Nîştman
bibne Efsane le Awezî Mnallan
ewdem Behar sewiz debê û
le Dillmana bo hemîşe
Xende, Sema eka bo Jyan