Her hêndey wtim çonît û xerîkî çît, îdî mepirse, detut çend Salle qsey paşekewtkirduwe, taweku lew sererrêye min rabgirêt.
Çendcar qsekanim pêbrrî û pêmut: kak …. Min karm heye û drengme, firyay trameke nakewm, bimbûre derrom. Bellam ew awha zmanî pjabû, detut leser sekoye û bo cemawerî çend milyonî wtardedat, xoy lebîrkirdbû. Carcare plarî le rêbwaranîş deda :
“seyr seyr, dellêy Nanî bawkyanim Xwarduwe, çon morrem lêdeken, … Babîne, ger dezanin min le wllatî xomanda çi paşayek bûm, îsta awha bûmete swallkerî soşyal ?
Hêndey dîke pestîkirdim û xomim pêrranegîra û wtim qurban paşay kwê bûyt?
Le wellamda wtî “bîqezabît toş, key katî galltekirdne, min mebestim eweye, ke lelay xoman çende xoşe û çende Mrov hest bebûnî xoy dekat. To seyirke, min lay xoman mamosta bûm, xanûy xom hebû, Hawellî çakim hebûn, deşmuyist otomebêl bikrrim. Birrwat hebêt flaneKes bedemî xom nebêt, paşayane dejyam, drawsêkanim êreyyan pêdebirdim. Xot dezanî Xellkî nedîwbidî û ladêy çend çawbirsîn û behîç têrnaxon, çawdebirrne Mallî Xellkanî dîkeş. Ay bo satêkî serÇnar û mestkirnêkî (yaney mamostayan). Xellkî lay xoman çende berrêzbûn, pyaw nirxî hebû. Xo lêre jin çûze bequnî pyawewe dekat. Berrastî min bîzarm û satêkî ew Kurdistane nadem begşit ewrupa ….
Hênde dîke pîşmixwardewe, çend satewext mnî ragirtuwe û qsey bêwatam bo dekat û tramekey ledestdam, hella hella le karxane bepeleprruzkê derço, taweku firyay diktor bkewît, çuzanim bellayekî awham lêpeydadebêt û rêsekem dekatewe bexurî. Min le naximda pîşî lêdexomewe, keçî ew zor bexwênsardîyewe wtî ” dellîy pelete, ewe xeyre ? Le wellamda wtim: nexêr, çtêkî awha nîye, demeteqêy awhaş leser şoste xoşe. Înca kewtme seruguylakî : başe kak …. Boçî ew Kurdistane rengînet becêhêyişt, wek xoşt êsta witt, cenayt le hîç kemt nebuwe. Hemîşe dûr le Ramyarî û Ramyarîybazî bûyt. Tînagem çon rêgey seferêkî awha nabedllit girtuweteber û xot watenî, milt be swallî bîmey Komellayetî û çî û çî …. Dawe. Berrastî xedrêkî gewret lexot kirduwe. Êwemanan û em jyaneyan newtuwe. Berrastî sexte Kesêkî wek to ke xotan watenî, tadwênê leser mêzî flan lêprisrawî yekêtî û fîsare lêprisrawî Partî bûyt. Wabzanim caranîş letek (mlazm xald)da dadenîştî, keçî êsta le jûrêkî kempda, xot watenî, letek çend çllês û nedî û bdîda deysaçênî? Debêt barêkî zor dijwar naçarî kirdbî, ke Kurdistan û şerref û namûs û hkumete sawakey becêbhîllît, zor dijware wanîye? Berrastî tênagem, ew nedîwbidîyaney ke taweku dwênê çawyan le paşayetî to bû, le birsîyetî û bêxanewlaneyî û tirsî şerr û tîrorî destî Desellatdaranî êsta û caranda, awarey êrokane bûn, ey cenabanî wek cenabtan boçî awarebûn, detrism le bexîlîbirdin be xoşguzeranî nedîwbidîyekan lêrokane bînaz kewtûn ?!!!
Paşay Kurdistan, ke ta em sate naçar gwêy le qsekanim ragirtbû, letek derbrrînî wşekanimda, rengî reş helldegerra û le bêDesellatîda hris berbînî girtbû û delerzî .. Lewe zyatir xoy pêrranegîra û wek teqînewey hawenêk wtî: aaaaaaaaxix le Kurdistan netimnasî taweku bit…mmmmm