Katêk, ke beagahat, lenêw ‘areqeda terr û wirr bûbû, kemêk danîşt, detut mêşkî lekarkewtuwe. Destêkî be rûmetîda hêna û wayzanî pîtekanî pertûkeke leser rûmetî derçûn, prrîdaye pertûkeke, bînî ke be ‘areqey demuçawî û lamlî xusawe. Yexey tîşêrtekey berizkirdewe û fûyekî be sing û zkîda kird, bellam dadîneda. Hêşta xewallûbû, hestayewe serpê û berew germaweke çû, çend mişt awî be demuçawîda kird, leberxoyewe “ bebê aw û panke, eme key jyane .. ”.
Ew car hatederewe û belay rastda xoy be aşpezxanekeda kird, bellku le balkoneke kemêk hewa bîgrêtewe. Hawrrêkey leberdem tenûrêkî tenekeda, ke ew Rojane cêgey tenûrî rastînî girtbuwewe, xerîkî nankirdin bû, rûy têkrid…
– ewe bedyar ew teneke agrewe nasûtêyt, eme germay ew Dozexeye, ke lew dîw mnî le ‘areqeda xusanduwe.
Saman : xo her dû Dergey balkoneke û dereweşm kirdûnetewe ta heway fênk bêt.
Alan : çî rûydawe, wa ewrro çalakbûyt û zû nandekey?
Saman : leberewey êware karebaman nîye, pêmbaşbû êsta semuneke bkem.
Alan le dllî xoyda, “detrism toş dllexurpey rûdanêk daygirtbî. Pêş nîwerro bêderdîser le miştumrrekey tenîşt tabloy rageyandneke derçûyn, nazanim îdî…”. Bedem bîrkirdnewewe çuwe balkoneke û sernicî ser Şeqame serekîyekey (teyrawa)î da û horrênî otumobêl û dengedengî benzînifroş û erebaneçîyan, detut mezatxaneye, ştêkî wa sernicî ranekêşa û kşayewe dwawe, detut be dway ştêkda wêlle “ nazanim çî bkeyn, baştre be saman bllêm”..
– Hawrrê saman dellêy çî ewrro neçîn bo pertukifroştin, baştir nîye kemêk bgerrêyn. Xo ewe şeş Mang debêt pyaseyekman nekirduwe, ne serdanî Hawellêk, ne danîştinêkî gillkend.
Saman : başe Hawrrê, wa dekeyn.
Alan : bermaweyekî nîwerro nemawe, ta bem Nane germewe, bbûre bew hewîre germewe bîxoyn?
Saman : nexêr, tenya kemêk awerrûnkey petatekey nîwerro mawe…
Her dûk wek karwançî birsî destyan be Xwardinî têguşey awe petateke kird. Lepirr, dû çekdar xoyan be Dergeda kird û lûley çekekanyan arastey saman û alan kird …
Saman : ewe çîye, êwe kên û çîtan dewêt?
Çekdarekan : cûlleneken, kwan ewanî dîke?
Alan : ewanî dîke kên, çîye dellêy be’sîyekanin û fêrnebûn le Derge bden?
Çekdarî yekem, rû le çekdarî duwem: adey bgerrê, bzane çîyan laye, demançe, klaşînkov ya çî dîke?
Çekdarî duwem be gerran benêw jûrekanda xerîkdebêt. Lem kateda alan be dway çekdarekeda derrwat û saman destî lenêw hewîrî berdem tunûrekeda demênêtewe..
Çekdarî duwem denghelldebrrê: hey, emane ‘îzbîn, seyrî Ew hemû poster û ktêbane (rû le alan) kwa çek û çapxaneketan le kwêye?
Alan : çekî çî û çapxaney çî? Ême awarey (kerkûk)în û le tenîşt qella xerîkî pertûkifroştinîn.
Çekdareke : xêraken, hewyekanyan bênin !
Saman: şunasnamey çî, şunasname nadeyn, lêprisraweketan le kwêye, ba qsey letekda bkeyn?
Çekdarî duwem, be pallnan deyankate derewe û berew nhomî yekem pelkêşyandeken. Çekdarî yekem, xoy be Mallî goşey beramber qadirmekanda dekat, ke lêprisraweke û çekdarêk xerîknin, deypişknin. Lêprisraweke le pêş çekdarekewe dêteder, ke wek kawboyek demançey be laqedîda şorr kirdbuwewe, rû le çekdarekanî: emane kên?
Alan : detwanin lêre lêkollîneweman letekda bken, pêwîst be şwênî dîke nakat, ême awarey kerkûkîn.
Lêprisraw be çekdarekan : derêm byanbene Xwarewe bo nêw seyareke !
Saman : rêge naden poşakî derewe bpoşîn?
Lêprisraw : byanben ta xoyan bgorrn, xêraken dey!
Dû çekdareke, lûley çekekanyan le piştimlî alan û saman dadenên û deyanbenewe nhomî serewe …
Alan, dest bo kras û pantollekey debat û bîrî dekewêtewe, ke dû namey nhênî lenêw Gîrfanî krasekeydan. Rû le çekdarekey raserî: brrorre derewe, ta kras û pantollekem depoşm.
Çekdareke : nabêt, xêrake xot bgorre!
Alan : leberçawî to natwanim, çî dekey bîke.
Çekdareke deçête derewe. Alan, be xêrayî namekan dexate nêw cantay poşakekanîyewe û dest be poşînî poşakekanî dekat. Çekdareke dêtewe jûre ..
Çekdareke : ewe ew hemû ktêbanetan xwêndûNetewe?
Alan : êwe netanhêşt.
Çekdarî duwem, rû le çekdarî yekem : xêrake letek xot lew jûrewe derîkere derewe !
Alan û saman, seyrêkî yekdî deken û naçar deçne derewe û Dergeke dadexen û pêş çekdarekan dekewn. Pêş ewey bgene Dergey derewe, alan û saman carêkî dîke seyrî yekdî dekenewe, beçaw deyanewêt leyekdî bgeêyinin, ke hewllî rakirdin bden, bellam ke seyrî çep û rastî xoyan deken, hênde qereballxe û çekdar ser sûçekanî girtuwe, hîç bwarî rakirdin nîye ..
Alan, le dllî xoyda, êsta ew Xellke hezar û yek guman û pirsyarî bêwellam be Xeyallyanda dêt; “dzîyan kirduwe?”, “pyawî rjêmin?”, “debêt çîyankirdbêt?”, bellam Kes bîrî belay eweda naçêt, ke reşbigîre û deyanewêt Xellkî raperrîw çawtirsên bken û bo Desellatî qerequşî xoyan milkeçyan bken. Grifteke eweye, ke letaw birsîyetî û serqallîy, Kes agay le kolanekey ew dîw xoy nîye.
Çekdarekan, berew ewber bo lay otomebîle Serbazîyeke (cêb qyadeke)yan birdin.., alan dûbare kewtewe dwan letek xoyda “ay ke le serdemî be’sda, çende xom lada û çend car hellhatim ta pêwenebim, bellam wa êsta Part û layenêk, ke Rojgarêk lawêtîm lenêw rîzekanîda befîrroda, xom leser bîrkirdnewey cyawaz destigîrdekat.”
Nêw otumebêleke, Dayk û Kçêkî dirwasêyan letek pyawêkî penca Salley têdabû. Alan, be laçawêk, seyrî çekdarekan dekat û le dllî xoyda ” ay ke gewc û nahuşyarn, lewaneye pêtanwabêt, ke dastantan tomarkirduwe, eme bû Azadîyeketan, eme bû serwerî Neteweyîtan? ”
Dway têperrkirdnî çend Kollan û Şeqamêk, otumebîleke geyişte berdem (mkafhey mentkawa). Be lêdan û cnêw deste deste, pyaw û jin û Mindallyan dekirde jûrewe, paş pişknîn, le hollêkî gewreyan kirdin, ke nzîkey 100 Kesyan têpestandibû. Barî Ruxsarî her Kesêkyan, beserhatêkî pirr derd û rencî degêrrayewe, Mrov deytwanî radey wrey her Kesêkyan bixwênîtewe, yekê tirsaw .. Yekê rarra .. Yekê xallî le frrufîllî Partayetî û bêdeng. Her yeke le Xeyallêk roçûbû; yekêk le bîrî xoşewîstekeyda, yekêk le Xemî Mallewe, yekêk le Xemî xwêndinî û yekêk le bîrî kar û kaspîyekey û derçûn le Zîndan. Bellam hêşta lay Kes roşinnebû, pirseke çîye û leser çî gîrawn?
Bo alan û saman roşnibû, em Hêrşe bo çatirsandin û sepandnewey dezgey emin (Asayş), berrêxrawe. Çunke ewan serlebeyanî rageyandî djî damezrandnewey dezgey eminyan bllawkirdbuwewe. Paş çend sat, dûbare be pall û sukayetî reşbigîrkrawan berew şwênêkî dîke swarî otumebîle Serbazîyekan kranewe. Em car berew şwênêk, ke Sallêk û çend Mang lewewber, cemawerî beGyanhatû, destyan beserda girtbû û dezgekeyan têkişkandibû. Bellam dû hefte lewewber Desellatî Neteweyî serlenwê tazeyankirdbuwewe, ta wek dêwezme lawekanî şar qutbdat. Alan, le demî serkewtin be qadirmekanda, le dllî xoyda ” ay ke hemû Rojêk bedyar pertûkekanewe, çende bîrm lewe dekirdewe, ke axo lew dîw ew dîware berzaneda çî hebêt û çî bguzerêt? Bellam wa êsta debête Serpenayek lewaneye çend Mang ya çend Sall Temenmî têda be raburdû bispêrm”. Letek geyiştne ber Derge asnînekey nhomî duwem, çend çekdarêk, qayîş û piştwên û klîl û pare û pênûsyan le Zîndanîyekan desend û be şeq û kêbllilêdan berew jûrekanî nêw rarrewekanyan debirdin.
Alan û saman û komellêkî dîkeyan berew dwajûrî rarreweke daye ber lêdan û rawnan. Zyatir le (35) Kesyan kirde ew jûrewe. Her letek daxranî Dergey jûreke, ewaney ke ta kemêk pêş, lenêw Zîndanekey ewla bexoşbawerrîyewe çawerrêy berbûnyan dekrid, kewtne dilldanewey xoyan bewey “hkumetî herêm mafî xoyetî û lêkollînewe bkat û baş û xrap leyek cyabkatewe, taweku Asayşî şar û herêm parêzrawbêt”. Hêşta lay zorîne aşkranebû, ke be hawkarî cendirmey turkye, pelamarî (p. K. K) drawe. Her Kese û derdî dllî xoy dekrid; ‘ebdulqadir”axir çon debêt, lêre ramgrin, min beyanî taqîkirdnewem heye”, mehmud “min hemû jyanim pîşmerge bûm”, mam xdir”min bawkî şehîdim, bexom Pêşmergey elîlûl bûm”, mamosta fuad”min mamostay qutabxanem û karm be Ramyarîyewe nîye”, mam mewlud “bexwa kurrm mnîş krêkarî kargey cgerem û hîç lew bezm û rezme nazanim û qetîş têkell be Ramyarî nebûm”, axazade “min dillnyam bezûîy lêkollîneweman letekda deken û ewey bêtawan bêt, be zûy
Deçêtewe Mallewe û ewey tawanbar bêt, be szay gel degat”….
Saman : berrêz, kê tawanbare? Detwanî pêmbllêy kêtan bkujn, kêtan sîxure, kêtan bertîlxor û kêtan nokerî dujimnane?
Alan : beboçûnî min hîç Kes behelle negîrawe, eme reşbigîre û bo çawtirsênî Xellke, bo sepandnewey dezge dapllosênerekane, bo gêrranewey barudoxî pêşuwe, her boye le her gerrek û leher twêjêk çend Kesêk gîrawn, ta Kes newêrêt dij be gêrranewey keşî serdemî be’sîyekan narrazî bêt…
Berdewam bedem kranewey Dergekewe qse û razekan depçirran û Kesêkyan deaxnîye jûrewe. Le jûrêkî beramberda hawar û nalley eşkencedrawan degeyişte keşkelley Asman. Betundî carêkî dîke, Dergeke krayewe û qsewbasekanî brrî û hemû wek kewillkraw le şwênî xoyan bêdengibûn. Lawêkî kurte bala, qjî lûl û serêkî xirr, fretir le mîsrî deçû, çaket û pantolle nîlîyekey dyarbû, ke hî lengefroşîye, çaketekey be baskî çepîda dabû, be wirdî û hepesawîyewe çawî benêw Zîndanîyekanda gêrra. Lem kateda alan demî birde bnagwêy saman û pêyut ” xot meke be xawenî, aram le hewlêr çîdekat, çon dezanêt ême gîrawîn?”.
(‘ezîz)î Zîndanewan : kamanen, kwan Hawrrêkant?
Aram : lêre nîn.
Bedem serbadanewe bewatay nedozînewey hawrêkanî, wîstî berew dwa hellgerrêtewe, Zîndanewan be pall kirdîye jûrewe û
Wtî: bo kwê ? To lelay ême mîwanî !
Aram : kake Gyan, axir braderekanî min lêre nîn û min bexom hatûm le dway ewan degerrêm, to natwanî bimkeyte jûrewe!
Alan : ey pêmannallêyt, to le kwêwe dyêt, dellêyt be mîwanî bo êre hatûy?
Aram : mîwanî çî, min beserdan bo lay êwe hatim, ke çûme Kawilbuweketan, jnekey hesenî drawsêtan, wtî ” le dirzî Dergewe beçawî xom dîtim, asayîş letek ew Malley Xwarewe girtnî”. Mnîş, canTakey xom, lay ewan dana û pêmbaşbû bêm le asayîş pirsyartanbkem. Her ke hatme asayîş birdimyane lay berrêweberî asayîş (Simko) û pêmut, ke dû braderm lelayen çekdarî êwewe, em dwanîwerroye le Mallewe gîrawn û hatûm bzanim boçî û beçî tometbarkrawn. Ewîş yekser wtî ” toş komunîstî, yaxwa bexêrbêyt, başe bepêy xot hatûy? Carê em Şew lelaman mîwanbe û ewsa pêtdellêm”. Îdî bem core minyankirde lay êwe. Başe katêk ke min hatme demî Dergeke, bo min êwem nebînî?
Alan : rastîyekey xoman le to şardewe, taweku nemanbînî. Hem derkewtinî ktuprrî to, paş çend katjêrêk le destigîrkirdinman le asayîşî hewlêr, boman cêgey sersurrman bû, hem gumanî ewemankird ke pêwebûbî û nemanuyist be bonewey êmewe bitkene jûrewe.
Aram : dey pêyannewtûn bo gîrawn?
Lawêkî Balla mamnawnidî barîkelle (zerrdeşt), qsekey pêbrrî û lêypirsî ” kake to le kwêwe hatûy?”
Aram : le slêmanîyewe.
Zerrdeşt: lewê çi xer bû?
Aram : dellên le snûrî turkye şerre, ey to bo gîrawît ?
Zerrdeşt : ême sê brayn, dukanî Wênegrîman heye. Katêk ke geyiştme dukan, wityan (Mehmud)î brat gîrawe û pêyangutuwe ta to nerroyt, ew bernaden. Mnîş hatim û wek to bexêrhatinyan lêkirdim û frrêyandame lay brakem û wityan ta (‘Umer)î brat neyêt, to bernadeyn, îdî bem core hîwadarm Dayk û babe pîrekeşman nehênne êre.
Selam : ême kargey pêllawman hebû, lepirr komellîk çekdar hatnejûrewe û pelamaryandayn û bexom û Mnall û şagirdekanmewe, bebê ewey pêmanbllên, çî rûydawe û leser çî, rapêçyan kirdîn.
Xdir: bra ewe alan û kake saman dezanin, ke min le Malle cîranêkî ewan mîwanbûm û letek jin û Kçî xawenmallekeda mnîşyan girt. Herçende wtim bra min bawkî şehîd …m, bellam Kes gwêy lêrranegirtim.
Alan : ewan bexoyan dezanin, boç em hemuwe Xellkeyan destigîrkirduwe û dyare amancêkyan heye. Bêcge le Yasa qerequşîyekey (be’s) le çi şwênêkî em dunyayeda, bra lecyatî bra û mîwan le cyatî xanexwê û şagrid le cyatî xawenkar, gîrawe? Emane ewe dû hefteye emnekey be’syan awedankirduwetewe, awadeken, axo paş de Sall çî bew Xellke reşurrûte bken?
Hello : ey çare, xonakrêt, çawerrêy girtnî Mall û Mindallekanîşman bîn?
Alan : pêwîste destbecê manbigrîn, Mangirtin le Xwardin. Ta bexêrayî lêmandeprisnewe û berellamandeken, egîna lem kone emneda damanderrzênin.
Axazade : detanewêt lenêw Zîndanekeşda ajawe bnênewe, êwey komunîst û bêdîn, her xerîkî ewen !
Saman : ême nkollî le komunîstibûnman nakeyn, bellam dillnyabe, eger bexot lenêwmanda sîxurî ewan nebît, qed le pêş êmewe dernaçît, îdî ew mastawkirdne dadtnadat. Ême ajaweçî nîn, ajaweçî ew Partanen, ke fermanrrewan, ewanen ke em beyanîye ême le rageyandinêkda raMangeyand, ke dezgey asayîş bo serkutî Xellke û ewan neyantwanî ême bedro bxenewe û dway çend satêk sedan Kesyan axinye pişt em
Dîwarane, meger wa nîye, meger (be’s)îş her awaynedekrid?
Alan, hestayewe serpê û çuwe pişt Dergeke û le kunî Dergekewe,seyrêkî Asmanî kird, ke beqeder demî mencellêk lêwey dyarbû. Car care pole kotrêk, spî spî tîşkî xoryan leser ballekanyan deşkanewe û le ast serbanî emneke, bexêrayî têdeperrîn. Ahêkî qull ” xozgem be xotan, awa azad defrrin, herçende lem wllate êweş le kuştubirr bêbeş nîn, bellam car carê, ke Mnallanî çeqawesû û çekdarekan agayan lênebêt, ballefrrêyekî êwaranî ban qella, çêjî xoy heye. Axo em êware şoxeke dillgîrekey min, leber qelawe têperrîbêt, axo zanîbêtî bo em êware pertûkekanman le tenîşt tabloy rageyandneke, rîznekridûn? Lewaneye bebyanûy pertûkikrrîn çend carêk be berdem şwênekemanda têperrîbêt. Ax birrwa nakem, bem zuwane le pişt em dîware berzanewe derbazbîn. Xozge demtwanî wşe be wşey arezuwekanî em dwanîwerroyem be gwêçketda bçirpênim, taweku naumêdî xozgekant cwaneMerg nekat. Eger twanîbam, gişt Zîndanekanî cîhanim derrûxandin û çekekanim detwandnewe û Celadekanim be dîwarî pêşewey em emnexaneda dekirdne dawell û hêmayek bo Roje reşekan û sîmay Serbazîyaney şarm degorrî, ta hezî to bo bînînî Filmêkî romansî, bebê tris û dllerawkê beberdem em eminxaneda têperrê. Bellam şoxekem betenya her to nît, her êsta sedan zarok û jin û pyaw, çawerrêy gerranewey kurr û hawser û bawk û Daykyanin, naaga lewey ke çendîn Dergeyan leserdaxrawn. Ewan naaga le fermanî qerequşî ewaney ke be hîwayekewe bo nwênerî parleman hellyanbjardin, çawerrên, le bêşêwî em êwareda, amêzî pirr mîhrebanî, nîgayekî pirr Xemze û naz, destêkî besoz, qorrey zikyan lebîrbbatewe…”
Şrîxey berrûdadaxistnî kune biçkolekey Dergeke, lew Xeyalle bêkotayye rayçllekand û Zîndanewaneke, qîrrandinî : danîşe, nemut Kes hellnestêtewe, Kes neyête pişt Derge?
Alan, paşewpaş kşayewe dwawe û danîştewe, Nûsînî yadaweyyekanî ser dîwarekey pişt serî sernicîrrakêşa … “Ax bo satêk azdî, muhemed 5/10/1985”, “şîw’yet le sêdare behêztre, ‘elî 12/8/1987”, “dilldarekem xozgem bew sataney ke le amêzm degritî, azad 28/9/1990”, “bo debêt Mrov awa destemo bikrêt? Min tawanim tenya gerrane le dûy Nan, midhet 19/11/1991″ …. Benaw kone şwênî zopakeda, ke be kunêkda be serbanewe bestrabû, gerra û parçe berdêkî nûktîjî dozîyewe û le pişt serîyewe destîkrid, be Nûsîn û hellkollînî dîwareke ” hestin ey hozî beşmeynetan/ dîlanî birsîyetî dunya! / Le tenûrî bîrubawerrman / qrrimjinî trîşqeasa / tenûrî axrîne hestin! / Ba hellîpêçîn dewrî kon / rabîn û jêrujûr keyn cîhan / êmey hîç bîn be gişt ey koylan/ axreyn şerre, şerrî serumall / ba yekgirtû bîn hevallan / be înternasîwnal / rizgar debê însan.., alan 5/10/1992″
Berdewam Xellkî frrêdedraye jûrewe û hêndîkyan bo eşkence debirde jûrekey beramber.. Letaw hawarî jûrî eşkence û bêşwênî û birsyetî û germa û bonî gorewî û binball û hallawî dem û tengawî û pelkêşkirdnî Zîndanyan le rarrewekeda, Kes xewî lênedekewt … Şrîxey kranewey Derge, her Kesew le Xeyalle bêejmarekanî daçlleka.. (‘elî) yekêk le eşkencedere nasrawekan, lawêkî genim reng, barîkele û Ballaberz, poşakî ketafî, ser be lîstî sewz, qîrrandî “bxewn, ewey dengî bêt, heta beyanî darkarî dekem”. Hawdemî qsekanî ew, hawarî jûrî eşkence degeyişte Asman.. Dû pasewan Kesêkyan beberdem Dergekeda pelkêşkird… Derge daxrayewe … Hêndey dîke xew le çawan zrra. Axir eşkencey derûnî zor le eşkencey cesteyî karatre. Ew deyzanî bo Dergekey kirdewe û gurrandinî. Le rarrewekeda ta dehat, hawar û dad, dengî şelaq û şillpe şilpî aw, rake rak û cnêw, rarrew be rarrew, jûr be jûr lûlî deXward û dengî dedayewe… Axazade, hestaye serpê û Pencerey Dergekey trazand û seyrî derewey kird.. Be xoşî û le xobayîbuwenewe wtî ” wek seg, darkarî deken, lewaneye be’sî bêt..”. Dengêk le derewe qîrrandî “segbab sert bere nawewe!”. Axazade be pelepruzê danîştewe û xoy kirrkird… Carêkî dî şrîxey trazanewey Derge, ‘elî eşkenceder, çawêkî benaw hemuwanda gêrra, rû le axazade, ke le hemuwan Ballaberiztir û qellewtir û dyartir bû ” kê bû, lew kunewe seyrî derewey dekrid, pêmnelêy darkarîtdekem!”
Axazade: mmimim .. Min bûm..
‘elî:segbab bo seyrî derewe dekey, meger nemut bxewn?
Axazade: wtim …
‘elî: gutixward, heste, were derewe .. Rû lewanî dîke, her Kes hestêtewe, dway em serey dêt, wek seg btopin!
Axazadey kete û lexobayî, zorcar weha qseydekrid, detut qsekerî mîrîye lenêw Zîndanekeda, hemîşe bêxemî û dillnyayî le berbûnî pêwedyarbû. Serî şorrkird û kewtepêş ‘elî eşkenceder … Her ke Derge daxrayewe, dengî ‘elî eşkenceder hat û gurandinî beserîda ” ew kêblle bigre û darkarî ew segbabem bo bke.. Axazade wek xoy dwatir danîpêdana, kewte lêdanî Keseke û hawkat ‘elî eşkenceder beserî eşkenceder û eşkencedrawîşda deygurand:
-segbab, zyatir destithellbirre, tund le pişt û laqî bde, benêw awekeda rakêşî bke ….
– Wtim nawt çîye
+ ay bawkerro, îwsif, nawm îwisfe xotan baştirî dezanin ….
-Çend Kest kuştuwe
+ ay Xwaya, bexwa begyanî Daykim Kesm nekuştuwe, bimkujn ba rizgarm bêt, tuxwa bimkujn ba ledest eşkence asûde bim, eger dezanin Kesêkim kuştwe, îdî bo pirsyarm lêdeken,
Lebrî ew bimkujnewe, ba asûde bim, daye Gyan mirdim …
-lêyde segbab, em Dayk hîze qsenakat, bîkute, wek seg bîtopêne …
Nîwekatjêrêk bem core axazade, darkarî Zîndanîyekî dîkey kird û Zîndanîyeke, hawarî kird û parayewe, wtî û wtîyewe, ke Kesî nekuştwe … Bellam dadîneda… Axazade, rengperrîw, betirsewe xoy be jûrekeda kirdewe .. Hemuwan le tirsî ewey neka ‘elî eşkenceder, bangyan bkate derewe, xoyankirdbû be xewtû… Dengî lêdan û rakêş rakêş ta nîweşewêkî dreng herberdewam bû… Kes xewî lênekewt.. Paş royiştnî eşkence-derekan, destbecê her Kese le şwênî xoyewe kewte pirsyar le axazade …, alan, ke hem pêştir lêypestibû û hem bem karey ewendey dî rkî lêdebuwewe.. Nîwteney berizkirdewe û pêyut…
– her wek le serdemî be’sda detanbîst lem eminxaneda çî rûdedat, çon lawanî em şare debûne xorakî em dêwezme, ewa êsta beçawî xotan debînin, ke kurrekanî gel, Gyan-leserdestekanî dwênê, çon wek qutabî be’sîyekan, ewey ewan firyanekewtin bîken, eman tewawîdeken. (Rû le axazade) kakî qareman, xo to xot watenî ajaweçî nît, bo portyan şkandî? Cyawazî to û ewan çîye, ke be fermanî ewan çawî Zîndanyan debestî û darkaryan dekey? Dyare to lenêwmanda nokerî ewanî, eger na, boçî sozî hawnîştmanî û hawneteweyt wek xot pagendey bo dekeyt, bo ew bedbexte nebizwa? Ya to drodekey ya xudî pagendey hawnîştmanî û hawnetewîy bexoy droye û le rastîda Nîştman bo êmey nedar, Zîndanêkî gewretir lem Zîndaneye?
Eşkencey derûnî, hemuwanî şeket kirdbû, her Kesew le Xeyallî xoyda xozgey bewe dexwast, ke Kesêk hebêt û le raz û nyazekanî dllî bgat.. Mnallanî bedbext le çawerrwanî Dayk û bawkî Zîndanîyanda helltruşkabûn û xêra xêra bedem xewî trisnakewe dadeçllekan û Şewgar beqed çaxe tarîkekanî mêjû drrêj bûbû, hîwakan le pişt Dergey Zîndanekanda ejnoyan şkabû …..
* 05î Oktoberî 1992 Rojî fîdrallî le Kurdistan. Ew Rojhî ke hêzekanî emnî mîrayetî herêm, le şarekanî jêr Desellatîda, destyan be reşbigîrîyekî berfirwan kird û Zîndanekan be sedan Kesî çalak û narrazî awedankirdewe.