ھەرچەندە من كۆمونیست نیم، بەڵام ناتوانم ئەم پرسیارە لە نووسەر و ئامادەكەری ئەو راپۆرتە، نەكەم؛
تا ئێستا دەیان ژنی كورد لە ھەندەران بە دەستی ھاوسەر یا كەسوكاری خۆیان كوژراون، كەچی لە ھیچ راپۆرتێكدا نەنووسراوە، ناسیونالیستێك، ئیسلامیستێك، (حسك)ێك، (ینك)ێك، (پدك)ێك، (حدكا)ێك، (پژاك)ێك، ھاوسەرەكەی خۆی كوشت، ئایا ئەو دەرزەنە ئاراستە و پارتە، ھیچ ژنیان نەكوشتووە؟
بەبۆچوونی من ئامانجی ڕاپۆرتنووس، ھێندەی زاقكردنەوەی واژەی (كۆمونیست) بووە، ئەوەندە ئامانجی خودی تاوانەكە نییە و نەبووە!
ئەم ڕاپۆرتە، راپۆرتەكەی ساڵی ٢٠٠٦ی ڕۆژنامەی (مێترۆ)ی بریتانی بیرخستنمەوە، كە نووسیبووی “كوردێك مەرێكی ئەتككردووە”، كە دواتر دەرەكەوت بەرتیلی دەزگەكانی دەوڵەتی توركیە لەپشت ئەو سكانداڵە ڕۆژنامەوانییەوەن، كە ھەموو ئێتیكێكی ڕۆژنامەگەریی ژێرپێ خستووە!
ئەگەر بكوژی “ھەڵاڵە خزری” تاوانی ژنكوشتن و بە بەشێك لە خاوەندارێتی بینینی قوربانییەكە بێت، ئەوا ڕاپۆرتنووس، قوربانییبوونی “ھەڵاڵە خزری” كردووەتە ئامرازی كینەدۆزیی رامیاریی یا پاداشتی لایەنێك !