ئەڕێ بەڕاست چی بنووسین؛ ئەوەی كە بەخۆمان دەركیدەكەین یا ئەوەی كەسانی دیكە لێماندەخوازن ؟
* ئەگەر ڕەخنە لە ئیخوانەكان بگریت، ئەوا بە نۆكەری ئیسرائیل تۆمەتبارتدەكەن !
* ئەگەر ڕەخنە لە كودەتای دێمۆكراتیی بگریت، بە لایەنگری ئیسلامییەكان تۆمەتبارتدەكەن !
* ئەگەر ڕەخنە لە ھەردووكیان بگریت، ئەوا بەوە تۆمەتباردەكرێیت، كە خەریكی ڕامیاركردنیت و ئایدیۆلۆجیت پەخشدەكەیتەوە و ھەموو شتێك ڕەتدەكەیتەوە و تەنیا بیركردنەوەی خۆتت لەلا پەسەندە !
لە وەڵامی وەھا چاوەڕوانییەكدا، من تەنیا دەتوانم ئەوە بڵێم، ئازادییەك كە دەسەڵاتخوازان و دەستەبژێران و لایەنگرانی دێمۆكراتی پارلەمانی بۆ تاك پاگەندەی دەكەن، واتە لەدەستدانی كەسایەتی و سەربەخۆیی بیركردنەوە و خاترجەمكردنی ئەوانەی كە بە ئاراستەی بای ڕۆژگار، شەندەكەن، بە واتایەكی دیكە، “ئازادیت ھەموو شتێك بیت، تەنیا خۆت نا، ئازادیت وەك توتی وتەی ئەم و ئەو بڵێتەوە، بەڵام بیركردنەوە و پێگەییشتنی خۆت نا” !