Sermayeguzarî ramyarîy partekan leser pirsekanî komellge wek her bazirganêkî dîke

Lêreda bedyarîkrawî mebestim ew xopîşandane ramyarîy û bazirganîyanen, ke grupe çep û nejadperistekan bes bo şekanewey allay part û desellatî borcwazîy nejadekeyan le henderan berpayandeken.

Bedaxewe hewllekan hem partîy [hizbî ] hem nasîwnalîstîn. Bedillnyayyewe zorêk lewane eger alla û druşmî partekeyan û alay desellatekeyan neşekêtewe, amadenîn bo satêk djî szay sêdarebin. Xo herêmî kurdistan û ‘îraqîş sêdarey têdaye, bo kesyan fzeyan lêwenaêyt. Bedaxewe narrezayetîyekanyan beser partayetîda dabeşandûn.

Hefteyek pêştir çepekan [nasîwnalîste cugrafîyekan] û heftey dwatir nasîwnalîste nejadîyekan, eger berrast herdûla djî sêdaren û amancyan sermayeguzarî partîy û aydîlocî nîye, bo hemuwan pêkewe bebê allay part û deselat narrezayetî dernabrrin ?

Hellbete eme bêcge lewey ke her emane katêk bedeselat bgen, wek komarî dîktatorîy xwakan le êran xellk lesêdarededen û tîrordeken, herwek çon bexoyan le henderan xwazyarî xawenmallbûn û hemû mafêkî karkirdin û penaberêtî û cût nejadnamen û hawkatîş lêrewe ta nîştmanî azîzyan sûkayetî be ‘ereb û bengladîşîy û efrîkîyekan deken, ke hatûnete nîştmanekeyan.

Leberewe be boçûnî min, pêwîste hawkatî riswakirdin û narrzayetî djî szay sêdare û dewlletî xwakan, xudî parte ramyarekan be çep û rastewe leser bazirganîkirdin be pirsekanî komellgewe bo berjewendî ramyarîy û abûrîya xoyan, riswabkirên !