Raportî Tanganîka
Nazm Hîkmet
w. le Farsîyewe: Hejên
Namey Nohem
Rojanêkt bîrdênmewe ke le Zîndan azadbûm
azadyannekirdim. azadbûm,
Rojanê ke le nêwewe be fşarî xom û le derewe be fşarî Dostan û
Rêwşiwênekan, le Zîndan azadbûm.
Şadî
Hawserî, Cejn,
Şadî,
kemê lexobayîbûm,
kemê şêwaw.
Şadî,
leser Çllekanî, drewşanewey Xewn û Hîwakan,
Mîwe na, Drewşanewe.
dwan lemerr Zîndan bo her Kes û bo xot.
hêştake Zîndan dête Xewnit,
le Xew radeperrî
Xû û Yasaxîyekanî Sallanî Zîndan Yexet bernaden.
Serî Paketî Namekant danaxey,
çawerrêy Satekanî Camulley xwardinît,
katê Şew tarîk dadê, çawerêy Derge le Derewe daxrê û
Gllopekan xobexo pêbkirên,
Şadî
Hawserî, Cejn,
bellam Rojanî Cejnîş wek Rojanî dîke kotayyan heye
debînî Serbanî Xanuweket dllopedeka,
Derge û Pencerekanî çêkirdneweyan pêwîste,
debê daway Aw û Gaz û Karebabestin bkey,
debê Çerçef û Qap û Camulle û pertûk bikrrî.
Bazuwekant amadey karn,
le Zîndanîş her karyandekrid,
bellam Mêşkit hêwaş buwe,
Pareşt nîye,
qerzarbûnîş trisnake.
Bnewanî Mallî Azadît le kwêwe û çon destipêbkey ?
wate demewê bllêm :
barî Tanganîka le barî Kesêk deçê, ke le Zîndan azadbûbê.
Fêbrîwerî 1963
**********************************************
Raportî Tanganîka yekêke le dwahemîn Honrawekanî Nazm Hîkmet, çunke le Fêbrîwerî 1963 honrawetewe û Nazm Hîkmet le Cunî heman Sallda mirduwe. Em Raporte le şêwey de Hellbest-Nameda, arastey »Vera Tulyakova « hawsere Rusekey kirduwe, ke le Sallî 1960da letek Nazm Hîkmet hawserîy kirduwe.
Tanganîka, wek dezanin le katî geştekey Nazm Hîkmet da, dû Sall bû ke serbexoyî bedestihênabû û be pêşewayî » Julius Nyerere « kewtbuwe nêw Wllatanî hawberjewendî Îngilîsî .. Ew Wllate le Sallî 1962da be rêkewtinî »Zingbar « Komarî » tanzanya «î pêkhêbna û Julius Nyerere wek serokkomarî danra.