Dayksalarî dîwekey dîkey babsalarîye !
Pêşekî dayksalarî ya babsalarî be watay gerranewey nasnamey mindall bo ser dayk ya bawk nîye, bellku be watay serwerîy hendêke beser hendêkî dîkeda.
Ewaney ke pêyanwaye dayksalarî le babsalarî baştre, ne le hokar û payekanî stem têgeyîştûn û ne serwerîy retdekenewe.
Be boçûnî min grift leweda nîye, ke kê salare, bellku grift lewedaye, ke salar hebêt, îdî babsalarî bêt ya mamostasalarî û seroksalarî û partsalarî û melasaray û şêxsalarî û xwasalarî û mizgewtsalarî û xaneqasalarî û fermandarîy [hkumetsalarî] û dewlletsalarî, hemû salarîyek leser bnemay nasalarîy zorîneyek binyatdenrêt û salarî tenya lepênaw nasalarrragirtnî ewanî dîkedaye.
Leberewe çi bawk salarbêt û dayk milkeç, çi dayksalarbêt û bawk milkeç, hîç le krokî mlekçîy û jêrdesteyî nagorrêt. Her leber em hoye, eger komellgey seretayî dayksalar bûbêt [herçende bellgeyekî tomarkraw ledestda nîye], ewa ew beheşte nîye, ke nahuşyaran û xoşbawerran be serwerîy em û ew xozgey bo dexwazn û deyanewêt dûbarey bkenewe.
Herweha komelgey hawçerx nîşanîda, ke drrindeyî jin le drrindeyî pyaw kemtirnîye, eger zemîney bo brrexşêt, bo em mebeste brranne rollî jnan le supa û polîs û tîmekanî tîror û mafya û mîlîşyakan û bazirganî û deselatdarîy !
Be pêçewaney têrrwanînî desellatixwazanewe, mrov ta katêk dirڼde nîye, ke desellatixwaz û mşexorixwaz nebêt, ke ew dû hezey lela drustibûn, îdî şunasî regezîy û nejadîy û ayînîy û çînîy û twêjîy û pley ekadêmî hîç le drrindebûnî nagorrn, bellku be pêçewanewe çende ekadêmîtir bêt, hênde drrindeyyekey huşyaranetir û be plantir debêt, çendî ayînperwer û neteweperwer û nîştmanperwertir bêt, drrindeyyekey baştir bo perdepoşdekrêt, herweha eger jin bêt, komellge lejêr hejmûnî fêmînîzmî borcwazîda, mşexorîy û desellatixwazîy û drrindeyyekey nabînêt.
Na bo hemû salarîyekan û bellê bo nasalarîy û lasarîy