serincdandnêkî rexneyî le pertûkokey “nîgayek le êsta û xewnêk bo sbey”î merîwan wirya, aras fetah, bextyar ‘elî, rêbîn herdî
beşî çwardehem
nayeksanî le kurdistanda leser bnemay karî nabecêû nayasayîû naexlaqîû naînsanîû gendellîyewe drustbuwew geşedesenêt. koy îşkirdnî hemû sîstme syasîyekew ew sîstme abûrîyeş ke rastewxo be sîstme syasîyekewe grêdrawe, leser bêdadîû pêşêlkirdnî prinsîpî yeksanî damezrawew kardekat. L33
nûseran nayeksanî wek dyardeyekî hergîz negorr û nemir debînin û leser ew bnemayeş beser dû desteda dabeşî deken; destey yekem, nayeksanî nayasayî û namorrallî û namroyî û gendell, duwem, nayeksanî yasayî, morrallî, mroyî û nagendell! lêreda wêray heşbeserî komellgey kurdistan bo nûseranî nawdarî, pirsyarêk dêtegorrê; bêcge le cyawazîye cesteyyekanî mrov û awhewa û hellkewtey cugrafî şwênekan, kamanen ew nayeksanîyaney ke sruştî û morrallî û mroyî û nagendell û rewan?
nûseran wawetir le cadûkirdin le xwêner derron û sîstemî abûrî dekene pabendî sîstemî ramyarî, ke eme bo her kesêk, ke elf û bêyek le ramyarî û abûrî bzanêt, dekate nezanî ya fêllkirdin le xellk. ewan ewe lebîrdeken, ke serxan (sîstemî ramyarî) wellamdereye be jêrxanî abûrî [bnemay abûrî û peywendîyekanî berhemhênan] bo nmûne abûrî bernamerrêjîy nawendî bolşevîkî, desellatî takpartîy û dîktatorî dexwazêt, abûrîy bazarazad, sîstemî parlemanî û frepartî dexwazêt, nek be pêçewanewe. çunke bew radeyey ke dewlletekan mil be pêşmercî nawende cîhanluşekan deden, bew radeye bernamerrêjî nawendî û desttêwerdanî dewllet û abûrî nîştmanî lawaz debêt û le beramberîşîda wek wellamdanewe be teratênî abûrîy û ramyarîy nawende cîhanîyekan, cêpîy takpart û seroksalarî lawaz debêt û rollî kompanîyekan û desellate abûrîye cîhanîyekan le pişt demamkî nwêneranî hellbjêrdrawî netewe û nîştmanewe behêztir debêt.
nûseran pêmannallên, ke çon û be çi pêwerêk detwanin rewayetî abûrî û ramyarî û komellayetî û morrallî be nayeksanî bden? paşan bo êmey rûn nakenewe, ke nayeksanî dewllete îdallekanî dêmokrasî borcwazî le kwêwe û le çîyewe serçawedegrin û hatûn û çî raygirtûn?
peregrafêk dwatir nûseran daxwazî gerranewe bo sereta û xallî destpîk deken, ya mebestyan yeksan dabeşkirdnî kurdistane lenêwan hemuwanda û înca destpêkirdnî pêşbirrkêy twanayî û danayî û şarezayyekan, ya eweta mebestyan le hemuwan le destebjêre ramyarekan û roşinbîrekane?
ewey ke mebestîyan barî yekem nîye, hîç gumanî têda nîye, çunke eger hemuwan xawenî sermayeyekî yeksan bîn, hemûman xawenî dahat û darayyekî yeksan bîn, hemuwan rêwişwênêkî yeksanman hebêt, îtir pêdawîstî nayeksanî le çîdaye û çon serhelldedat? herweha wedîhatnî weha yeksanîyek le sayey serwerî çînêk, partêk ya destebjêrêkda esteme, çunke bûnî serwerî xoy pêdawîstî parastnî nayeksanî deyixwazêt. bem pêye xallî destpêk le sayey serwerîda dyarî nakrêt û nîye, kewate mebestyan le barî duweme û lem bareşda nûseran tenya xoll dekene çawî xwêner, egîna serwerî cenrallêk û fîlosofêk cyawazî nîye, bellku dekrêt hî fîlosofeke drrindanetir û tundtir û temendrêjtir bêt. ewan eweşyan lebîr çuwe, ke komellge tenya le tîmêk pêknayêt û ew nmûneye tenya bo dabeşkarî desellat û saman û tallanî komellge beser desellatixwazanda deguncêt.
be boçûnî min dekrêt le xallî nawkoyî sîstemî çînayetîyewe hemuwanî mşexor û desellatixwaz yeksanî hel û behremendîyan le dahat û berûbûmî komellge bo brrexsêt, bellam nek pêçewanekey (helî yeksan bo hemuwan) ke nûseran arastey deken! çunke le sayey sîstemî serwerî çînayetîda tenya yek şit azade, ewîş behrekêşî le mrov û bekarbirdnî hemû kereste û yasa û hêzekan le pênaw zîndûragirtnî nayeksanî mrov û lew pênaweşda hemû ştêk rewaye, tenanet şerr û tîror û begerrxistnî zanistîş bo ew mebeste!
wek wtim, komellge tenya le werizşewanan pêknayêt û yasay pêşbirkê û taqîkirdnewey behrekan natwanêt yasay berrêwebirdnî komellge û berhemhênan û dabeşkirdnî dahat û samanî komellge bêt. herweha lewêwe ke deşêt kesêk le rûy hizrîyewe behrewerbêt û yekêkî dîke le rûy cesteyî û yekêkî dîke le rûy teknîkîyewe û yekêkî dîke le rûy perwerdeyyewe, bellam em berehrewerîyane detwanin û pêwîste tewawgerî yektir bin, nek amrazêk bo berterî komellayetî û abûrîy û ramyarîy. eweş tenya leber hoyekî sade, ke fîlosofekanman pêwîstyan be behrewerî kewişdûr û bergdûr û çêştger û şovêr û mnallekanyan pêwîstyan be perwerde û çareserî dermanî û serpena û yarî û geşt û .. tid heye, her leber eweş natwanin û nakrêt otorîtey xoyan beser xwêneranî bîrokekanyanda bsepênin, çunke xwêneranî fîlosofî û xudî bîryaran û endazyaran û pzîşkan, pêwîstîyan be şitgelêkî zor sakar (poşak û xorak û serpena) heye, ke eger be radey pêdawîstûn bêt, debêt ramyaran û fîlosofan û pzîşkan û bîryaran û nûseran mil be otorîtey ew krêkarane bden, ke ew ştaneyan bo çêdeken, bellam xudî ew krêkarane bo jyanî asayî û mroyyane û sruştî xoyan hîç pêwîstîyan be tewezelanî ramkar nîye û bebê ewan jyanyan zor aştîyanetir û asayîtir debêt. îtir nazanim pêdawîstî yasayîkirdnî nayeksanî le kwêdaye?
nayeksanî abûrîy û ramyarîy û komellayetî, berhem û rengdanewey serwerî çînêk beser çîn û twêjekanî trî komillgeye û xallî destpêk ke lenawbirdnî nayeksanîye, le pêdawîstî mroyî û hawbeşîyewe destpêdekat nek le naçarî û szawarîyewe!
bem pêye pagende û xewne efsaneyyekanî nûseran bêbneman û awez û locîk û derkî mrovî huşyar pesendyan nakat. katêk nûseran deçne ser awellakirdnî derkyan le yeksanî û nayeksanî dîsanewe degerrênewe ser ew xalley ke grêy beşdarî le desellat û dahatî tallankrawda handerî em tyorîzekirdney nayeksanîye, ewey ke (lîstî benaw gorran) û paşrrewanî le brî yeksanî hemelayeney gişt takekan, xwazyarî yeksanî lêprisrawan le berkewtnî beşetallan û dadwerî le dabeşkirdnî plewpaye partîy û mîrayetîyekan le nêwan xoyanda û azadî grupe paşrrewekanyan le terratênî desellatdan. nûseraynîş wek ew grupe xwazyarî rewayetîdan be nayeksanî û serkut û nadadwerîn, bellam le sayey partêkda na, bellku le sayey mîrayetîyekda, ke cêy fîlosofanî xurafegerî têda bbêtewe û konesertîpêk û fîlosofêkî axirzeman wek pêşbirkêgeranî desellat le (xalêkewe!!!) destpêbken, çunke lew bawerredan, ke be asanî le sertîpekanî debenewe û baştir detwanin xizmet be sîstemeke bken. serçawey emeş bo ew naagayye degerrêtewe, ke nazanin sîstemeke tenya cyawazî û nayeksanî le nêwan çîne dara û hejarekanda nakat, bellku le nêwan nawçe û kîşwer û nokerekanîşîda dekat û le berjewendî nîye, ke herêmî kurdistan û hollende û sînîgal le maf û xoşguzeranî û pêşkewtin û geşeda hawast û yeksan bin. emeş serlêşêwawî qsegeranî nasîwnalîzmî kurd le serdemî cîhangîrî û dagîrkarî nwê [desellatî kompanîye cîhanluşekan le rêy nwênerayetî parlemane xocyêyekanewe]da nîşan dedat!
bekurtî debêt însanekanû grupekan le xallî seretada wek yekû yeksanbin, hemuwan leheman şwênewe beheman mafû beheman birr le azadîyewe destpêbken. L34
frîwkarîy nûseran lewedaye, ke deyanewêt ew bnema hizrîyaney ke wek berencamî ezmûngerî şorrş û raperrînekan beramber nayeksanî û serkut û nadadwerî bercestebûn, nadîde bigrin û hawkêşekan awejû bkenewe. ewan ewe nadîde degrin, ke nayeksanî le her form û astêkda, le her bwar û şêwazêkda bêt, serçawey berterî û hellawardin û stemkarîye le sayey serwerîda û xudî serwerîş serçawey hemû gendellîyekane, ke nadadwerî komellayetî teşene pêdeden!
nûseran zor wiryayane, şanbeşanî hellay beşêk le desellatdaran ke deyanewêt, gendellî bo serçawegelêk bgêrrnewe, emanîş xerîkin sîstemêkî efsaneyî serwerî nagendellman bo wêna deken û dexwazn be şêwandnî wênekan, ketwarîy nîşanî bden û pêmanbfirişn. dekrêt nûseran le serapay mêjûda yek nmûne herçende temen kurt û bçûkîş bêt le serewerî nîşan bden, ke xoy be mîkanîzmekanî gendellî aws nebûbêt? nayeksanî rewa û morrallî û nagendell tenya efsanekanî torrat û încîl û quran û ayînekanî tirda cêgey debêtewe û tenya bo kese naketwarîye awez sirr û nahuşyarekan şyawî wênakirdne. bellam le beramberda le sayey sîstemî serwerî çînayetîda le hemû kun û qujbnêkî em cîhaneda nayeksanî hem yasayye û hem rewayetî heye û hem be agir û asn û kuştubirr parêzgarî lêdekrêt û sîstemî cêgîr le herêmî kurdistanda ballatrîn û zîndûtrîn nmûneye le yasayîbûnî nayeksanî û rewakrawî nayeksanî, îtir nazanim nûseran daxwazîyekeyan le pay çîye, dekrêt daxwazî ştêk bkeyt, ke le arada nebêt ya rîgrî lêbkrêt, bellam daxwazî ştêk ke desteberkrabêt, wrêne û rawarîye û deçête xaney qsey helequmeleqewe!
nûseran bo rizgarkirdnî paşellî nasîwnalîzmî dewlletixwaz, ke le ser pîrozrragirtnî nayeksanî çînayetî payeguzar krawe, penadebenewe ber xurafe quranîyekanî lemerr serçawey serhelldanî hejarî û dewlletmendî û bo hêzêkî serûmroy degêrrnewe û dexwazn hemîşe nemrî nîşan bden û le beramberda destewajey rewayî pêdebexşin û deykene ballaxaney dadperwerî û kollekey morrallî le bin denên û deyanewêt be destkotakirdnî çend sertîpêkî nexwêndewarî dwênê û cêgirtneweyan be çend ekadêmîstêkî efsanewêj, gendellî sîstemî sermayedarî rîşekêş bken ya weha nîşan bden, ke amancyan eweye. bellam pirseke şerrî bedesellatgeyiştin û xo beşyawtir bînîn û zanatirzanînî komellêk desellatixwazî wirdegîre û bes. mêjûy komellgey çînayetî û ezmûnekanî şkistî hemû raperrînekan û şorrşekan prrin le wêney ew core frîwdanane.
yekêk lew hêmanumayaney tarradeyekî zor nadadperwerîû dillrreqî em sîsteme aşkradekat, peywendî becîhanî mnalanî kurdistanewe heye. L34
bêmafî û behremendnebûnî mnallanî kurdistan le jyanêkî şayiste û dahatûyekî rûn, natwanêt le derewey sîstemî fermanrrewayyewe wêna bikrêt û rengdanewey drrindayetî ew rjêmeye û mnallanî kurdistanîş le cugrafyay sermayedarîda wek mnallanî hîndustan û esîwpya le xwarewen û le derewey baznekanî nawendewen. ew nadadwerîyane le baznekanî nawendîşda dyar û berçawn, bo kesêk ke xoy le ketwarî komellayetî û abûrîy û ramyarîy dewlletanî borcwa-dêmokratîkî dllî sermaye, gêl nekat. bo nmûne le allmanya ke yekêk le nûseran têyda dejî, ewe lêhatûîy mnallan û xewnekanyan nîn, ke dahatûyan dyarî deken, bellku ewe rêwişwênî abûrîy û komellayetî xêzanekanyane dyarî dekat, ke destey birryarderî fêrgekanî seretayî mnallan berew kwê rewane bken. eweman lebîr neçêt ke ta sallanî heştakanî sedey raburdû, helawardnî regezîy (sêksîzm) le dyarîkirdnî dahatûy xwêndkaranda hebuwe û ewe xebatî lêbrrawaney fêmînîste radîkallekan[nek fêmînîste borcwazîyekan] û take yeksanîxwazekan bû, ke kotayî be rêwişwênî pledûy kçan le xwêndin û perwerdeda hêna, nek bexşindeyî ramkaran û borcwakan! êstaş pallawtnî fêryaran le qonaxî seretayîda berew jûr, be pley yekem, plewpayey xêzan û twanay darayî ya paşîney xwêndnî daykan û bawkan, le pley duwemda, nejad û şwênî ledaykbûn, le pley sîyemda radey pabendî xwêndgekan be otorîtegerayî û hîrarşî sîstemî xwêndewe, dyarî dekat, ke kame xwêndkar bo xwêndnî amadeyî û balla birwat û kame bo pîşewerî û dahatûnadyarî denêrdrêt. rêk wek ewey ke le kurdistandamnallî destifroşêk le baştrîn barda tenya çansî tewawkirdnî amadeyî pîşesazî heye, le allmanîş rêjekanî sedey raburdû nîşanî deden, ke ewaney çansî xwêndnî ballayan hebuwe mnallanî çînekanî xwarewey komellge û le nawîda koçeran û penaberan nîn, bellku kesanêkî trin, ewaney ke nûseran pêyanwaye le twanadarî û behredarîyewe detwanin payeyek le nayeksanî yasayî û reway fîlosofanî axirzemanda bedestibhên.
raste mnallanî ewrupa wek mnalanî kurdistan naxrêne jêr barî granî kar û peywendîyekanî karewe, bellam eme ne berhemî bezeyî ramkaran û dewlletmendane, ne mnallparîzî fllane part û bernamey rêformixwazan, bellku berhemî deyan û sedan sall xebatî cemawerî çîne bindestekan û pêdagrî û lêbrrawî xebatkaraney take azadîxwazekane bo baştirkirdnî helumercî jyan û perwerde. eger berhem û destekewtî rîforêk ya rdênispîyetî profîsorîk buwaye, debû paş çend sede le hezaran sall serwerî çînayetî hem kar watay komellayetî xoy bgorrdaye û hem mawey kar be giştî daşkaye û hem temenî bwardanî karî mnalan bezbuwayetewe û sîstemî hîrarşî û otorîteyî xwêndin û perwerde şwênewarî nemabuwaye. bellam ewey le de sallî raburdûda wek serencamî baze gewrekanî sîstemeke û cîhandagrî deybînîn, eweye ke temenî molletdrawî mnallan bo karkirdin le ewrupa dadegîrête xwarewe û hem le bwarî amadekirdnî pîşeyîda fretir mnalan wek karî xorrayî û herzan dexrêne xizmet kompanîyekanewe, hem mawey kar begiştî zyaddekrêt û hem temenî xanenşînî berizdekrêtewe û hem kar heman pênase û watay naçarîyane û koylaney serdemî koylayetî heye!
ewey ke mnallanî destebjêrî ramyaran û roşinbîranî kurd le ewrupa naçar be karkirdin nebin, emeş komellêk hokarî heye; lewane bawkan û daykan lelayek xoyan kirduwe be kemendam û komekî taybetî û zyade le bêkaran werdegrin, lelayekî trewe karî penanekî deken û bac û pişkî komellayetî lênaden û hawkatîş le sayey gendellî sîstemî herêmî kurdistan, muçey xanenşînî ramkarane û roşinbîrane û nûserane werdegrin û zewî û xanû û xercî hatuçoyan leser nawendekanî rageyandin û roşinbîrî msogere. egîna lepêş ewrupîyekanewe naçar debûn, mnallekanyan bnêrn bo rîklam û rojname bllawkirdnewe!
berray min hokarî kîsefroşî mnallanî kurdistan û rîklam û rojname pexişkirdnewey mnallan le ewrupa her yeke, ke ewîş barî abûrîy û rêwişwênî komellayetî xêzanekanyane. eweşman lebîr neçêt, le her yek le wlate ewrupîyekan û emerîka û ustralya û keneda, hejmarêkî berçaw le mnallan be pêy pêwer ya standardî astî nizmî guzeran, le xwar hêllî hejarîyewen!
kem û zorî radey çewsanewey mnallan, be amadeyî û rêkixrawbûn û huşyarî daykan û bawkan wek endamanî çîn û twêje komellayetîye bindestekanewe peyweste, egîna le kurdistanî lay êmeş mnallanî kemayetîyekî berter û behremend le dahat û desellat hen, ke wek mnallanî dewlletmendanî ewrupa, jyan wek hellmatî destyan helldesurênin. eger le her penaberêkî kurd le brîtanya bpirsî, ewa xewn be berkewtnî xanûyekewe debînin, ke nzîk be nawçey dewlletmendinşînekan bêt, taweku mnallekanî lew fêrgeyaneda bixwênin, ke mnallanî çînî nêwencî û balladest tyayanda dexwênin. aya eme heman cyawazî nîye, ke le kurdistanda heye û le dabeşbûnî mnallan beser dû desteda rollî heye?
ta jyanî mnallanî kurdistan lew zebru naçarîû tundutîjîye komellayetîû abûrîye rizgarnekrêt ke her lezwewe cîhanî mnallîy le mnallan dedzêt, esteme komellgayekî dadperweru rêzdar bo mrovû behakanî drustibkrêt. L35
nûseran dabînkirdnî dadperwerî komellayetî be rizgarî mnallan debestnewe, bellam rizgarbûnî mnallan lew barenalereyan be lenabirdnî payega abûrîy û komellayetîye nalebarekanî xêzan û tak nabestnewe. lêrewe bo ewey tîorîye cadûgerîyekeyan rizgar bken, dên û dadperwerî be hellsukewt (mamelle)we debestnewe, bellam xudî hellsukewt le huşyarî takewe, ke pabendî rêwişwênî komellayetî û barî abûrîy û bolwanî ramyarîy û ferhengî û rêwişwênî le berhemhênan û berrêwebirdinda serçawe degrêt, nabestnewe. emeş şêwandnî wêne ketwarîyekane, her boye deygêrrnewe bo nebûnî rîformî ramyarîy. emeş hemûy bexatrî serincladanî xwênere le nayeksanî hemelayene, ke serçawey hemû grift û kêşeyekî abûrî û ramyarî û komellayetî komellgeye. nûseran tenanet le rîfore ramyarîyekeşyanda xoyan le berewjûrke naden û pêmannallên, ke rîformî ramyarîy pabendî çîye û aya pêwîstî be hêzêkî komellayetî heye?!
lêreda pêwîste awrêk lem waje cadûyye (Reform) bdeynewe, ke dekate darriştnewe ya gorînî form( şêwe)î baw, nek çaksazî. çunke çaksazî wate çakirdnî xrapêk, bellam ewey ke le sayey zallî û paşekşey bzave komellayetyekanda rûdedat, xrapkirdnî çake! rûdanî herdîwêkî em şte, be hawsengî hêze komellayetîyekanewe peyweste; bo nmûne katêk ke bzavî cemawerî çîn û twêje komellayetîye bindestekan le lawazîda bêt, ewa rîform be xrapkirdnî çak tewaw debêt; kemkirdnewey krê û muçe û xizmetguzarîyekan û bîme û komeke komellayetîyekan, be watayekî dîke tir, destawellabûnî sermayedaran û ramyaran û desellatdaran le sendnewey destkewtekanî pêşû, le beramberîşda katêk ke bzavî cemawerî çîn û twêje komellayetîye bindestekan rêkixrawtir û behêztir û amadetir û çalaktir bêt, ewa sermayedaran û ramyaran û desellatdaran zyatir naçar be mildan be daxwazîyekanî xellk û rîforimkirdnî xrap bo çak debin, be watayekî dîke dekate zyadkirdnî muçe û krê, kemkirdnewey mawey kar, baştirkirdnî xizmetguzarîyekan û hênanexwarewey temenî xanenşînî û zyadkirdnî komeke komellayetîyekan û msogerkirdnî bîme komellayetîyekan. mêjûy çend sed salley nzîk nîşanîdawe, ke hîç çaksazîyek le berjewendî xellkî bêdesellat, bebê qurbanîdan û xopîşandan û mangirtin û şerrî berdewam û xebatî rojane nehatuwete dî û hîç kat û le hîç goşeyekî dunyada ne le serdemî koylayetî û ne leserdemî fîodalîstî û ne le serdemî dêmokratî borcwakanda rûy nedawe, ke mîrîyek bebê fşarî çîn û twêje bindestekan le sozdarîyewe rîformî be qazancî hejaran û bindestanî komellge encam dabêt! eger nûseran ya xwênerêk hêştake gumanyan leme heye, ba le katî xwêndnewey em ristaneda serincî hewallekan le înternêt, telefzyon, rojname û radyokan bden, ke serbarî hemû sansûrêk û hemû şêwandnêk, keçî natwanin ew ketware bşarnewe, ke komellgey çînayetî leser kêwêk le barûtî tureyî û narrۊezayetî takekan be nayeksanî û nadadwerî û azadnebûnyan westawe û teqînewey be bedesthênan û kelekebûnî huşyarî şorrişgîranewe bende û her sat egerî nabûtkirdnî sîstemî sermayedarî wek sîsteme çînayetîyekanî pêş xoy, heye û mrovayetî herdem rû le pêş denêt û ew rewte twananî ragirtnî le xallêkda bew corey ke îdologekanî sermaye pagendey deken, ya gerranewey bo dwawe, nîye!
kurdistan dway raperrîn bote dunyayekî dûkertbû lenêwan dû cor însanû grupda ke ştêk nemawe pêkewe koyanbkatewe. yekêkyan tewaw hejaru nedaru nebuwe, becorêk leber hejarîy mnalle tazebuwekanyan le xestexaneda becêdehêlln. ewîtiryan bêendaze dewllemendu daraw hebuwew beşîkî zorî kurdistanyan krrîwew kirduyane be mullkû mallî xoyan. L36
wek pêştir wtim, nûseran xermaney pîrozîy efsaneyî nasîwnalîzm û xewne gllawekanî desellatixwazî borcwazî berçawyanî weha lêll kirduwe, ke pêş raperrîn ew dû kertbûne nabînin. min emeyan le nezanîyewe nabînim, bellku be mebestewe deyanewêt weha nîşan bden, eger ewey elf û bêyek le ramyarî û abûrî bzanêt, ewa dezanêt ke barî êsta geşe û pêgeyînî barî pêşuwe û xraptirbûn û wêrantirbûnî ew bare rewtî bêçenduçûnî geşey sermadarîye le nawçekeda û ew mijdaney ke sallanî 1991 û 1992da bexellk dedran, nîwsede lewewber be xellkî flîpîn û srîlanka drawn. keçî le seretay hezarey sêyemda jmarey jnanî leşifroş û xizmetkare koçere naçarekanî flîpîn û mnallanî koyley srîlanka leçaw nîwsede leweber le zyadbûndaye û taku sermayedarî sîstemî serwer bêt, hejarî û naçarî û bazirganî sêksî û gedayî û çendkarî dayk û bawkan û karî mnalan, naçarî û sepênraw debin.
ewey ke caran le kurdistan û ‘îraq hejarî ew per û dewlletmendî em perr nebû, hokey bo abûrî dewlletî bernamerrêj degerrêtewe ( ke serxanî dîktatorî pêdawîstîyetî) nek bo gendellî çend sertîpêk ya çakî be’sîyekan, ke le piştperdey wajekanewe amajey pêdedrêt. bedbextî û destkurtî nûseran lewedaye, ke natwanin grêkwêrey pirseke bdoznewe û bîkenewe, boye hana bo gêrranewey raburdû le êstada deben. dîsanewe em rawemasîye le lîtey nasîwnalîzimda, grêdanewey nîolîbralîzm û abûrî dewlletî dexate berdemyan, ke eweş xewnêkî efsaneyye û meger le dûrgey xeyalle awejuwekanî nûseranda bête dî!
ewey ke nkollî hellnagrêt, rewtî rû le pêşî komellgeye û em rewte eger be arastey baw berewpêş birrwat, ewa debête mamanî ledaykbûnî nalebartrîn barî abûrîy û komelayetî bo bindestan, le beramberîşda hellçûnî qarçkasay telar û balaxane hewirxurênekan leser rencxorî û behrekêşî zorîney birsî û çewsawe qutdebêtewe. ewey xwazyarî azadî û yeksanî û dadperwerî komellayetîye, bêcge le lêdan le bnemakanî behrekêşî û hengawnan berew komellgeyekî naçînayetî rêgeyekî trî leberdem nîye, le beramberda her kesêk xwazyarî nayeksanî yasayî û rewayetîdan be nadadwerîyek ke lew nayeksanîye komellayetîyewe serçawe degrêt, bêt, bêcge le nokerî û desttêkellkirdin letek sermayedaran û dewlletekeyan, rêgeyekî dîkey leberdemda namênêtewe. raste rêgekanî azadî û serkut, yeksanî û nayeksanî, dadwerî û nadadwerî le dûryanêkewe destpêdeken, bellam be arastey pêçwane rêdeken û dûr kewtnewe le her yekeyan, be girtneberî ewîtir tewaw debêt!
nehêstnî hejarîyû damezrandnî sîstmêkî bac ke qursayyekey leser şanî dewllemendan bêt, dekrêt bbête amrazêkî baş bo gorranî em doxe. L37
katêk ke em xalle dexwênîtewe, pagendey serdemî hellbjardnekan fre aşkratir xoy nîşandedat. detwanim em daxwazîye bewe wêna bkem, ke kesêk be keştîyekî şkaw û bebê sewll byewêt pêçewaney rewtî rûbarêkewe belemekey bhajwêt, ke xwazyarî girtneberyetî. dekrêt le hellbjardnêkda eme xallî manîfîstî pagendey partêkî soşyal-dêmokrat ya çep bêt, bellam tenya bo pagendey hellbjardin û bes, çunke hergîz nakrêt xallî serekî manîfêstî rêgeçarey qsegeranî nîolîbralîzm bêt le kurdistan. zyadkirdnî bac leser dewlletmendan, lêdane le amanc û bernamey ew band û kompanyaney, ke leşkrekanyan be xewnî nûseranî borcwazî kurd bo parêzgarî û rizgarkirdnî kurdistan hatûn!
eger awa detwanin cadû le şagirdekanyan le zankokanda lenaw wirdeborcwakanda bken, herwaş bitwanin daway qerzî bê sûd û bêmercî milkeçî bo bendekanyan le sinduqî drawî nêwdewlletî û bankî cîhanî û serleşkranyan, bo awedankirdnewey kurdistan û birdnepêşewey projekeyan bken, şayanî destxoşane û aferîne. bellam kokirdnewey dêmokratî nwênerayetî û bazarazad û dananî bacî zor le ser sermaye û kompanîyekan, pêçewaney paye serekîyekanî nîolîbralîzme û eger birryare sîstemî borcwazî le kurdistanda ya le efganistanda ezmûngîrî le pêşrrewanî sîstemeke û azadkirdnî bazar le ewrupa û emerîka werbigrin, ewa xwastî dananî bacî zor leser kompanîyekan û sermayekan lejêr çawedêrî çekmey asnînî sinduqî drawî nêwdewlletî û bankî cîhanî û emerîka û ewrupay yekgirtû, ya zîndûkirdnewey sîstemî sermayedarî dewlletîye, ke eme esteme û aweznaygrêt, ya witnewey puçgerayye!
dwacar pêwîste ewe bîrî nûseran bxemewe, pagendey bêbnemay hellbjardnîy [zyadkirdnî bac ya dananî bacî zor leser dewlletmendan] nek tenya djî cîhandagîrî bazarazade û lêdane le paye abûrîyekanî nîolîbralîzm, bellku xobexo xerîkin druşmî parte çepekan berz dekenewe û eger berrastîyan bêt, ewa xerîkî nojenkirdnewey rollî nawendîy dewllet û sermayedarîy dewlletîn. her em boçûn û pêşnyare le demî werişkistebûnî bankekanda lelayen hendêk abûrînasewe pêşnyar kran û neyaranî nawyan nan, gerranewe bo bnema abûrîyekanî marksîzm, ew aydîlojyayey ke nûseran dû deheye, be hemû şêweyek û rewa û narrewa le rwangey nîolîbralîzmewe plarî têdegrin û bo labirdnî gllawîy raburdûy çepêtyan, xerkîn xoyan le gllî nîolîbralîzm desûn.
eger nûseran leser em boçûneyan zor pêdagrî bken û peygîr bin, be birrway min dû rêge zyatiryan leberdemda nîye: sîstemî abûrîy îslamî, ke pişt be bankî dewlletî û qerzî xêrîy debestêt, ya sîstemî bernamerrêjîy abûrîy le modêlekey çavêz û berrazîl û kuba, ke be reçellek bolşevîkîye û le herdû barekeda pêwîste nûseran û dewllete başe efsaneyyekeyan lêhatûîy û bergegrî hêrş û szakanî bazarazadî nîolîbralîzm û serleşkrî emerîka bigrin û be pêxoşbûnewe nêwî xoyan le lîstî “nadêmokrat” û “têrorîst” û “dje mafî mrov”da tomar bken!