بەدڵنیاییەوە، تاوەكو تاكە چەوساوەكان چاوەڕێی بەزەیی دەسەڵات یا فریاگوزاری پارتەكان و دەستەبژێرەكان و نوێنەرە ڕامكارەكانی پارلەمان بن، ئەوا تەنیا بینەری نادەربەستی دووبارەبوونەوەی ڕووداوەكان دەبین.
بەڵام ھەر كات تاكەكان بڕوا و متمانەیان بەخۆیان پەیداكردەوە و بڕیاریان دا، كە بە خۆیان بیر بكەنەوە، بە خۆیان بڕیاربدەن و بەخۆیان جێبەجێی بكەن، ئەو كات كۆی ئەو بڕیارە ئازاد و سەربەخۆییانە، تان و پۆی كۆمەڵگەیەكی ئازاد و یەكسان و دادپەروەر پێدەھێنێت و سەركوت و نایەكسانی و نادادوەری دەبنە بەشێك لە ئەفسانەكانی ڕابوردوو… 1 August at 08:59