كاتێك كە توانیمان سروستە ئاژەڵییەكەمان بەدەستبھێنینەوە، ئەوا دەتوانین خۆمان لەدەست سیستەمە ناسروستییەكان ڕزگاربكەین، چونكە ئاژەڵ بە سروشت یاخی و ئازادیخوازە، مرۆڤی ھاوچەرخیش بە بەرنامە و پەیڕەوەوە كۆیلەی سوپاسگوزارە !
” باڵداری گول، شەیدای داری زەقنەبووتە ”
ناسیونالیستەكانی كورد، شیوەنی ئاریێڵ شارۆن دەگێڕن، ئاخۆ ئەگەر ھێز و دەسەڵاتداریی ئەویان ھەبووایە، چییان لە خەڵكی ناكورد دەكرد ؟؟؟؟؟؟؟؟؟؟
ئازادیخوازانی ئیسرائیل ئاریێڵ شارۆن بە خوێنرێژ دەزانن، كەچی ناسیونالیستانی كورد، لەم دوورەوە شین و شەپۆڕیانە بۆی، ئایا ئەمەش ھەر خۆشی دەنگی دھۆڵەكەیە، لە دوورەوە ؟؟؟؟؟؟
ئازیزم، من كۆمەڵگە بە گوێزێكی ساخی نەتەوەیی نابینم و نەتەوە [ناسیونالیزم] زادەی گشتگیرخوازی و سەراپاخوازی دەوڵەتی ھاوچەرخن. بەرێزم، تكایە ئاوڕێك لە ڕادەستكردنەوەی نەیارانی ڕژێمی پاشایەتی و ئاخوندی ئێران، تیرۆریان لە ھەرێمی كوردستاندا لە ٢٢ ساڵی رابوردوودا، پێشلەشركریی بۆ ڕژێمەكانی ئێران، توركیە، عیراق و ھەڵگیرساندنەوەی بزاڤی چەكداری بە خاتری برا بەعسییەكانی سوریەیان، دانانی تاجەگوڵینە لەسەر گۆڕی خومەینی و ئەتاتورك، لێسانەوەی ڕوخساری سەدام و كردنی بە داوەری داوەران، ببوورە لێرەدا ناكرێت و كاتیش فرە كەمە، كە بە بەڵگەوە ھەموو ھاوبەرژەوەندییەكانی بۆرجوازی كورد و عەرەب و فارس و تورك دژی بزاڤی ئازادیخوازانەی چەوساوانی كورد و ھەرەب و تورك و فارس بخەمەڕوو، ھەر ئەوەی كە ئێستا لە سورییە ڕوودەدات، باشترین نموونەیە، كە دەسەلاتدارانی ھەرێم پشتیوانی لە سوپا بەناو ئازادەكەی توركیە و قاعیدە و جبھە نصرە دژی خۆبەریوەرایەتی كوردان لەوێ دەكەن، ھەر ئەوەی كە ئۆپۆزسیۆنی پارلەمانەكەی ھەرێم فرەتر لەتەك سەرانی وتوركیە دۆستە تا خۆبەڕیوەبەرایەتی كوردان.. ئیدی با پرسی كیژە ئەنفالكراوەكانی گەرمیان و قەرەداخ لە دەولەتانی عەرەبی و با پرسی پلەدوویی كوردانی خۆرھەلات و باكوور و خۆراوا لە ھەرێمی كوردستاندا لەو لاوە بوەستێت … بەداخەوە دەبوو ھیچ پێویستی بە لێدوان لەم بارەوە نەكردایە، بەلام بەداخەوە ئایدیۆلۆجیای ناسیونالیستی وەھا پرسەكانی لنگاوقوچكردوون، كە ڕووداوەكانیش بەھەندوەرنەگرین…. ئازیزم من گومانم لە دڵسۆزی تۆ و ھەزارانی وەك تۆ نییە، ھەروا ھیچ گومانم لە قوربانیبوونتان بەناوی نەتەوەوە لەپێناو مشەخۆران و دەسەڵاتداران و دەسەلاتخوازانی كورد نییە. ڕۆژگارێك بوو، منیش ھەزار جار خۆزگەم دەخواست، پێش ڕزگاربوونی كوردستان، شانازی گیانفیدابوون پێببرێت، بەلام ئێستا دونایەك سوپاسگوزاری ڕێكەوتەكان و چەوتی گوللەكان دەكەم، كە لە ڕۆژانی پیشمەرگایەتیدا نەیانكوشیم و وەك ئازیزەكانی دیكە خوێنم لەپێناو بەدەسەڵاتگەییشتنی بۆرجوازی كورددا، بەفێڕۆنەچوو و ئەگەرچی بەشداریكردنم لە پارتایەتی و بزاڤی چەكداریدا وەك یەكێك لە زیرەكترین خوێندكاری ڕۆژگاری خۆم كردمی بە كرێكارێكی پەككەوتەی ھەردەم نەخۆش و پاشكاری برینە كیمیاییەكان، بەڵام دیسانەوە دونیایەك دڵخۆشم و سوپاسگوزارم كە ڕێكەوتی ڕۆژگار بەختێكی دیكەی پێبەخسیم، تاوەكو لە جیاتی ھەموو ھاوڕێ و ھاوەڵە پیشمەرگە گیانبەختكردووە شەیداكانی دونیای ئازادی و یەكسانی و دادپەروەریی دەنگھەڵبڕم و بڵێم ” خەونی ئێمەی ژێردەست لەتەك خەونی دەسەڵاتخوازان جیاوازە، ئەوان ھاوبەرژەوەند و ھاوخوانی داگیركەران و بكوژەكانمانن، ئێمەش ھاوچین و ھاوئامانج و ھاوخەونی ژێردەستانی دەولەتانی داگیركەرمانین ” … ئازیزم، بەوپەڕی دڵنیاییەوە، دەتوانم دڵنیاتبكەم، كە ئەگەر ھاوڕێ گیانبەختكردووەكانمان یەك جار بەختی زیندووبوونەوەیان ھەبووایە، ئەوا زۆرینەیان ھەمان ئەو ھاوارەی ئەو ڕستەیان دەگوتەوە، كە من لەجیاتی ئەوان دەیڵێمەوە، چونكە زۆرینەیان بۆ ئازادی و یەكسانی و دادپەروەریی گیان و ژیانی خۆیان بەختكرد، نەك بۆ گۆڕینی دەسەڵاتداران و مشەخۆرانی داگیركەر بە مشەخۆران و دەسەلاتخوازانی ھاوزمان !!!
دەستخۆش بۆ وەڵامەكەت، ئەگەر بكرێت بە كیبوردی ئارامی یا لاتینی بنووسیت، سوپاسگوزار دەبم، چونكە لە نووسینەكەت تێناگەم و زۆر ماندوودەبم تا لێی تێدەگەم، پرسەكە كەموكوڕی نییە، پرسەكە بەرژەوەندی چینایەتییە، كە سەرمایەدارێكی كورد، دەسەڵاتدارێكی كورد، ڕامیاریكی كورد، دەستەبژێرێكی كورد لەتەك ھاوچین و توێژەكانی كۆدەكاتەوە … ئەمە قسە و پێگەییشتنی من نییە، ئەمە ئەزموونی خەباتی گەڵانە لە سەرتاسەری دونیادا، لە دەمی كۆمونەی پاریس’دا سەروەرانی فەرەنسە لەتەك ھێرھێنەرانی پروس ڕێكەوتن، بۆ ئەوەی راپەڕیوانی پاریس لەنیوبەرن، كە ھاوكات دژی جەگی دەرەكی و دژی سەروەریی وڵاتەكەی خۆیان بوون. لە ڕوسیای پاش ڕاپەڕینی ئۆكتۆبەر، بۆلشەڤیكەكان لەتەك دەولەتی ئاڵمان و نەمسا ڕێككەوتن، بۆ ئەوەی بزووتنەوەی كۆمونخوازەكانی ئۆكرانیا لەنێوبەرن، كە ھاوكات شان بەشانی بۆلشەۋیكەكان دژی ئەو دوو داگیركەرە دەجەنگان، ینك و پدك ١٩٩٢ لەتەك لەشكری توركیە ھێرشیان بردە سەر گەریلاكانی پ.ك.ك، ھەروەھا پدك بۆ گرتنەوەی ھەولێر لە ٣١ ئابی ١٩٩٦دا پێش لەشكری بەعس كەوت، چەند ھەفتە پاش ئەوە ینك پێشلەشكری پاسداران بۆ سەر كۆیە بنكەكانی حزبی دێمۆكراتی ئێران كەوت، تا لە ڕاماڵینی پدك كۆمەكی بكات… ئەزیزم ئەمانە كەموكوڕی نەزانین نین، ئەمانە پاراستنی بەرژەوەندی ھاوبەشی چینایەتین
تەمەنی درێژبێت و لە باوەشی پڕ میھرەبانی دایك بایدا گەورەببێت.. لەوە دەچێت … بە دیتنی ئەم دونیا سەروخوارە تووشی شۆكبووبێت و پەشمانبێت …
بەڕاستی نیشمانی ئێمە تەنیا یاداوەریی كەوش و دەرپێ و جانتا دڕاوەكانی مناڵێمانە ..
ئەو كارەساتە دەیتوانی بوارێك بێت بۆ ئەوانەی كە پاگەندەی سۆشیالیستبوون و كۆمونیستبوون دەكەن، تا مرۆڤدۆستی و یەكسانیخوازییان لەتەك ھەموواندا بسەلمێنن، وەك بیستوومە خۆ بە ڕابەرەرزانەكان، بە خۆشی بێ كارەبا و بێ گەرمییەكان، وێنەی تەنیشت ئاگردان و گڵۆپەكانیان بڵاوكردووەتەوە .. چەندە ڕاستە نازانم، ھیوادارم راستنەبێت و بۆیان ھەڵبەسترابێت …
ئەو ڕۆشنبیرەی كە باوەڕی بە دەسلاتی سەرووخەڵكی ھەبوو، ئەوا مەبەستیشی لە گەل، قەرەبالخی پاش پارتەكان و دەسەڵاتە و ھەر ئەو ڕۆشنبیرانەن، كە خەڵك بۆ سەروەریی رامیاران و سەرمایەداران بەسەر زۆرینەی بێدەسەڵاتدا، دەستەمۆ و گۆشدەكەن.. ڕۆشنبیر، چەمكێكی گشتییە، ئەوی من و تۆ بە ڕۆشنبیری دەزانین، لای دەسەڵاتخواز و مەزھەبییەك ناڕۆشنبیرە و ئەوی لەلایئەوان ڕۆشنبیرە، لەلای ئێمە كۆنەپەرستە. لەبەرئەوە ھەرگیز ناگەینە سەرەنجام و باشتیرن شت پشتكردنە لە ھەردوو دەستەبژێرەكە؛ دەسەڵاتدار و ڕۆشنبیر. چونكە ئەو دووانە دوو نیوە بازنەی دەسەڵاتداری و دەسەلاتخوازیی تەواودەكەن.
دەھەیەك زیاترە كە ئازیزانی “كورد ئای.تی گروپ” پیتچن یا كیبوردێكی كوردییان لەسەر بنەمای یونیكۆد كە ھەموو سیستەمەكان پشتیوانی دەكەن چێكردووە و چەندین دڵسۆزی دیكەش كیبوردی یوندیكۆدیان چیكردووە و ھەروەھا ھەمان گروپ و ئازیزانی وێبچن و چاوگ و زانستپەروەرانی كورد كیبوریان بۆ ئایفۆن و ماكنتۆش و لینوكس چێكردووە، كەچی كوردانی ھەرێمی كوردستان بە فەرمانداریی [حكومەت] و شالیاری پەروەردە و شالیاری ڕۆشنبیری و دەزگەكانی ڕاگەیاندن و ڕۆژنامە و گۆڤار و ھەرچی ھەیە و نییە، تا ئێستا وێنە فۆنتەكانی عەلی و دیلمان [نەك فۆنتەكان] بەكاردەبەن یا كیبوردی عەرەبی بەكاردەبەن. لەبەرئەوە ھیچ شیاوی سەرسووڕمان نییە. ئیستاش بۆ ئەوەی تێكستەكانیان بخوێندرێنەوە، ھانا بۆ پی.دی.ئێف.كردنی نووسینەكان دەبەن… دەترسم ڕۆژێك لەسەر ئەوەی كە پێچەوانەی ئەو گەندەڵستانە بیردەكەیتەوە، سزای زیندانیكردنی ھەمیشەیی یا سێدارەت بۆ ببڕنەوە، بە تۆمەتی شێواندنی ئاساییشی گشتی و شیواندنی سەروەریی !!!!
كۆیلە، ھەر كۆیلەیە، كۆیلەی ھەر كەس و ھەر شتێك بێت، لە ھەر سەردەم و لە ھەر شوێنێك بێت.
بەڵام كۆیلەی پارت و ئایدیلۆجیا لە گشتی بەدبەخترە، چونكە یەكەم بەختی [چانسی] بیركردنەوەی كەمترە و دووەم لە تاكی خێڵ ژێرچەپۆكتر و كاراكتەری لاوازترە !
كێ دەمرێ و كێ شایستەی تۆپینە ؟؟
ھاوڕێیان من زۆر لە مردن دەترسم، نەك لەبەرئەوەی كە مردنم پێناخۆشبێت، بەڵكو لەبەرئەوەی كە لە جوڵەكەوتنی جەستەی ئازادیخوازێك و جەلادێكیش ھەر مردنی پێدەگوترێت !
ھەروەھا زۆر نەفرەتم بۆ ئەو كەسانە ھەیە، كە واژەی “تۆپین” بۆ مردنی ئاژەڵان بەكاردەبەن، لەكاتێكدا لە جوڵەكەوتنی جەستەی مرۆڤ و ئاژەڵ ھەر یەك ڕووداوە !
بەڵام لەوانەیە واژەی “تۆپین” بۆ لە جوڵەكەوتنی جەستەی ئەوانەی كە بۆ خۆشگوزەرانی خۆیان بەھرەكێشیی لە مرۆڤەكانی دیكە و ئاژەڵ دەكەن، گونجاوترین دەربڕین بێت … [مەبەست لە دەسەڵاتداران و مشەخۆرانە] .