لە وەڵامی ھاورێیەكدا، ھاوڕێ گیان، ئەگەر لە من دەپرسیت، ئەوا پێویستە ڕۆژنامەنووسەكەی دەسەڵات؛ خۆیشی و پۆلیسەكان و حكومەتەكەشی شاربەدەربكرێن.
من خەون بە جیھانیكەوە دەبینم، خاڵی لە پۆلیس و حكومەت و چڵكاوخۆرەكانی، پشتئەستوور بە ھەرەوەزی و ھاریكاری و ھاوپشتی و ڕێكەوتنی كۆەمایەتی، كە پەیوەندییە كۆمەڵایەتییەكان لەسەر بنەمای یاساكانی سروشت، ئاساییشی كۆمەڵگە دەپاریزن و ئاشتی كۆمەڵایەتی بەرقەراردەكەن.
بە بۆچوونی من لە كوێدا دەزگەی پۆلیس و ئەمن ھەبوو، ئەوا ئاشایشی كۆمەڵایەتی تێكشكاوە، لە كوێشدا ئاساییشی كۆمەڵایەتی ھەبوو، ئەوا لەوێدا پۆلیس و حكومەت دومەڵی سەر جەستەی كۆمەڵگەن …
باشترین وەڵام بۆ زوڕناژەنەكانی میدیای دەسەڵات و میدیا لاورگەكانی، بایكۆتی خوێندنەوە و بینین و بیستنی راگەیاندنی دەسەڵاتە، كەی خەڵكی سەیسادەق مانگرتن و بایكۆتی میدیاكانیان راگەیاند، ئەو كات دەبینین، كە چۆن دەسەڵات و چڵكاوخۆرەكانی لەبەردەم ویستی جەماوەری ناڕازیدا بە چۆكدادێن ؟