كۆیلەی سۆپاسگوزار لەبەردەم بەزەیی سەروەراندا
لاوێكی ھیندی، پەروەردە و گەورەبووی خێزانێكی نەدار و كۆڵان و گەڕەكێكی ھەژار، پاش ئەوەی كە خوێندنی زانكۆ بە نیوە ئیس و نیوە خوێندن تەواودەكات، لە دووی خولیای منداڵی دەڕوات، كە خزمەتكاریی كۆشكی شاژنی بریتانیایە و دواجار خەونەكەی دێتەدی و بەو پەڕی سوپاسگوزارییەوە لە پشت دەرگەكان دەوەستێ و كاتێك كە وەك خزمەتكارێكی نوێ نیشاندەردرێت، سەدان كامێرای كاناڵەكان و ئەوەندەش ڕۆژنامەنووسی ئەكادێمی ئامادەی پێشكەشكردنەكەی دەبن و ھەزاران لاوی كۆیلە و سوپاسگوزاری بەردەرگەی شاژن ئامادەی خۆشییەكەی دەبن.
بەڵام بەختەوەریی كۆیلەی سوپاسگوزار زۆر درێژە ناكێشێت و لە كارەكەی بەبێ ڕوونكردنەوە دەردەكرێت و پاش تەوابوونی ڤیزای خوێندنەكەی لە بریتانیاش دەردەكرێت و دەگەێتەوە گەڕەكە ھەژارنشین و ئامێزی خێزانە نەدارەكەی.
باوكی لاوەكە دەڵێت، “وێڕای سوپاسگوزاریمان بۆ شاژنی بریتانیا، ھیوادارم كارەكە بە كوڕەكەم بداتەوە و لەو خۆشییە بێبەشینەكات”. ھەروەھا خودی لاوەكەش بەو پەڕی ھیوادارییەوە ئەم پەیامە بۆ شاژن و كوڕ و نەوەكانی دەنێرێت، كە “سوپاسگوزار و بەختەوەر دەبێت، ئەگەر مۆڵەتی بدەن جارێكی دیكە خزمەتی كۆشی شاژن بكات …”
ئازیزانم، بەم گێڕانەوەیە، دەمەوێت بە نووسەران و ڕەخنەگرانی یەكێتی و پارتی و ئەكادێمیستەكانی كورد بێژم، نەخوێندەواری و گوندیبوون و نەداریی بەڕێوەبەرانی شار و كاربەدەستان، ھۆكاری كۆیلەتییان بۆ دوو پارتە دەسەڵاتدارەكە نییە، بەڵكو لاساییكردنەوەی ئەكادێمییەكانە، كە گوندییە بەدبەختەكانی نێو شاری تووشی ناجێگیریی دەروونی و خۆبەكەمزانین و سوپاسگوزاریی كردووە، ئەوە نییە، كە ئەكادێمیستەكەی ھیندوستان، تەنیا خەونی خزمەتكردنی شاژن و دەستوبەندەكەیەتی، ئەوە نییە ئامادەیە پێڵاوی سەروەران ڕیزبكات ؟
ھەروەھا ئەوانەی كە ئەم ڕۆ لە ھەرێمی كوردستان لە ڕاگەیاندن و ڕاوێژكاریی و خزمەتكاریی دەسەڵاتداراندا ھەموو توانای خۆیان خستووەتەگەڕ، كەسانی نەخوێندەوارنین و گوندی نین، ئەوە ئەكادێمیستە شارییەكانی پەردەوەردەی ئەوروپان، ئەوە ئەوانەی، كە شەو وڕۆژ كلە میدیای دەسەڵات و میدیای لاورگ “ئەھلی”دا سووكایەتی بە خەڵكی لادێ و نەخوندەوار و ئاوارە و كۆچەرانی كوردی بەشی سوریە و توركیە و ئێران و عەرەب دەكەن.
Koyley sopasguzar leberdem bezeyî serweranda
Lawêkî hîndî, perwerde û gewrebûy xêzanêkî nedar û kollan û gerrekêkî hejar, paş ewey ke xwêndinî zanko be nîwe îs û nîwe xwêndin tewawdekat, le dûy xulyay mindallî derrwat, ke xizmetkarîy koşkî şajnî brîtanyaye û dwacar xewnekey dêtedî û bew perrî supasguzarîyewe le pişt dergekan dewestê û katêk ke wek xizmetkarêkî nwê nîşanderdirêt, sedan kamêray kanallekan û ewendeş rojnamenûsî ekadêmî amadey pêşkeşkirdnekey debin û hezaran lawî koyle û supasguzarî berdergey şajn amadey xoşîyekey debin.
Bellam bextewerîy koyley supasguzar zor drêje nakêşêt û le karekey bebê rûnkirdnewe derdekrêt û paş tewabûnî vîzay xwêndnekey le brîtanyaş derdekrêt û degeêtewe gerreke hejarinşîn û amêzî xêzane nedarekey.
Bawkî laweke dellêt, “wêrray supasguzarîman bo şajnî brîtanya, hîwadarm kareke be kurrekem bdatewe û lew xoşîye bêbeşînekat”. Herweha xudî lawekeş bew perrî hîwadarîyewe em peyame bo şajn û kurr û newekanî denêrêt, ke “supasguzar û bextewer debêt, eger molletî bden carêkî dîke xizmetî koşî şajn bkat …”
Azîzanim, bem gêrraneweye, demewêt be nûseran û rexnegranî yekêtî û partî û ekadêmîstekanî kurd bêjm, nexwêndewarî û gundîbûn û nedarîy berrêweberanî şar û karbedestan, hokarî koyletîyan bo dû parte desellatdareke nîye, bellku lasayîkirdnewey ekadêmîyekane, ke gundîye bedbextekanî nêw şarî tûşî nacêgîrîy derûnî û xobekemzanîn û supasguzarîy kirduwe, ewe nîye, ke ekadêmîstekey hîndustan, tenya xewnî xizmetkirdnî şajn û destubendekeyetî, ewe nîye amadeye pêllawî serweran rîzbkat ?
Herweha ewaney ke em ro le herêmî kurdistan le rageyandin û rawêjkarîy û xizmetkarîy desellatdaranda hemû twanay xoyan xistuwetegerr, kesanî nexwêndewarnîn û gundî nîn, ewe ekadêmîste şarîyekanî perdewerdey ewrupan, ewe ewaney, ke şew wrroj kle mîdyay desellat û mîdyay lawrig “ehlî”da sûkayetî be xellkî ladê û nexundewar û aware û koçeranî kurdî beşî surye û turkye û êran û ‘ereb deken.
سروودی هاوپشتی
سروودی هاوپشتی*
بێرتۆڵد برێشت
و. ھەژێن
ده هه‌سته، لەبیرتبێ !
كه هێزت له چیدایه
گه‌ر تێری یا برسی
ده هه‌سته، له‌بیرتبێ !
هێز له هاوپشتیدایه
ئه‌ی ڕه‌ش! سپی! سوور و زه‌رد !
ئه‌و شه‌ڕه فڕێده لاوه
شه‌ڕی گه‌لان له پێناو چییه؟
سوودی دوژمن به‌ولاوه
ده هه‌سته، لەبیرتبێ !
كه هێزت له چیدایه
گه‌ر تێری یا برسی
ده هه‌سته، لەبیرتبێ !
هێز له هاوپشتیدایه
گه‌ر له‌نێوچێت شیوی خه‌م
له هه‌وڵی من و تۆیه
كه تۆ ببیته نه‌یارم
بۆ ڕیزی خۆت بێهێزییه
ده هه‌سته، لەبیرتبێ !
كه هێزت له چیدایه
گه‌ر تێری یا برسی
ده هه‌سته، لەبیرتبێ !
هێز له هاوپشتیدایه
شادن به ناكۆكیمان
خاوه‌نكار و سه‌روه‌ران
تا دووبه‌ره‌كی هه‌بێت
فه‌رمانڕه‌وا ده‌بن ئه‌وان
ده هه‌سته، لەبیرتبێ !
كه هێزت له چیدایه
گه‌ر تێری یا برسی
ده هه‌سته، لەبیرتبێ !
هێز له هاوپشتیدایه
یه‌كگرن ئه‌ی كارگه‌ران
تا ئازاد بن له زیندان
سوپای زۆرینه، بجه‌نگه
دژی سه‌ركوتی سه‌روه‌ران
ده هه‌سته، لەبیرتبێ !
كه هێزت له چیدایه
گه‌ر تێری یا برسی
ده هه‌سته، لەبیرتبێ !
هێز له هاوپشتیدایه
**************
* له‌سه‌ر ئاوازی بنه‌ڕه‌تی سرووده‌كه وتراوه، كه دانراوی «ئایسله‌ر»ە و له (سروده‌‌ای در ستایش و اشعار دیگر) وه‌رگیراوه و له فارسییه‌وه وه‌رگێڕدراوه. پێشتر له ژماره (٦)ی «گۆڤاری هونه‌ری ژیله‌مۆ»دا بڵاوكراوه‌ته‌وه
Srûdî Hawpiştî
Srûdî Hawpiştî *
Bêrtolld Brêşt
w. Hejên
de heste, lebîrtibê !
ke Hêzt le çîdaye
ger Têrî ya Birsî
de heste, lebîrtibê !
Hêz le Hawpiştîdaye
ey Reş! Spî! Sûr û Zerd !
ew Şerre frrêde lawe
Şerrî Gelan le pênaw çîye?
Sûdî Dujmin bewlawe
de heste, lebîrtibê !
ke Hêzt le çîdaye
ger Têrî ya Birsî
de heste, lebîrtibê !
Hêz le Hawpiştîdaye
ger lenêwçêt Şîwî Xem
le hewllî min û toye
ke to bibîte Neyarm
bo Rîzî xot bêhêzîye
de heste, lebîrtibê !
ke Hêzt le çîdaye
ger Têrî ya Birsî
de heste, lebîrtibê !
Hêz le Hawpiştîdaye
Şadin be Nakokîman
Xawenkar û Serweran
ta Dûberekî hebêt
Fermanrrewa debin ewan
de heste, lebîrtibê !
ke Hêzt le çîdaye
ger Têrî ya Birsî
de heste, lebîrtibê !
Hêz le Hawpiştîdaye
yekgrin ey Kargeran
ta azadbin le Zîndan
Supay zorîne, bcenge
djî Serkutî Serweran
de heste, lebîrtibê !
ke Hêzt le çîdaye
ger Têrî ya Birsî
de heste, lebîrtibê !
Hêz le Hawpiştîdaye
***************
* leser awazî bnerretî srûdeke witrawe, ke danrawî “ayisler”e û le (srudeay dir stayş û aş’ar dîgir) wergîrawe û le farsîyewe wergêrrdrawe. Pêştir le jmare (6)î “govarî hunerî jîlemo”da
شەو شاد ھاوڕێیان، بە ھیوای كۆمەلێك خەونی ڕەنگین و خوازراو …
ھیوادارم پۆستی كازیوەی بەیان، پەیامی شۆڕشێكی جیھانگربێت، شۆڕشێك كە نەك بەتەنیا تیرۆرستان، ڕسوابكات، بەڵكو ڕاماڵی گەشت جۆرەكانی سەروەریی بێت؛ سەروەریی دایك و باوك بەسەر منداڵدا، سەروەریی ژن و پیاو بەسەر یەكدیدا، سەروریی برا بەسەر خوشكدا، سەروەریی مامۆستا بەسەر خوێندكاردا، سەروەریی خاوەنكار بەسەر كرێكار و جوتیاردا، سەروەریی بەرێوەبەر بەسەر فەرمانبەردا، سەروەریی خاوەنخانوو بەسەر كرێچێدا، سەروەری مرۆڤ بەسەر ئاژەڵدا ، سەروەریی ڕامیاران و پارت و فەرمانداریی و دەوڵەت بەسەر كۆمەڵگەدا …تد
پارتی نیئۆجەلاییەكان لە ھەولێر كۆنگرە دەگرێت …
كۆنگرە ھی ھەر پارتێك بێت، تەنیا پاساوە بۆ چەوتییەكان و دڵخۆشكردنەوەی ئەندامانی گوێرایەڵ و بەستەزمان، كۆنگرە پیرۆزكردن و ڕەوایەتیدانە بە باڵا و پایین، بە پێشڕەو و پاشڕەو، بە فەرماندەر و فەرمانبەر، سەركردە و بنكردە …. تد، چونكە تا ئێستا ڕووینەداوە لە كۆنگرەیەكی پارتییدا شكست و چەوتی و ناڕەزایەتی رابگەیێنرێت، ھەمیشە كۆنگرەكانی پارت بە سەركەوتووی كۆتاییھاتووە، چ پارتی ئیسلامی بێت یا نەتەوەیی و لیبراڵ و كۆمونیست !!!!
ئەرێ خۆ بەڕاست ھەر شادی دەكەن، شادی چی، ھی لەسێدارەدانی كرێكارانی سۆشیالیست، ھی ماوەی ٨ سات كار پاش ١٠٠ ، ھی لێسەندنەوەی زۆربەی دەستكەوتەكان ؟؟؟؟؟؟؟؟؟؟
تەنیا پرسی دایكایەتی نییە، بەڵكو سروستی گوندیبوونیش كارایی خۆی ھەیە، ئەگەر ئەوە ژنێكی شاری بووایە، یەكسەر دەیگوت
“بەخوا فلانی، گۆشتەكەی ئەوەندە ناسكە، ھەر بۆ نێو نۆكاو خۆشە، كورە بچووكەكەم لە قوتابخانە بێتەوە و بیخوات ” !!!
***********
ھاوڕێ بورھان، بەتواوی ھاوبۆچوونتم، لەتەك ئەوەشدا لەم ئەوروپایە كە خراپی خراپترە و ئەو دایكایەتییەكی من و تۆ دیتومانە زۆر دەگمەنە، وێڕای ئەوەش ژنانی گوندەكان لێرەش لەتەك ژنانی شار جیاوازییان ھەیە، جونكە كەمتر لە سروشتە مرۆییەكەی كەوڵكراوە
خوێنەری ھێژا
ئەگەر خوازیاری خوێندنەوەی بابەتەكانی پێشووتری یا ڕەخنەت لەسەر بابەتێك ھەیە و بەستەرەكەیت بۆ نادۆزێتەوە، لەم بەستەرانەی خوارەوەدا دەتوانی ئەو بابەتانەی كە نەفەوتاون و لەبەردەستدا ماون، بەدەستبھێنیت, ھەرچەندە چەند جار، جارێك لە كیمیابارانی ھەڵەبجەدا، جارێك لە لایەن ھاوڕێیەكەوە، جارێك بە ھۆی ھەڵەی خۆمەوە لە وێبلاگەكەمدا و جارێك بەھۆی وەستانی كوردبلاگەرەوە، زۆرێك لە نووسینەكانم فەوتاون، بەڵام ئەوانەی ماونەتەوە و بۆم پەیداكراونەتەوە، لەم بەستەرانەی خوارەوەدا بەردەستدەكەون.
پەڕەی فەیسبووك
www.facebook.com/hejeenm
وێببلاگ
www.hezheen.tk
بڵاوكراوەكان
www.hezheen.wordpress.com/category/پەرتووك