kwêrîn ya Çawîlkey tarîkman be rrûy Tîşkî Xorda danawe?
Ger boyan bilwaye û destyan be êreş bgeyiştaye, ewa Djeşerrekanî Ewrupaşyan, bederdî Xopîşanderekanî Meydanî Kotreke, xelltanîxwêndekrid.
Em Filmetan bînîwe, pêwîstnakat botanbigêrrmewe, dillnyam engo le min baştir deygêrrnewe. Le corî em Filmey henûke leser perdey sînemakan debînîn û xoman lenêwîda ekterîn û rollî Kesayetîyekî gemjey têda degêrrîn.
Her wek ew Filmaney ke lewewber bînîwmanin, çon Mrove spîpêste Ajelldost û Jîngeparêzekan deçne Afrika û sopermanasa fîl û meymûne bestezmanekan le çing “Afrîkîye drrinde û namodêrnekan” rizgardeken û “Yasa berqerar-deken ! Her bew corey ke le beramber têlefzyonekanman dadenîştîn û bedem hawsozîmanewe bo pallewane spîpêstekan teştê GulleberRojey swêrman dekirtand û le xoman nedeprisî; kê kirryarî dindanî fîl û lmozî meymun û çermî pllinge? Kê ew efrîkîye naşaristanîyaney fêrî em û bazirganîye kird?
Herwaş seyrî em Filmey henûke dekeyn û bewperrî sawîlkeymanewe gwê le wêrdî şkodaran le kenîse û goranîyekanyan le awdestxaneda degrîn, çepleyan bo lêdedeyn û semayan bo dekeyn, ke le çing “sedamî dîktator” rizgaryankirdûyn, bebê ewey le xoman bpirsîn; çon ew dîktatore le ( mîsr )ewe rêgey koşkî komarî girteber?
Keçî nazanîn bexoman kame rollman heye, ew efrîkîye bêne berçawt, ke çeplle bo sopermane spîpêste modêrneke lêdeda, katêk be nwêtrîn çek rawe-reşpêst deka. Çeplle lêdedeyn û dekEwîne heleKesema, çawman le corî ew çekane denuqênîn, ke Ajellekanî be bêdengitrîn û xêratrîn kat pêrrawdekrêt, kirte .. Kirtî GulleberRoje, nahêllêt gwêman lew hawarane bêt, ke dellên “em çekane le kwê drustikrawn û çon geyiştunete ewê?“ Herwek çon lebîrî xomanî debeynewe, hewre sûrbawekey Asmanî hellebce le kwêwe hellîkrid û fermanî ” ser bo min û Mall bo êwe ” le kwêwe serçawey girtuwe ?
Ême tenya Kesayetî gemje nîn, bellku ekterî gemje û bînerî gemjeşîn, nek agaman le piştperdey Filmekan nemawe, tenanet twêklle cwawekanîşman kirduwetewe naw tenişte GulleberRojeke û çend care deyankirtênîn û deyancuynewe … ?
20î sêptemberî 2003
ناخ گۆڕی ئه‌وین و لانكه‌ی په‌شیمانی
كاتێك، كه نامۆیی له ته‌ك شه‌وانی لانه‌وازیدا ده‌ست له ملی یه‌كدی دهكهن، جه‌سته‌ی شه‌كه‌تیان ده‌بێته نه‌خشی سه‌ر شه‌قامه دڵبه‌ردینه‌كان و به ئاگری ناخیان شه‌ڕی سه‌رماوسۆڵه‌ی وه‌رزی ته‌‌نیایی دهكهن . .
له‌وه‌ته‌ی من هه‌م ته‌نیام و نامۆیش ئاوه‌ڵدوانه‌ی ته‌مەنم. له هه‌ر چركه‌یه‌كی ڕابوردووی ته‌مه‌نمدا هه‌رزه‌یی تا لێواری گۆڕ تاوی داوم و نامۆیی كفنی په‌شیمانی به باڵامدا بڕیوه.
تەنیایی، دایه‌نی منداڵی و دڵداری لاوێتیمه و هه‌ر سات چرنووكی زیاتر و تیژتر له یاداوه‌رییه‌كانی دوێكه‌م گیرده‌كا. هه‌موو ڕۆژێ بینه‌ری ناوه‌خته‌مه‌رگی خۆمم و دیمه‌نی خه‌نجه‌ره ژه‌نگاوییه‌كه‌ی پشتم، تا ئامێزی نامۆیی ڕاومده‌نێ ..
نامۆیی له خۆم، له حەزم، نامۆیی له سات و ڕێم .. ساته نامۆكانی دوێكه‌م، وه‌ك تارمایی خوێنخۆران له دووم دێن و به‌ره‌و دونیایه‌كی نامۆ ڕاومده‌نێن، دونیایه‌ك، كه تێیدا ڕوخساری گه‌مژه‌یی خۆم،
ڕوخساری جادوویی دڵدارەكەم و ناڕاستگۆیی هاوه‌ڵه‌كانمی تێدا به‌دیده‌كه‌م، دونیایه‌ك كه گشت تێیدا كه‌وڵكراوین و ته‌نیا نامۆی ته‌ره خۆمم. لێرە خه‌می ته‌مه‌نێكم به كۆڵمدا داوه و جه‌سته‌ی تێشكاوم، باری گرانی سه‌رشانم .. ئەم شەو ئاوازێكی خه‌مگین ده‌نگه‌ژێی په‌شیمانیم ده‌ژه‌نێ و له‌نێو گۆڕی گه‌وجیه‌تی خۆم و ئامێزی نامۆییدا دۆشداماوم.
١٤ی جێنیوەری ٢٠٠٠
Nax Gorrî Ewîn û Lankey peşîmanî
Katêk, ke namoyî le tek Şewanî lanewazîda dest le mlî yekdî deken, cestey şeketyan debête nexşî ser Şeqame dillberdînekan û be agrî naxyan şerrî Sermawsolley werzî tenyayî deken . .
Lewetey min hem tenyam û namoyş awelldwaney Temenim. Le her çirkeyekî raburdûy Temenimda herzeyî ta lêwarî gorr tawî dawm û namoyî kifnî peşîmanî be Ballamda brrîwe.
Tenyayî, dayenî Mindallî û dilldarî lawêtîme û her sat çirnûkî zyatir û tîjtir le yadawerîyekanî dwêkem gîrdeka. Hemû Rojê bînerî nawexteMergî xomim û dîmenî xencere jengawîyekey piştim, ta amêzî namoyî rawimdenê..
Namoyî le xom, le hezm, namoyî le sat û rêm.. Sate
namokanî dwêkem, wek tarmayî xwênxoran le dûm dên
û berew dunyayekî namo rawimdenên, dunyayek, ke têyda Ruxsarî gemjeyî xom, Ruxsarî cadûîy dilldarekem û narrastgoyî Hawellekanmî têda bedîdekem, dunyayek ke gişt têyda kewillkrawîn û tenya namoy tere xomim. Lêre Xemî Temenêkim be kollimda dawe û cestey têşkawm, barî granî serşanim .. Em Şew awazêkî Xemgîn dengejêy peşîmanîm dejenê û lenêw gorrî gewcyetî xom û amêzî namoyîda doşdamawm.
14î cênîwerî 2000
شه‌واره‌ی بەزمی نوێ
هه‌موو ڕۆژێ دايكم كۆرپه‌يه‌كی كه‌مئه‌ندام له هه‌ناوی ژانه‌كانیدا ده‌په‌روه‌رێنێ، نۆ مانگ له مناڵدان و نه‌وه‌د ساڵ له كۆڵی مه‌ينه‌تی ده‌گرێت. هه‌موو چه‌ند هه‌فته‌يه‌ك براڵه‌كانم له‌بارده‌چن و هه‌موو نۆ مانگ و نۆ ڕۆژێك، دايكم به‌سه‌ر زگه‌وه، مل به‌لاره‌وه ده‌نێت. هه‌موو ڕۆژێ له كۆڵانه‌كه‌ماندا چه‌پكێ خونچه‌مناڵ ته‌راخوما چاويان ده‌خوا و زه‌ردۆيی وه‌ك گه‌ڵای پایيزان هه‌ڵيانده‌وه‌رێنێ و كۆكه‌ڕه‌شه تا لێواری مه‌رگ، به‌چه‌پۆك به‌ڕێيانده‌كا. هه‌موو شه‌وێ يارانی پەیامبەر گڵوپی سه‌ر شه‌قامه‌كان ده‌كوژێننه‌وه و چرا ده‌ستیيه‌كانی سه‌ركۆڵان ده‌دزن، تا ئاڵه چاوچنۆكه‌كه‌ی بەزمی نوێ هاوسێكانمان بتاسێنێ.
ھەموو بەرەبەیانێك له‌تەك هات و هاواری مناره‌كان جه‌سته‌ی ژيان ده‌گرينه كۆڵ و له مه‌ينه‌تئاوا زينده‌به‌چاڵی ده‌كه‌ين. سەرتسووڕنه‌مێنت، كه خۆمان داره‌مه‌يتی ئاره‌زووه‌كانمان بۆ گۆڕستان ڕاكێشده‌كه‌ين و ئه‌شكيان بۆ نابارێنين، ئاخر ئه‌شك نه‌ماوه تا تۆز و گه‌ردی دڵمان بشۆينه‌وه و هه‌وره‌كانيش نه‌زۆكن.
سەرتسووڕنه‌مێنت، كه له مه‌يخانه‌كانی بەزمی نوێدا، خوێناو بخۆینه‌وه، ئاخر هێشووه‌ترێكان هه‌و و كيميان لێده‌چۆرێ. سەرتسووڕنه‌مێنت، نينۆك و پێستی وشك هه‌ڵاتوومان ده‌جووین و دەخۆين، ئاخر بڕياره له يه‌كه‌م زستانی سه‌ده‌ی نوێدا، جه‌سته‌ی سه‌رمابرده‌ڵه‌ی خۆر به بۆمبی ئه‌تۆمی گه‌رمبكه‌نه‌وه، له يه‌كه‌م به‌هاری سه‌ده‌ی نوێدا، لێوی وشكهه‌ڵاتووی كانياوه‌كان به‌ژار ته‌ڕكه‌ن، له يه‌كه‌م هاوينی سه‌ده‌ی نوێدا، گوڵه ژاكاوه‌كان به خه‌رده‌ل ببوژێننه‌وه. سەرتسووڕنه‌مێنت، گه‌ر ده‌ريالووشه‌كان به‌گه‌نم پڕكه‌نه‌وه و به‌چكه دووپشكه‌كان به‌شير ژيركه‌نه‌وه. سەرتسووڕنه‌مێنت، گه‌ر شه‌وی سه‌ری ساڵ، نازیيه‌كان ئاگری قينيان به‌جه‌سته‌ی كارگەڕانی كۆچەر هه‌ڵگيرسێننه‌وه و چه‌پكێ دڕكی نەزمی نوێ له به‌رۆكی ساڵی نوێ بده‌ن و له سه‌ماگه‌ی ديموكراسی خواكاندا لەتەك زڕه‌ی ده‌مپێكی خوێناوی خواپێداوه‌كان، ئاهه‌نگی كۆيله‌تی ئێمە بگێڕن.
٢١ی دێسەمبەری ١٩٩٩
Şewarey Bezmî nwê
Hemû Rojê Daykim Korpeyekî kemendam le Henawî Janekanîda deperwerênê, no Mang le Mnalldan û newed Sall le Kollî meynetî degrê. Hemû çend Hefteyek Brallekanim lebardeçin û hemû no Mang û no Rojêk, Daykim beser Zgewe, milî belarewe denêt. Hemû Rojê le Kollanekemana çepkê Xunçemnall teraxuma çawyan deXwa û zerdoyî wek gellay payîzan hellyandewerênê û kokerreşe ta lêwarî Merg beçepok berrêyan deka. Hemû Şewê yaranî peyamber gllupî ser Şeqamekan dekujênnewe û çra destîyekanî serKollan dedzin, ta alle çawçnokekey bezmî nwê Hawsêkanman btasênê.
Hemû berebeyanêk letek hat û hawarî mnarekan cestey jyan degrîne koll û le meynetawa zîndebeçallî dekeyn. Sertisûrrnemênt, ke xoman daremeytî arezuwekanman bo gorristan rakêşdekeyn û eşkyan bo nabarênîn, axir eşk nemawe ta toz û gerdî dillman bşoynewe û hewrekanîş nezokin.
Sertisûrrnemênt, ke le meyxanekanî bezmî nwêda, xwênaw bxoynewe, axir hêşuwetrêkan hew û kîmyan lêdeçorê. Sertisûrrnemênt, nînok û pêstî wişk hellatûman decûyn û
dexoyn, axir birryare le yekem zistanî sedey nwêda, cestey Sermabirdelley xor be bombî etomî germ bkenewe, le yekem Beharî sedey nwêda, lêwî wişkhellatûy kanyawekan bejar terrken, le yekem hawînî sedey nwêda, Gulle jakawekan be xerdel bbujênnewe. Sertisûrrnemênt, ger deryalûşekan begenim pirrkenewe û beçke dûpişkekan beşîr jîrkenewe. Sertisûrrnemênt, ger Şewî serî Sall, nazîyekan agrî qînyan becestey kargerranî koçer hellgîrsênnewe û çepkê dirrkî Nezmî nwê le berokî Sallî nwê bden û le semagey dîmukrasî Xwakanda letek zrrey dempêkî xwênawî Xwapêdawekan, ahengî koyletî ême bgêrrn.
21î dêsemberî 1999
خەونێكی خەواڵوو
هۆ هاوڕێ، چاوه‌ڕێ مه‌به ! پاسارییه‌كانی ته‌یراوا لانه‌شێواو له‌دووی مانگه‌شه‌و ده‌گه‌ڕێن و جێژووان نادۆزنه‌وه. گاڵكێشه‌كانی باخچەی (كورد و عەرەب) ڕێگه‌ناده‌ن شوێنپێی گوڵه وه‌نه‌وشه‌كان هه‌ڵگرنه‌وه. داربێیه‌كان هه‌ست به‌نامۆیی دهكهن و له‌تەك نه‌سیمی پاییزان ئه‌شكه زەردهه‌ڵگه‌ڕاوه‌كانیان ده‌وه‌رێنن.
چاوه‌ڕێ مه‌به ! گوڵی گوڵدانه‌كه‌ت په‌ژمورده‌یه و مه‌گه‌ر به‌خەون و خەیاڵ، په‌ڕه ئاڵ و گه‌ڵا وردیله‌كانی به‌سه‌رپه‌نجكانت ماساژ بده‌ی .. ئه‌شكه‌كانت سۆزی لكه وشكه‌كانی نابزوێن، نیگاكانی له دوافرمێسكی ئه‌وینا په‌لكه زێڕینه‌ی ئێواران ناشكێننه‌وه.
چیدی چاوه‌ڕێ مه‌به ! جەسته‌ی ماندووت بده به‌كۆڵی هه‌نگاوه‌كانتا، چەند كۆڵانێ ئه‌ولاتر له گۆشه‌ی باخچەكه‌دا خەمه‌كانت بنێژە و ئه‌شكبارانیان بكه، به‌ڵكو ئه‌م بەھاره گوڵه وه‌نه‌وشه‌كانت سه‌وز ببنه‌وه و پاسارییه‌كانی ستۆكھۆڵم مه‌ست بكه‌ن و گۆرانییه یاخییه‌كان ڕووت ڕووت، بێ توێكڵ، بێ فێڵ و درۆ وشه ئه‌ویناوییه‌كان، له گه‌ردنتا بھۆننه‌وه. چیدی چاوه‌ڕێ مه‌به هاوڕێ، پاسارییه‌كانی گه‌رمیان لە لەندەن ناگه‌ڕێنه‌وه !
٩ی سێپتەمبەری ١٩٩٩
Xewnêkî xewallû
Ho Hawrrê, çawerrê mebe ! Pasarîyekanî teyrawa laneşêwaw ledûy MangeŞew degerrên û cêjuwan nadoznewe. Gallkêşekanî baxçey (Kurd û ‘Ereb) rêgenaden şwênpêy Gulle wenewşekan hellgirnewe. Darbêyekan hest benamoyî deken û letek nesîmî payîzan eşke zerdhellgerrawekanyan dewerênin.
Çawerrê mebe ! Gullî Gulldaneket pejmurdeye û meger bexewn û Xeyall, perre all û gella wirdîlekanî beserpenckant masaj bdey .. Eşkekant sozî lke wişkekanî nabziwên, nîgakanî le dwafrimêskî Ewîna pelke zêrrîney êwaran naşkênnewe.
Çîdî çawerrê mebe ! Cestey mandût bde bekollî hengawekanta, çend Kollanê ewllatir le goşey baxçekeda Xemekant bnêje û eşkbaranyan bke, bellku em Behare Gulle wenewşekant sewz bibnewe û pasarîyekanî stokhollm mest bken û goranîye yaxîyekan rût rût, bê twêkill, bê fêll û dro wşe Ewînawîyekan le gerdinta bhonnewe. Çîdî çawerrê mebe Hawrrê, pasarîyekanî Germyan le Lenden nagerrênewe !
9î sêptemberî 1999
داوه‌ری خەوندزان
شه‌قامه‌كان، چۆڵ و چۆڵتر .. هه‌نگاوه‌كان خيراو خيراتر .. مناڵانی مه‌ينه‌ت، توقيو و ئارامتر .. لێوه تينووه‌كانی ماچی ئازادی، له‌تەك هه‌نگاو بە هه‌نگاوی ماڵاوايی و دووركه‌وتنه‌وه‌ی خۆر له ئاسمانی هيوای ميواندارانی به‌سۆز، بێڕه‌نگ و ڕه‌قتر هه‌ڵده‌هاتن. ژێرخانه‌كانی ترسی جەنگی عوسمانی و هيتله‌ر ئاوه‌دان .. هه‌نگاوی پياسه‌ی ئێواران و شه‌ونشينیيه‌كان، بێهيز و لاوازتر ..
په‌ڕاوی بيره‌وه‌ریيه‌كان په‌ڕ‌په‌ڕ هه‌ڵده‌درانه‌وه و به‌راوردی دياریيه‌كانی “به‌‌ربه‌ريه‌تی كۆن و نۆێ ” ده‌كرا. ددانه‌جيره‌ی “كلنتۆن و ميلۆسۆڤيچ”، وەك جیرەی كتوپڕی دەرگەیە له خاموشی شه‌وەزەنگدا، خەون و خەیاڵی ئاسوودەیی ژیان دەتاسێنێ. چركه‌چركی كاتژمێره‌كان، له‌گوێی كۆڵانه زگگوشراوه‌كاندا، وه‌ك لێدانی دڵی نێچيرێك له سيله‌ی ڕاوچیدا .. هێنده‌ی زەبەندیی تيراژی ڕۆژنامه‌كان له پروپاگانده بۆ داهينانی نوێ له پيشه‌سازی چه‌كدا، خێراتر و داچڵەكێنتر .. چاوەكانی ژيان به‌په‌ژاره‌وه له ساته‌كانی ته‌مه‌نیان ده‌ڕوانی و به‌مۆڕه‌وه ڕووه و خۆراوا وڕمابوون. ده‌ستی هانای خێرنه‌ديتوانی ژێر ساباتی “نه‌زمی نوێ”، به‌ئاره‌زووی گوشينی مشتی گرێخواردووی شه‌قامه خرۆشاوه‌كانی نيويۆرك و ئه‌سينا و مۆسكۆ و لەندەن و بەرلین و پاریس و…، ئاره‌زووی سبه‌ينێيه‌كی بێسنوور و بێدله‌خورپه‌يان له بيری ميژوودا ده‌په‌روه‌راند. خۆزگه‌كان ئەم پرسيارە سه‌ره‌ڕۆیەیان “ئاخۆ سبه‌ينێ كێمان له گڵكۆی كويله‌تیدا ده‌شاردرێته‌وه و كێ به‌خاكمانده‌سپێرێت؟” به‌گوێی سه‌نگينی ڕۆژگاردا ده‌دا. چەتە دەریاییەكانی كوشكی سپی و نەوەكانی ئێس ئێس و یارانی عوسمان پاشا، له‌كوشكی جادوويی “پاپا”دا خۆيان مه‌ڵاسدابوو و له مه‌رگی كوكوختیيه‌كان ده‌دوان .. چاوه‌ڕێی ئاوابوونی خۆر بوون .. له‌پشت ده‌ريای مه‌نگی نائومێدیدا. چاوی نائومێدی له ئه‌ستێره دوورده‌سته‌كان واقوڕماو “ئاخ خۆزگه به‌وانه‌ی نيشته‌جێی ئه‌وێن و ده‌ستی خواكانی سەرزەوییان پێڕاناگات”. ده‌نگی مه‌رگ، ژيان ڕاودەنێت و بە هەموو زمانێ لە پەناگەی وەڵامێك دەگەرێ “ئاخ، مه‌گه‌ر ئێوه له ئێمه نين؟ بۆ بۆمبا دروستده‌كه‌ن؟ بۆ چه‌كه‌كانتان ڕوو له ئێمه‌ن؟ خۆ ئێمه دزانی پارووەنانی ڕۆژانەی ئێوە نين، لەو خەونە ئاوەژووە ڕابن و له خواكان سيله بگرن! با پێكەوە ده‌سته‌كانمان لەیەك گرێبده‌ين، نه‌ك ته‌نيا سنووری نێوان ئا‌لباننه‌ژاد و سرب و كۆسۆڤۆیی بسڕينه‌وه، به‌ڵكو سيمی دڕكاوی سنووره‌كانيش بكه‌ينه شوره‌ی ‘باخچەیەك’ و بۆ سه‌رگه‌می نه‌وه‌ی نوێ، ميلۆسۆڤيچ و كلينتون و سه‌دام و خاته‌می و زوڕناژەنانی جەنگی تێپه‌ستێنين .. تاكو دڵی هيچ مناڵێك به‌زرمه‌ی بۆمبا دانه‌خورپێ و هه‌نگاوی له‌رزۆكی به‌ساڵاچووانيش، ئه‌‌مبه‌ر و ئه‌وبه‌ری سنووره‌كان نه‌پێوێ .. بۆ هه‌میشه له‌بری چه‌ك، چه‌پكه نێرگسی به‌هاری، له‌سه‌ر گڵكۆی قوربانيانی دڕنده‌یی ‘خواكان’ و ‘ناسيوناليزم’ دابنێين”.
٢١ ئازاری ١٩٩٩
dawerî Xewindzan
Şeqamekan, çoll û çolltir .. Hengawekan xîraw xîratir .. Mnallanî meynet, tuqîw û aramtir .. lêwe tînuwekanî Maçî Azadî, letek hengaw be hengawî Mallawayî û dûrkewtnewey xor le Asmanî hîway mîwandaranî besoz, bêrreng û reqtir helldehatin. Jêrxanekanî tirsî Cengî ‘usmanî û hîtler awedan .. Hengawî pyasey êwaran û Şewinşînîyekan, bêhîz û lawaztir ..
Perrawî bîrewerîyekan perrperr helldedranewe û berawridî dyarîyekanî “berberyetî kon û noê ” dekra. Ddanecîrey “klinton û mîlosovîç”, wek cîrey ktuprrî Dergeye le xamuşî Şewezengda, xewn û Xeyallî asûdeyî jyan detasênê. Çirkeçrikî katjimêrekan, legwêy Kollane zigguşrawekanda, wek lêdanî dllî nêçîrêk le sîley rawçîda .. Hêndey zebendî tîrajî Rojnamekan le prupagande bo dahînanî nwê le pîşesazî çekda, xêratir û pirr daçllekêntir .. Çawekanî jyan bepejarewe le satekanî Temenî derrwanî û bemorrewe ruwe û xorawa wirrmabûn. Destî hanay xêrnedîtwanî jêr sabatî “Nezmî nwê”, bearezûy guşînî miştî grêXwardûy Şeqame xroşawekanî nîwyork û esîna û mosko û lenden û berlîn û parîs û…, arezûy sbeynêyekî bêsnûr û bêdlexurpeyan le bîrî mîjûda deperwerand. Xozgekan em pirsyare sererroyeyan “axo sbeynê kêman le gillkoy kuyletîda deşardirêtewe û kê bexakmandespêrêt?” begwêy sengînî Rojgarda deda. Çete deryayyekanî kuşkî spî û newekanî ês ês û yaranî ‘usman paşa, lekuşkî cadûîy “papa”da xoyan melasdabû û le Mergî kukuxtîyekan dedwan .. Çawerrêy awabûnî xor bûn .. Lepşit deryay mengî naumêdîda. Çawî naumêdî le estêre dûrdestekan waqurrmaw “ax xozge bewaney nîştecêy ewên û destî Xwakanî serzewîyan pêrranagat”. Dengî Merg, jyan rawdenêt û be hemû zmanê le penagey wellamêk degerê “ax, meger êwe le ême nîn? Bo bomba drustdeken? Bo çekekantan rû le êmen? Xo ême dzanî paruwenanî Rojanhî êwe nîn, lew xewne awejuwe rabin û le Xwakan sîle bigrin ! Ba pêkewe destekanman leyek grêbdeyn, nek tenya snûrî nêwan albanNejad û sirb û kosovoyî bisrrînewe, bellku sîmî dirrkawî snûrekanîş bkeyne şurey “baxçeyek” û bo sergemî newey nwê, mîlosovîç û klîntun û sedam û xatemî û zurrnajenanî Cengî têpestênîn .. Taku dllî hîç Mnallêk bezirmey bomba danexurpê û hengawî lerzokî beSallaçuwanîş, ember û ewberî snûrekan nepêwê .. Bo hemîşe lebrî çek, çepke nêrgisî Beharî, leser gillkoy qurbanyanî drrindeyî “Xwakan û nasîwnalîzm” dabnêyn.
21î Azarî 1999
خوێنەری هێژا،
ئەم پەرتووکۆکەی بەردەستت، بریتییە لە وەرگێڕانی چەند وتارێکی بەشی(A) /یەکەمی، پەرتووکی یا پڕۆژەی [ پرسیارە چەندبارە ئەنارکیستییەکان An Anarchist FAQ ] و لە زمانی فارسییەوە وەرگێڕدراونەتە سەر زمانی کوردی، هاوکات لەبەرئەوەی کە وەرگێڕانە فارسییەکان لە ڤێرژنە کۆنەکانی ئەم پرۆژەوە وەرگیردراون و دواتر لە نۆژەنکردنەوە و ڤێرزنە تازەکانیدا بەتایبەت لە ڤێرژنی (١٤)دا کۆمەڵێک پەرەگراف و دەستەواژە بۆ بابەتەکان زیادکراون، لەبەرئەوە و بۆ دڵنیایی لە دروستی و دەقاودەقی وەرگێڕانە فارسییەکە و بەرزکردنەوەی وەرگێڕانە کوردییەکە بۆ ئاستی سەرچاوە ئینگلیزییەکەی، ناچار لەتەک دەقی دوا ڤێرژندا بەراوردکراوە.
بۆ ناساندنی پەرتووکەکە یا پرۆژەکە، کە تائێستا بەرگی یەکەمی لەسەر کاخەز چاپکراوە و لە پەرتووکخانەکدا دەستدەکەوێت، کە لەم ڕێگەیەوە دەتوانن بەدەستیبهێنن [ Paperback: 748 pages, Publisher: AK Press (April 1, 2008), Language: English, ISBN-10: 1902593901, ISBN-13: 978-1902593906 ]، لێرەدا دانانەوەی کورتە ناساندنی خودی دەستەی نووسەران و سەرپەرشتیگەرانی پرۆژەکە بەدروستتر دەزانم.
” ئەم کارە پێشکەش بە ملیۆنان ئەنارکیست، ئەوانەی زیندوون و ئەوانەی مردوون، هەروەها ئەوانەی هەوڵیانداوە و هەوڵدەدەن دونیایەکی باشتر دەسەبەربکەن. بۆ یەکەم جار لە یادی شۆڕشی 1936ی ئیسپانیا و دلاوەرییەکانی بزاڤی ئەنارکیستی ‘ئیسپانیا’دا بە فەرمی پرسیارە چەندبارە ئەنارکیستییەکان (An narchist FAQ)لە 19ی جولای 1996دا بڵاوکرایەوە. هیوادارین ئەم کارەی ئێمە کۆمەك بە گۆڕینی جیهان بە شوێنێکی ئازاد، بکات .
ئەم ئەنارکیستانەی خوارەوە، کە خۆیان ڕاگەیاندووە (بە زۆری) لێپرسراوەتی ئەم (پرسیارە چەندبارە ئەنارکیستییەکان An Anarchist FAQ)یان لە ئەستۆگرتووە.
) Iain McKayبەشداری سەرەکی و سەرنووسەر ( ، Gary Elkin ، Dave Neal ، Ed Boraas
سوپاسی ئەم هاوڕێیانەی خوارەوە دەکەین بۆ بەشداری و سەرنجدانیانAndrew Flood ، Mike Ballard ، Francois Coquet ، Jamal Hannah ، Mike Huben ، Greg Alt ، Chuck Munson ، auline McCormack ، Nestor McNab ، Kevin Carson ، Shawn Wilbur ، Nicholas Evans ، هەروەها سوپاسی هاوڕێیانمان لە (the anarchy)، (oneunion)و (organise!) دەکەین
“An Anarchist FAQ”, Version 14.*
Copyright (C) 1995-2010 The Anarchist FAQ Editorial Collective:
مۆڵەتی کۆپی و بڵاوکردنەوە و دەستکاریکردنی ئەم بەڵگەنامەیە بەپێی مەرجەکانی مۆڵەتنامەی (سەرچاوەی کراوە GNU)ی بەڵگەنامە ئازادەکان، دراوە، ڤێرژنی 1.1 و ڤێرژنەکانی دواتری لەلایەن دەزگەی نەرمەواڵای ئازاد و مەرجە گشتییەکانی (GNUیەوە بڵاوکراتەوە، ڤێرژنی 2.0 و ڤێرژنەکانی دواتر لەلایەن دەزگەی نەرمەواڵای ئازادەوە بڵاوکراتەوە. بۆ زانیاری زیاتر سەیری پەڕەی مۆڵەتنامەکان (www.gnu.org) بکەن.”
خوێنەری بەسەرنج و هێزا، تکایە پاش خوێننەوەی ئەم بابەتانە، هەڵبدە، هەم ڕەخنەت لە نێوەڕۆکی بابەتەکان و هەم سەرنج و ڕەخنەت لەسەر وەرگێڕان و دارشتنەکە کوردییەکەی، لە ڕێگەی ئەم ئیمەیل ئەدرەسەوە hezheen@journalist.com ، ئاراستەی وەرگێڕی کوردی بابەتەکان بکەیت. بەدڵنیاییەوە بەدەربەستبوون و سەرنجەکانت کۆمەکێکی زۆر بە وەرگێڕی کوردیی و هەروەها بە خوێنەر و نووسەری بابەتەکان دەکەیت. هیچ شتێك لە سەرووی ڕەخنەوە نییە و هەموو شتێك بەبێ ڕەخنە، بوونێکی مردووە. هیچ شتێك تەواو و کۆتاییپێهاتوو نییە و تەنیا مردوو و دەقی مردوو، دەتوانێت تەواو و کۆتاییپێهاتووبن. ڕەخنە ژیانە و هزر لە دەرەوەی ژیان هەم بوونی نییە و هەم بە پوچگەرایی کۆتاییدێت. لەبەرئەوە و بۆ ئەوەی بیرکردنەوە و تێڕوانینمان لە پووچگەراییەوە سەردەرنەکا، پێویستە بەردەوام بوونمان بە هەموو لایەن و بوار و بەشەکانیییەوە بدەینە بەرڕەخنە و هەردەم پێداچوونەوەی خۆمان و بیرکردنەوەمان بکەین، تاوەکو بەپێی سەردەم هزر و تێڕوانینمان نۆژەنبێتەوە.
