دەنگپێی مەرگ
تۆز و گه‌ردی گه‌رده‌لوول
له‌سه‌ر پێڵوم
دیواری گۆڕی هه‌ڵچنی
گلێنه‌ی چاوانمی
كرده گۆڕی نیگام
*****
سەرابی جوانی
تاسه‌ی ماچمی،
خنكان
له گۆڕستانی ئەوینا
پلو پلو كڕێوه‌ی نائومیدی
زارم پڕۆ ئه‌كا
خۆڵبارانی ئەم پاییزە
له‌سه‌ر په‌ڕاوی ته‌مه‌ن
شوێن هه‌نگاوم،
ون ئه‌كا
*****
له چلووره‌ی برژانگما
ژیان، له‌رزان .. له‌رزان
له ناخم، ماڵئاوایی ئه‌كا
خەیاڵەكانم بۆ سەرەتا
لێدەدرێنەوە و
حەزی خەوێكی ھەتایی
سەراب ئاسا
تا لێواری گۆڕ، به‌ڕێم ئه‌كا
Dengipêy Merg
Toz û Gerdî Gerdelûl
leser Pêllum
Dîwarî Gorrî hellçinî
Glêney Çawanmî
kirde Gorrî Nîgam
*****
Serabî Cwanî
Tasey Maçmî,
xinkan
le Gorristanî Ewîna
Plu Plu Krrêwey Naumîdî
Zarm prro eka
Xollbaranî em Payîze
leser Perrawî Temen
Şwên Hengawm,
win eka
*****
le Çlûrey Birjangekanma
Jyan, lerzan .. lerzan
le Naxim, Mallawayî eka
Xeyallekanim bo sereta
lêdedrênewe û
Hezî Xewêkî hetayî
Serab asa
ta Lêwarî Gorr, berrêm eka
ھاودەنگی ژێر سنوورەكان
كاتێك
ترپه‌ی دڵی زەوی و
دڵەخورپه‌مان
هاوده‌نگ ده‌بن
سنووره‌كان،
ده‌بنه نه‌خشی سه‌ر ئاو
نه‌ته‌وه و نیشتمانیش
ته‌نیا پەرجوو و ناو
*****
كاتێك
ده‌ستمان لەیەك گرێده‌ده‌ین،
بۆ شۆڕش و ژیان
پڕ به گه‌رووی كان،
سروود دە‌چڕین
كاتی مانگرتن
بۆ ده‌ستله‌كاروەرگرتن
به مۆرسی قوڵینگ
هه‌واڵ و په‌یامی جەنگ
بۆ یەكدی بروسكه ده‌كه‌ین
له‌بیرمان ده‌چنه‌وه سنووره‌كان
Hawdengî jêr Snûrekan
Katêk
Tirpey Dllî Zewî û
Dllexurpeman
Hawdeng debin
Snûrekan,
debne Nexşî ser Aw
Netewe û Nîştmanîş
tenya Percu û Naw
*****
Katêk
Destman leyek grêdedeyn,
bo Şorrş û Jyan
pirr be Gerûy Kan,
Srûd deçrrîn
Katî Mangirtin
bo Destlekarwergirtin
be Morsî Qullîng
Hewall û Peyamî Ceng
bo yekdî bruske dekeyn
lebîrman deçnewe Snûrekan
ھاونەتەوان
چۆن، ئێمە خوشكین ؟
چۆن، ئێمه براین ؟
ئێمه و ئێوه
دوو چینی جیاین
ئێمه پێستمان ڕەش
ئێوه ناختان
ئێمه موومان ڕەش
ئێوه بیرتان
ئێمه ڕۆژگارمان ڕەش
ئێوه دیرۆكتان
ئێمه به‌شمان هه‌ش
ئێوه دواڕۆژتان
ئێمه ئاسۆمان گه‌ش
ئێوه دۆزەختان
چۆن، ئێمه و ئێوە خوشك و براین ؟
ئێمه و ئێوه
دوو چینی دژ و
ھەردەم جیاین
Hawnetewan
çon, ême Xuşkîn ?
çon, ême Brayn ?
ême û êwe
dû Çînî cyayn
ême Pêstman reş
êwe Naxtan
ême Mûman reş
êwe Bîrtan
ême Rojgarman reş
êwe Dîroktan
ême Beşman heş
êwe Dwarojtan
ême Asoman geş
êwe Dozextan
çon, ême û êwe Xuşk û Brayn ?
ême û êwe
dû Çînî dij û
herdem cyayn
شۆڕە‌كچانی شۆڕش
دیم ئێوه بوون، هاتن
له‌چكێكی سوورتان
به ڕه‌شپۆشی
هه‌ڵه‌بجه و ئه‌نفالدا دابوو
ئێوه بوون
ئا .. ئا .. ئێوه بوون
ده‌ستان گرمۆڵه و
چاوتان پڕقین
نیگاتان له ئاسۆ بڕیبوو
ئێوه بوون، هاتن و
ڕێژه‌تان به‌ستبوو
لووله‌ی چه‌كتان له ئاسمان
خوا له ترسانا
له‌پشت شوره‌ی نێرسالارانا
خۆی حه‌شار دابوو
ئێوه بوون، هاتن و
هه‌نگاوه‌كانتان، هاوده‌م
ئێوه بوون، هاتن و
هاواره‌كانتان، هاوئاهه‌نگ
بەڵێ ئێوە بوون، ھاتن و بانگی ئازادیتان چڕی
ŞoreKçanî Şorrş
dîm êwe bûn, hatin
Leçkêkî sûrtan
be reşpoşî
Hellebce û Enfalda dabû
êwe bûn
a .. a .. êwe bûn
Destan girmolle û
Çawtan pirrqîn
Nîgatan le Aso brrîbû
êwe bûn, hatin û
Rêjetan bestibû
Lûley Çektan le Asman
Xwa le tirsana
lepşit Şurey Nêrsalarana
xoy heşar dabû
êwe bûn, hatin û
Hengawekantan, hawdem
êwe bûn, hatin û
Hawarekantan, hawaheng
bellê êwe bûn, hatin û Bangî Azadîtan çrrî
سۆزی جادوویی
هۆ شۆخەكه
خۆزگە توانیبام
نھێنییه‌كانی ناخم
به گوێچكه‌تا بچرپێنم
هێمای خۆزگه په‌ژمورده‌كانی لاویم
له‌سه‌ر په‌ڕەی دڵت، بنه‌خشێنم
به گۆرانییه یاخییه‌كانم
هه‌ست و سۆزت ببزوێنم
په‌رده‌ی شه‌رم له ڕووی
سروشتی كچێنیت
هه‌ڵماڵم و بیڕفێنم
*****
ئاخ .. له‌م وڵاته‌دا
په‌نجەره‌كان چكۆله‌ن
ڕێگه‌كان كوێر و ونن
ده‌نگه‌كان ناساز و نووساو
گوڵەكان كورته‌ڵە و ژاكاو
كه‌و له‌نێو قەفه‌‌‌زە و
كێشكه تیژڕەو و ترساو
سۆز و میھره‌بانی برا
بزەی سه‌ر لێوی باب
دڵدانەوەی ناچارییانەی داك
ژەھ‌رە و زوخاو
ئه‌وین و شه‌یدایی
ڕاستی و ته‌بایی
گندۆره‌یه‌كن، ترشاو
Sozî Cadûîy
ho Şoxeke
xozge twanîbam
Nhênîyekanî Naxim
be gwêçketa bçirpênim
Hêmay xozge pejmurdekanî lawîm
leser Perrey Dillt, bnexşênim
be goranîye yaxîyekanim
Hest û Sozt bbizwênim
Perdey Şerm le Rûy
Sruştî Kçênît
hellmallm û bîrrfênim
*****
ax .. lem Wllateda
Pencerekan çkolen
Rêgekan kwêr û wnin
Dengekan nasaz û nûsaw
Gullekan kurtelle û jakaw
Kew lenêw Qefeze û
Kêşke tîjrrew û tirsaw
Soz û Mîhrebanî Bra
Bzey ser Lêwî Bab
Dilldanewey naçarîyaney Dak
Jehre û Zuxaw
Ewîn û Şeydayî ..
Rastî û Tebayî ..
Gindoreyekin, tirşaw