*********************
********************
************************
Tarmayî Ceng
lewetey hem
her le Beyanî ta Êware
be nêw Perrawî Yadewerîma
dêm û deçim lem Dyare
behîwaî êware Satê
ta beserhatekanî Rojgarm
bo Zerdey Demkel, bgêrrmewe
bellam, pêş xorawabûn
xêra Şewekanim dadên
pêş qaqay Kazîweş
birsîyetîm Kollane û Kollan
le Zbilldanekanî Nîştmana ,
bo Jemê têrî, le Nan degerrê
Hîwam lejêr Qamçî
Hawullatyana cwanerg ..
Xozgem lebo Penayê
lew dîw Snûr, wêll wêll degerrê
*****
Sallehaye .. Min
Xewnim lejêr
Nallî Espedêzekey Eba ‘Ubeydeda
wirduxaş debê û
bedem Gerdelûlî Byabanewe
Ruxsarî .. windebê
Sallehaye .. Herwa
Rojm, Şewe û Şew, Şewe
Dest le Bîneqaqam denê
Hawsêkeşm;
letek Mêrulan le Xew radebê û
letek ewanîş denwê
keçî her kat min
basî Mangeşewî bo bkem
ew bedem bawêşkewe
Qutuwe Bîre qillpdeka
Şewanîş bedem xewewe
Wek Amêrekan degrimênê
*****
îdî birryarimdawe çîdî nenûnim
ger Serapay Temenîş bibête Şew
her nenûm û çawerrê bmênmewe
em Êware pêş xorawabûn
pêş ewey Sêberî Merg
xoy le Hengawekanim ballênê
derrom bo Kenarî Derya
ta bedem Şepole koçerekanewe
Namekanî Temenim, Peyamekanî Dllim
bo Koçerekanî bakûr û başûr
bo Lanewazanî xorhellat û xorawa, berrêbkem
*****
erê, îdî birryarrimdawe
em Şewî Yelldaye nenûm
neka Şemşemekwêran,
Pirçî zêrrînî Kazîwe
bqirtênin
neka Rawçyan
pêş rabûnî Balldaran
le Singî Çyada,
Torr bçênin
neka Cenrallekan, em Şew
Korpelekan bo berey Ceng
birrfênin
*****
na, çîdî em Şewî Yelldaye nanûm
letek Estêrekana rêdekem
Şwênpêyekanî Xem leser Rumetî Mang
be Pêlluwekan desirrmewe
debmeKkêşkçî, ta Tîşkî Tor
Berebeyan lêre ..
bê tris le seretatkêy Hewalldzekan
bê sillhmînewe le fitway Mnarekan
le Amêzî mîhrebanî Dayezemîna
Lêwe tezîwekanî Jyan maçbaran ka
*******************/
07î sêptemberî 2000
* pêştir benawî (bêdarîşewî yellda) bllawbuwetewe
****************
******************
*************
٢٦ی ئۆكتۆبەری ١٩٩٩
************************