Skip to content
Çirpey Ewîn
Gyane ezanim
Eşke wêllekant
le Byabanî tenyayya
çawerrêy Ewînin
lêwmallyan ka
ezanim
Xemekant le Dengejêta
çawerrêy Nîgayekin
Gwêyan bo radêrê û
le Mergî Zistana
Tîşkî Xor sema ka
*****
aa .. erê .. ezanim
Xozgekant le Dillta
çawerrêy Bzeyekin
ta lebaweşya
Jyan serlenwê çroka
ezanim
le Byabanî Enfalistana
tasey Kanyaw dekey
ezanim
le Bestellekî tementa
çawerrêy Tîşkî Xoretaw ekey
ezanim
le Baxellî koyletîya
Arezûy Maçî dûr le Yasa ekey
ezanim
le Perrawî Yadewerîta
be Zarî birsîyetî ,
daway Lulêre û
Serpenay germ ekey
ezanim
le pişt Şurey Zîndana
Bîrî Pyasey Êwaran ekey
ezanim .. dillnyam,
ke Rojgarê dê
le herçî berbeste ..
yaxî debî û
Allay Dilldaranî Cîhan
be Ewîn sûr ekey
*****************
20î Oktober 1999
* pêştir le govarî hunerîy (jîlemo)da lejêr serdêrrî (semay ‘îşq)ewe bllawbuwetewe