Dûlay Şar

Dûlay Şar

Hebû nebû, şarêk hebû. Şarêkî kon, şarî hezar dastan. Dapîre hênde basî şerr û Hêrşî bo kirdbûm, zorcar xom be Cengawerêkî brîndar, hêndêk carîş begîrawêkî şerrekan dehate pêşçaw.

 

Katêk kele Fêrge şîr û penîrman werdegrit, demxiste baxelle nedrrawekey lay çepim, bo xuşke giçkekem hellimdegrit. Zorcar xom ke birsîmdebû, hezmilêbû bîxom, bellam Çîrokekey dapîrem dehatewe yad, ke hemû carê deyut  “Rolle Gyan, ême cutyarbûyn, katêk ke leşkirî ‘usmanî hate Serman. Serokî leşkreke debuwe mêwanî hebas axa û heshesekanîş xoyan dekutaye Mallî êmewmana. Nîwerroyek sê heshes xoyan bejûrda kird û leser Sifrey danîştin, hêndey çawtrukanê giskyan le Xwardnekeda. Ewsa mame şêrzad û ple xatunt bequrbanyanbim, taze Ballayan wek lawlaw helldeçû, le deşt gerrabûnewe û birsîyanbû, be henasebrikêwe pirsyan “daye çman heye bîxoyn, penîr yan kulêreberron? ” Wellameke hênde sextibû, le qurrgimda gîra û awrrêkim le Sifre pakmallrrawekey berdem heshesekan dayewe. Awa bû, Gyanî dapîre. Gwê le dapîre radêre, hemû Rojê le Fêrge Naneke beşîrewe bxo, Taku birsît nebê û penîrekeş bênerewe letek awazî xuşkit bîxon.”

 

Ay dapîre yadt pirrxoşîbêt, zor bîrtdekem, zor car ke birsîm debû û pirsyarî zorm lêdekridî, detzanî çend birsîme, toş peyta peyta Çîrokêkt bo degêrramewe, Taku letenîşt zopakeda xewbimbatewe. Xozge zîndûbuwayt, taweku êsta derdîdllim bo to bkirdaye, çon nasorîy şanazî Kçim be serince tîju pirsyare bzêwekanî naxim dekate kurey agir. Ew Roje xomim bîrkewtewe, katêk min û xecê ledeşt degerraynewe, kurrekey hebas axa be trumbîlî leşar degerrawe û rencberekeyan hawarîkrid “selma xatûn, duktor ‘elî hatewe”.

 

Duktor ‘elî çî, hêşta polekanî xwêndinî nawendîşî tewawnekirdbû, ay le nebûnî. Ew Şewe seyrî têlefzyonman dekrid, jnî mamey çû buwe serdanî qutabxaney şorrş. Şanaz her ke çawî bemêzî naw polekan kewt, destbecê pirsî

 

+ babe bo qutabxanekey ême wek ewey ewan mêzî têdanîye?

 

– Gyanî babe, ewan le gerrekî şorrşin!

 

+ Boçî şorrş her hewlêr nîye?

 

– ba her hewlêre, bellam hewlêrî darakan ..

 

Kemêk rama û çawî brrîyewe têlefzyoneke. Letek dîtnî cantay qutabîyekan, pirsyarêkî turre wek bomba le qurrgîda teqîyewe

 

+ babe .. Babe, ey boçî ême wek ewan cantaman nîye, min hezm le gunye nîye bîkemeşan, axir şanim dadebrrê !

 

Wellameke hênde azarawî bû, detgut topelledirrke û le qurrgimda gîrawe. Xomim pêrranegîra û letek dllope firmêskekanimda wşekan pçir pçir derperrîn .. Axir kîjm, ême Nanman nîye bîxoyn, çon cantay weha granman pêdekirdrêt…

 

+ Ey babe, xo toş kar dekey, bo paret nîye, bo ewan pareyan heye?

 

– Gyanî babe, leber ewey ke ewan kar naken.

 

Be sersûrrmanewe pirsî : çon ştî wa debêt ?

 

– Gyanekem, ke gewrebûy xot lew nakokîye têdegey …

 

+  Tu serî Daykim, êsTake pêmbllê !

 

– axir babegyan, to debêt wanekant bixwênît, heste drenge, ba beyanî zû bitwanît lexewrrabît.

 

Be pêkenînêkî pirr twancewe wtî: dezanim, hemû carê awha xot le wellamdanewem dedzîtewe, ba pşûy nîwey Sall bêt, ewsa ger pêmnellêyt bo û çon ştî awha debêt, hênde degrîm, taweku çawekanim sûr hellgerrên.

 

– ca boçî çawî xot dexeyte azar.

 

Kemêk rama û wellamî damewe : na .. Na .. Awa nakem, naxewm, taweku bom rûnnekeytewe.

 

Ew Şewe letaw kollî Xem û pejarey nêw wşekanî, Taku beyanî tlamewe. Pirsyar û serincekanî Xemêkî dîkeyan xisteser Xemî Rojanem. Berawridî mêz û cantay Mnalle dewllemendan û doşeklley jêr û gunyey şanî Mnallanî êmewmana wrrukasîkirdim. Bo Rojî dwayî leserkar, peyta peyta hawkarekanim lêyandeprisîm

 

+ çîte fllaneKes bo wa wrrukasî, xeyre?

 

Mnîş lewe zyatir xomim pêrranedegîra û berrûyanda teqîmewe, xeyrî çî û terremaşî çî, Xemî jyan zyatir, çîdîke heye?

 

Xêra xêra ‘Ebdullay serkargerîş deynerrand : ewe çtane, awa qsewbastan gerimkirduwe, xo le çayxaney miçko danenîştûn, xêrake aso, katî Çîrokgêrranewe nîye!

 

Letek her mamirserbrrînêkda Mergî xozge û bzey ser lêwî şanaz û rêbazm dehate pêşçaw. Kuştarge û amêrekanim lêbûbûne pol û mêzekan, ‘Ebdullay çawdêrm lêbûbuwe mamosta polîsasakan û mamrekanîşm lêbûbûne fêrkaran. Dî her ewendemzanî, sere pencekanim têkell besere mamrekan bûn. Birdimyan û dûryanxistmewe. Berçawm lêllbû, Wêney mamrekan leberçawm winbû.

 

Katêk ke gerramewe Mall, nemdezanî çi bkem, destî rastim xiste piştmewe û le Dergem da, wek hemû Rojê, şanaz û rêbaz lepşit Daykyanewe qutbûnewe. Rêbaz be mînge mîngêg pirsî

 

+ babe bîskuytt bo hênawm?

 

Şanaz qiskey lêwergirt û wtî

:dezanim cantat bo krrîwum, Kes bawkî weku bawkî mnî nîye ..

Wek kerr û lall doşdamam û nemdezanî çon hewallî Nanbirrawîyan bdemê. Rêbaz tund destî rakêşam û le şwênî xoy wişkbû, êsTakeş hêşta hawarî şanaz le gwêmda dezrîngêtewe

“na. Babe naaaaaaaaaaaaaaaaaaaaaaaaaaaaaaaaaaaaaaa