وەك ھاوڕێ جاسم* دەڵێت “ئەوانەی كە لە مار دەترسن، دەڵێن، مار قێزەونە و بێزم لێیدەبێتەوە، ئەوانەی كە توانای بەكاربردن و تێگەییشتنیان لە كۆمیوتەر نییە، دەلێن، ئامرازێكی ترسناكە و دەبێت لەنێوببرێت”
بەبۆچوونی منیش، ئەوانەی كە ناتوانن لە بازنەی تەسكی كولتووری خیڵ و ناوچە دەربازبن، ھەموو بوونێكی دەرەوەی خۆیان بە خراپ دەچوێنن و ڕەتدەكەنەوە. ئەمە سروشتی كاردانەوە و مامەڵەی كەسانێكە، كە خوێندنەوەیان بۆ دیاردەكان و بۆ دونیای دەرەوەی ئێتن و مێشكی خۆیان، نییە و لە بازنەی مەنھەجە ھیرارشییە تاك چەپێنەرەكاندا گیریانخواردووە و پاساوی ڕووكەشانە تیگەییشتنی خۆیان بە نەخوێندنەوەی دیگەران دەدەنەەوە و تایتڵ و گرادەكانیان دەكەنە ھاوسەنگی.
نموونەی یەكەم، ئەوانەی كە لە تەنیشت ھەموو ڕستەیەكدا كە بڵاوی دەكەنەوە، تایتڵەكیان قوتدەكەنەوە، لەنێوان ئەوانەشدا كەسانێك كە تازە ناوی خۆیان بۆ خوێندنی باڵا تۆماركردووە، كەچی تایتڵی ماجیستەر و دۆكتۆرا ڕێزدەكەن.
نموونەی دووەم، ئەوانەی كە ھەموو شتێك نارێژەیی دەبین و تێڕوانینەكانیان بەسەر تاكی [ھەموو ئایینێك، ھەموو ڕەگەزیك، ھەموو نەتەوەیەك، ھەموو چینێك، ھەموو توێژێك، ھەموو نەوەیەك، ھەموو نەژادێك، ھەموو ؤینطك، ھەموو وڵاتیك]دا گشتگیردەكەن.
ئەمە یەكێكە لەو نەخۆشییە ترسناكانەی كە تاكی نارسیست (Narcissist)ی كورد خەریكە ڤایروسەكەی بەتایتڵ و پاگەندەی جۆراوجۆرەوە دەگوێزێتەوە نێو كۆمەڵگەی كوردستان و ماسمیدیا لە پێش ھەموویانەوە میدیای بەناو سەربەخۆ، تەشەنەی پێدەدات.
بەبۆچوونی من ئەم نەخۆشییە ئەكادێمییە، ھێچی لە گەندەڵی وەك نەخۆشی رامیاریی و سیستەمیی، كەمتر نییە و پێویستە ھێدەی دیاردەی گەندەڵی بەرھەڵستی بكرێت، چونكە ئەوە دەسەلاتە، كە خەریكە لە ڕێگەی ماسمیدیاوە پەینی دەكاتە بن…
*********
* ھاوڕێ جاسم، ئەندامی فەیسبووك نییە!