Bedaxewe herçende zorêk le hawrrêyanî rexnegir le newşîrwanîyekan, destewajey “bzûtnewey goran” bo lîstî newşîrwanîyekan [nîocelalîyekan] bekardeben. Be bۊçûnî min, bekarbirdnî ew destewajeye bo ew lîst û parte, xizmetêkî gewrey pêkridûn û xellkî bo xoşbawerrkirdûn. Zorêkman dezanîn, le katêkda ke sallî 2005 û 2006 le kelar û hellebce û soran, xellkî xopîşandanî dekrid û daway goranî dekrid, ewsa newşîrwan le distî rastî tallebanyewe dadenîşt û hîç griftêkî letek birryar û szay sêdare, ke xerîk bû bo lawanî xopîşanderî hellebcey bibbirrnewe, nebû, bellam katêk ke zanîyan bzûtneweyekî cemaweyî xerîke ledaykdebêt, yekser sînaryoy cyabûnewey newşîrwan û kompanyay wşe û komellêk ştî dîke û lîstekey nêw partîş ke cewher namîq bûbuwe qsekerî, qutkrawe …

Leberewe, ewî dllî bo gorankarîy û bzûtnewey gorranixwazî komellayetî lêddedat, pîwîste le bekarbirdnî ew destewajaneda zor wiryabêt û çîdîke lwanî kem huşyar bew parte xoşbawerr nekeyn û ew parte nekeyne goranixwaz û nwênerî bzûtnewey goran le kurdistan.

Leweş zyatir her êsta debînîn, ke ew parteş, wek ewanî dîke xêlekî, ayînî, gendell û gird û zewî dagîrkere û kompanyay wşe, sermaye û binmayey le heman gendellîyewe hatuwe, ke kompanyay nokan û korrek û ewanî dîkey lêwehatûn !

Goran û goranixwazîy daxwazîy komellayetîyn û tenya bzûtnewey komellayetî peyamberyane, nek part û lîstî ramyarîy diz û gendell û nwênerî bazare azadekey emerîka û dostî êran û turkye !