Jmare Ballosey Sawayane
Jmare Ttabûtî Şarane
ew Şraney ke kujran
yan dekujrên
Jmare Wêjerî Ştelêke ke lêman nzîkdebnewe
Jmare Wêjerî Ştelêke ke lêman dûrdekewnewe
ewe çîye lêman nzîkdebêtewe û
ewey lêman dûrdekewêtewe çîye ?
Cengî Cîhanî : yekem
Cengî Cîhanî : duwem
le 14we ta 18û le 39we ta 45 de Sall 54 Milyon kujra û
49 Milyon Pekkewte
Wllatî Kujrawan û Pekkewtan
Wllatêkî 103 Milyon Kesî
be Hetîw û Dêwane û Berde sutawekanîşyewe
yekê Ledestiçuwan le Mallekey ême bû
royî û çîdî negerrayewe
le bîrminîye, ke nozde salle bû yan çil sallan
be dû Çawî kwêrewe gerrawe
le bîrminîye, ke Çawşîn bû yan Çawrreş
be Laqî le Ejnowe brrawî çepewe gerrawe
gerrwawe û neytwanî Dergey Xanuwekey bdozîtewe
le 14we ta 18û le 39we ta 45 de sall 54 Milyon kujra û
49 Milyon Pekkewte
leser Zewî be hejmarî Ser , êste 2,5 Milyard Kesîn
le seda heştaman birsîn
Dindanekanman daderrzên
Pûkman pirr le Zame û
Pêstî mirdûy Leşman şeq şeq
betaybet Manallanman
be serî zlî lerzokewe
be Çawî gewre û xemawî le Rûmetî pir Çirç û Loçyana
Zigyan beser Laqe lerr û lawazekanyana, weku Tepil
leser Zewî be hejmarî Ser , êste 2,5 milyard kesîn
le seda heştaman birsîn
le Sallî 1962we
le Sallî 62da ger dû Frrokey cengî bxeyne ser Xwan
byankeyne Sallad û Şerab û Goşt û Nan
40 Milyon Mrov dexon û dexonewe û têrdebin
Paşmawey Nan û Goşt bo 40 Milyon Pşîleş besdebê
Pşîllan Sallad naxon û Şerab naxonewe
min Mîwanîy Pşîlem kirduwe
Muşeke Balîstîkekanim le Têlefzyonda dîtûn
dû Muşekî Balîstîk 150 Pertûkxane berlewey damezrên
desutênin û dekene Xollemêş
lewaneye Pertûkî mnîş lenêwanyanda bê
le Sallî 62da Frrokey Bombweşênt dîtuwe?
dwa modêlyan
dû Frrokey bombweşên çwar Nexoşxane letek Bombekanyan
lexo bardeken
Çwar Nexoşxaney gewre û runak, ke hêşta saznekrawn û
be Çerpa û Dezgey wênegrîy û hîwakanyanewe
le Sallî 62da pêşbirrkêy pirrçekbûn be etomî û naetomîyewe sallane 120 Milyard Dollar
le 10 salla 20 hezar Milyard Lîre
nazanim le hejmarî Estêranewe nzîke yan na ?
120 hezar Milyard
ya 150 Milyon Xanûy çênekraw
Xanûgelêk ke debû çêbkirên, bellam nekran
Tarmayî 150 Milyon Xanû
pênc Jûr be Aw û Kkareba û Germawewe
Derge û Pencerey 150 Milyon Xanû
Şuşekanyan katê ke Xor helldê û
Sêberyan le xorawabûna û
Balkonekanyan le jêr Trîfey Mangeşewa
Wirç Laney heye û
Şeytanollke Qawxêk
bellam barî ême emeye
Pyawêk denasm
be dû Dest û Laqewe
be Smêllî reşî qeytanîyewe
ew Sall bote sî Sall
dû Kurrekey ew yekê hewt Sallan û ew dîke şeş Mangan
letek Xesû û Xezûrî û
Wêneyek ke le Serbazîya gîrawe, yan hî ew xoyetî
yan hî Bawkî mirdûy
yan hî Xezûrî
Leganêk û
Tenya yek Jûr
sed û penca Milyon Xanû û
her yek lem Xanuwane
be Jûr û Derge û Aw û Mêzî nanixwardinyanewe
le Sallî 62da pêşbirrkêy pirrçekbûn be etomî û naetomîyewe sallane 120 Milyard Dollar
le 10 Sallda 120 Hezar Milyard Lîre
Yan 150 milyon xanûy çênekraw
Xanûgelêk ke debû çêbkirên, bellam nekran
Xanûy ew Pyaweş ke deynasm lenêwanyanda
le Balkonekeyda runakî mang
le Sallî 62da pêşbirrkêy pirrçekbûn be etomî û naetomîyewe
sallane 120 Milyard Dollar
yan be hejmarî Ser, yek Milyard Kesî nawnûs, kujraw
layenîkem Nîwey Wişkanîyekan amadey Merg
nîwey gişt Drext û Masî û gişt Baranekan
layenîkem Nîwey Korpelekan amadey Merg
aya dekrê serapa le çek damallrrêyn
le Sallî 63da yan 65da aya dekrê
xozge be etom û bê etmewe leçekdamallrêyn le gişt Herêmekan
herwek Mmrov le xoşîyekanî rûy Zewî behreberîn û
ew xoşyane çwar beraber keyn
bew core, le mawey sê Mangda birsyetîman rîşekêşdekrid
Îdî Dindanekanman danederrzan
Pukekanman nedebûne Brîn
betaybet Mnallekanman
Xem le Çawanyan derrewîyewe
Laqe laruwêrekanyan rastdebûnewe û
Zge bakirduwekanyan dademirkanewe
Jmarekan çê dellên?
debêt çê bllên ?
ewe çîye ke lêman nzîkdebêtewe ?
ewe çîye ke lêman dûrdekewêtewe ?