Kode şarawekan
Peyamekey mes’ud barzanî, zemînexoşkirdnî mîdyayye bo lêdan û ceng beramber be rageyandinî otonomî gelîy kurdistanî beşî suryeye !
Ewî le sallî heştakan û newedekanî sedey raburduwewe agadarî mîlîşya û partekanî herêmî kurdistan çi le serdemî berhellistkarîy û çi le serdemî desellatdarîyda bûbêt, detwanêt be asanî kodekanî nêw ew peyame bixwênêtewe ke mes’ud berzanî dawyetî, herwek çon le mîdyay hkumetî herêm û înk û pidk le oktoberî 1992da be maweyek pêş ewe zemînesazîyan bo pêşleşkirîy supay dewlletî turkye kird û bo ewey le ast ew pîlangêrrîyeda xollbkene çawî xellkewe, herawhuryay fîdrallî’yan berpakrid û rojî 5î oktoberyan bo ew mebeste terxankird û her lew rojeda le sertaserî herêmî kurdistanda çi le nawçey sewz û çi le nawçey zerd, pelamarî layengranî p.k.ki û pak û têkosanî rencderan û rewtî komunîst çalakanî dîkeyan da.
Le êstaşda hellay ey reqîb, her bew mebeste bû, çunke 22 salle îslamîyekan bo ey reqîb hellnastnewe û kabîne le dway kabîney desellat û parleman, kes le gull kalltirî pênegutûn, keçî lem rojaneda kirdyan be herayek, ewî mêşkî bedem mîdyawe degerra, kewte gutnewey ey reqîb, bebê ewey bzanêt, reqîbekey em care, kurdanî beşî surye û berrêweberayetîye gelîyekey ewên û serwerîş dewlletî turkye û pelamardanî mîdyayî îslamîyekanîş, tenya bo şardnewey hawberjewendîbûnî desellatdaranî herêm û cibhe alnêre le beramber xoberrêweberayetî gelîy, kene le berjewendî emerîka û xorawaye û ne le berjewendî turkye û dewlletanî ‘erebî û herwa le berjewendî desellatdaranî herêmîş nîye !