Parte ramyarekan pêşrrewn, bellam le şorrişda na !
Eger part bîtwanyaye pêşrew bêt û ştêk bgorrêt, ewa debû sî (30) sall lemewber komarî dîktatorî xwakan le êran brruxaye. Axir eger le êran û lenêw rewendî êranîyekanda, her tepalle û tersequlêk helldeytewe, ewa partêkî lejêrda qutdebêtewe; le paşaxwaz û mezhebîyewe bîgre ta komunîst û nîolîbrall, her arasteyek çend derzen bigre sedan derzen grup û partî heye û keçî her katêk ke axundekan sînaryoyek berpabken, hemûyan be çep û rastewe, debne serçopîkêşî herake …. .
Lenêwan ewaneda çendîn take kes hen, ke bexoyan tenya partêkî pêşrrewyan bo pêşrrewîy çînêkî komellayetî berîn qutkirduwetewe, leweş wawetir çendîn endamî nûsîngey ramyarîy [mektebî syasî] û komyetî nêwendî [komîtey merkezî] parte komunîstekan denasm, ke le ewrupa û emerîka û keneda û ustralya bexoyan sermayedar û xawenkarn û endamanî partekanî xoyan ya penaberanî dîkey wllate xoşewîstekeyan, be kemtir le krêy krêkarêkî ew wllatane û layenî kemî krê û bebê hîç bîmeyekî dermanî û komellayetî û …tid bekrêgirtuwe, wate krêkarekanyan kirduwete krêgirtey reş [mebest karî reşe].
Leberewe min bo mêjû em gewahîye dedem, ke hîç hêz û rewtêk hêndey parte komunîstekan neyantwanîwe krêkaran bkene koyley supasguzar û krêgirtey razî û milkeç, ke tenanet eger krêkarêkî na partîy [nahzibî] le rêsturant û pîtzerîy raberanî partda daway zyadkirdnî krê û baştirkirdnî helumercî kar û danî bîmey dermanî û komellayetîyekanî bkat, ewa endamanî krêgirtey raberanî part, nek piştîwanî le dawakey naken, bellku hawdestî raberî sermayedar, aw dekene jêrî.
Eme le katêkda ke lew wllataneda soşyalîste azadîxwazekan [dje partekan], bepêçewanewe rojane xerîkî nexşerrêjîy bo sendnewey şwênekanî kar û xanûbere û şwêne giştîyekanî wek fêrge û park û pêkhênanî komuney pêkewejyan û herewezîy karkirdin û xebatî rastewxo û xorrêkxistinî serbexon û letek hêze serkutî dewllet û şerrengêzîy nasîwnalîstekanda şerrî destewyexedeken, keçî raberan û endamanî mêşkkerrûgritûy partekan, debêjn, madam part û raberî wek êmeyan nîye, serkewtûnabin !