Metellî polîs û tundutîjî wek metellî mrîşk û hêlkeye!

Polîs parêzerî asayîşî jêrdestan [bêdesellatan] nîye, taweku be kirdewey awa tûşî şok bbîn, polîs parêzerî asayîşî serwerane le metrisî yaxîbûn û hellçûnî jêrdestan, bewatayekî dîke polîs têdder û şêwênerî asayîşî komellayetîye, meyserbûnî ew kareş be sepandinî sîstemî ramyarîy û yasay ramyarîye beser peywendîye komellayetîyekanda û eweş be lenêwbirdnî hawpiştî û herwezî û xemxorîy komellayetî.

Caran [mebestim ew komellgayaneye kew xêlekî nebûn û sîstemî fermandarîy -hkumetî-yan nebû], ke dezgey ramyarîy wek polîs û hînekanî dîke le arada nebûn, kuşt û kuştar û tundutîjî û eşkence û sûkayetî hunernebûn û dahênan le şêwazî peyrrewkirdinyanda nedekra û hezaran kolêj û ekadêmî bo çonyetî perwerdey eşkencederan û dapllosêneranî mangirte krêkarîy û cutyarîyekan û narrezayetîye cemawerîyekan le aradanebûn. Bepêçewaney ewanewe ke lew îrwayedan, bûnî tawan û tundutîjî û kuştin, dezgey ramyarîy wek polîsyan berhemhênawe û kirduwete pêdawîstî komellge, ewe bûn û serhelldanî dezge serûxellkîyekan bûn, ke rêkewtne komellayetîyekanyan hellweşandnewe û bûne hoy serhelldanî bêserewbereyî [kaows] komellayetî.

Leberewe, eger polîs le şwênêkda pêçewaney erk û fîlosofî serhelldanî xoy, penay bo tundutîjî nebrid, ewa pêwîste tûşî şok bbîn û gumanî hebûnî pîlanêk bmangirêt !