Banêke û dû hewa
Be boçûnî min, nadadwerîye ewende yexey newşîrwan mustefa leser kobûnewey daxraw letek mes’ud barzanî, bigrîn. Dey ewîş wek hemû ramyaranî dîke [le çepewe bo rast û le rastewe bo çep] arezûy serwerîy û mşexorîy heye. Leberewe gleyîkirdin lêy nîşaney xoşbawerrîyman debêt, ya be watayekî dîke nîşaney hebûnî çawerrwanîmane lew !
Demêke lelay xoman debêjn “ramyarîy dayk û bawkî nîye”, le ewrupaş debêjn “ramyarîy û morall kuca merheba “.
Min tênagem, boçî ewaney be kobûnewey newşîrwan û tallebanî / barzanî tûşî şokdebin û tênagen, ke ewîş wek ewanî dîke xerîkî bekarbirdnî hunerî lexiştebirdin [ramyarîy/ ramkarî]e.
Min lem paradoksane tênagem; partêk ke pagendey pêşrrewî prrolîtaryay cîhan dekat, kecî serkirdayetî û binkirdayetî gleyyan le serdan û danîştinî newşîrwan mustefa û mes’ud barzanî heye ! Eger eme çawerwanî nebêt, edî debêt çî bêt ?
Dengderanî lîstekey newşîrwan, be şermewe gleyyan heye, eme le katêkda ke le katî dengdanekanda amadey singhelldrrînî her kes bûn, le raburdû û êstay newşîrwan rexnebgirêt !
Aya dengdan be kesêk û awatixwastin bo bedeselatgeyîştinî, serencamekey her geyandinî kandîdekan nîye be kabîney desellat û aşkirdneweyan letek nefretawîyekan le gemey dêmokrasî parlemanîda , xo birrwabakem dengdanyan bo ewe bûbêt, ke newşîrwan be “werendill”ewe bçêt le ‘serî reş’, serî sûr “qzillbaşî” bigrêt û meshud barzanî awdîwî turkya bkat ?
Ewî djî gendellî û serkutî serweranî herême û le sazşî newşîrwan letek îslamîyekan û mes’ud barzanî, xoşînayêt, ewa tenya rêgeyek demênêtewe, ewîş djayetî ramyarîy û sîstemî ramyarîyye, daçllekane le xewnî part[hizb]î baş û dewlletî/ fermandarîy baş û serokî baş û lîstî baş û parelamnî baş û çewsênerî û serwerî baş, gerraneweye bo sîstemî sruştyaney komellayetî piştbestû be hawpiştî û herewezî û aştî komellayetî, geraneweye bo peyrrewkirdnî azadî tak û otonomî komellgekan, zîndûkirdnewey peywendîye komellayetîyekan û rizgarkirdinyane le ta’un û weremî ramyarîy û sîstemî desellatixwazîy û mşexorîy !
Eger na, sedan sallî dîkeş, dengderanî herêmî kurdistanîş wek dengeran le emerîka û ewurupa, tenya xerîkî xulanewe le bazney xoşbawerrîy ramyarîy û hellbjardinî xrap le xraptir û xosergerimkirdin be drokanî katî dengdanekan, debin!