Axo le mêjûda le mîdyay desellat û dewlletmendan û ramyaran bêşerimtir hebêt ?
Dezanim hendêk le xwêndewey em taytlle xo dekêşne dwawe û xoyan pelamardraw hestipêdeken. Bellam eme amancî em taytlle nîye, ke pelamarî kesekan bdat, bellku amanc riswakirdnî ew boçûnaneye, ke piştîwanî lewaney serewe deken, min namewêt tolley kujraw le bkuj bkemewe, bellku [gandî watenî] djî kuştin dewestmewe nek bkuj, çunke katêk ke pênawêk bo kuştin nema, katêk ke kuştinî bûnewerekan [nek tenya mrov] bû be neng û azadendêşî û bîrkirdnewe û aştî bûne kultûr, ewa tolley hemû kujrawan û serapay stem le bkujan û stemkaran krawetewe, be watayekî dîke destî kuştin û stem le bnewe debirrdrêtewe.
Ewey em ro le mîdyay zall û koneparêz û desellatdar rûyda, tenya detwanêt riswayî, bêabrruîy, debengî gwêgran û birrwakeranî nîşanbdat ! Be drêjayî temenî sîstem û rjêmî nejarpersit, koy mîdyay ewrupa û emerîka û keneda û ustralya û dewllet û part û ramyaranî hawberjewenyan hemû hewallêkyan lemerr xopîşandan û xebatî reway reşpîstekan, be destewajey tometbarkirdnî xebatkaran be ajawegêrr û tîrorsit û dje-şaristanî û dje-pêşkewtin û dje xwa û mesîhyet û zor ştî dîke, destipêdekrid û be pêdagirtnewe leser rewayetî serkut û nejadpersitî û piştîwanî dewlletanyan bo rjêmî sermayedarî spîpêstan le eferîka, dûpatdekirdewe, herwek le serdemî rjêmî be’si û êstay rjêmî îslamîyekan le turkye, dûpatdekirdewe û dekenewe .
Bellam em ro her ew mîdyaye û dezge zebellahekanî be nwêtrîn teknolocyay zanyarîy û be panuporrî û xêrayî û frawanî torre gerdûnîyekanîyewe, pejarey xoyan bo mirdnî kesêk [nêlson mandirêlla] derdebrrin, ke bîst û hewt sall zîndan û be tîrorsit û ajawegêrr hejmaryandekrid.
Eme ta êre asayye, ewey asayî nîye, eweye ke takî stemlêkraw û jêrdestî kurd be ballay ew dewlletaneda helldeden û wek sîmbull bo mrovayetî berz û maf û azadî û piştîwanîkerî pirsî rizgarî kurdan nawyandeben û le bareyanewe dedwên, hawkatîş şîwen bo qurbanîyekî wek [ nêlson mandirêla] deken.
Lewaneye bo kesanêk ke le heştakanî sedey raburdûda araste û bîrî azadîxwazane û soşyalistyan hebûbêt, hêşta wêne û fîlmî nêw hewallekan lemerr xopîşandanî reşpêstan û serkutî rjêmî sermayedaranî spîpêst, le yadawerîyanda mabêt, bellam bo newey dwa dehey sedey raburdû û seretay em hezareye, xrap nîye, eger be sûdwergirtin le dunyay înternêt û fîlme dokumênterîyekan û fîlmî “pîlanî mandirêla 2009” bbînin.