Bepêçewaney têgeyîştinî çepewe, berizkirdnewey komellêk druşm ya redukewtinî ewrupagerîy, nabête hoy gorranî kultûrî kesêk be kultûrêkî dîke, çunke le komellnasîyda kultûr be morî hellkendrawî ser pêst dadenrêt, herçende kesekan nkollî lêbken û pêdagrî leser wazhînan lêy bken, ewa le şêwazî giftugo û hellsukewt [betaybet le hêma û culley dest û dem û çaw]da, le şêwazî xwardin û sêkiskirdin û xwardnewemanda, le royîştin û wellamdanewey zengî mobaylekemanda, le katî serkewtinî tram û danîştin û dabezînmanda, le hemû wirdekarîyekî jyanî rojanemanda kultûrî zall xoy nîşandedat …

Bo nmûne, şanazîykirdin be xwan û darabûnewe wek kultûrî xêlekî, herçende zorîney kurdanî danîştûy feyisbûkawa pagendey şaristanîbûn û ewrupanşînî û cyawazbûn ya goranî kultûryan bken, bellam wênekan ketwarêkî dîkeman nîşandeden; şanazî xêllayetî û axayî be dîwaxan û xwanî pirr xorak û cemî xorakxor le sayey xorakbexşindeyî axay mîwanîderda !

Leberewe naxêllekîbûnî her takêk be dabrranî le kultûrî xêll depêwrêt, nek be pagendey soşyalîstibûn, lîbrallbûn, postmodêrbûn, ..tid.

Lem barewe sernicrrakêştirîn derkewtin, pexişkirdnewey wêney sifrey razawey danîştwanî feyisbûkawaye le katî mallwêranîyekanî bumelerze û lafa û ziryan û teqînewe û nehametîyekanî dîkeda, bo nmûne le katî awarebûnî kurdanî kurdistanî beşî surye, bûmelerzekey flîpîn, tîrorkirdnî kawe germyanîda, tenanet em dyardeye hawkat le yek kesda derdekewêt, ke le yek rojda hem wêney mindallêkî birsî efrîka û asya bllawdekatewe û hem wêney sifre razawekey xoy …

Min xerîke serm lê têkdecêt, ême le karwan cêmawîn ya bîrkirdnewe û pagendey ew kesane banêke û dû hewa ??????