دەسەڵاتدارە نەوشیروانییەكانی سەیسادەق شیوەنی لەدستچوونی مشەی بودجەی ھەڵەبجەیە و دەیانەوێت بە دووبەرەكی ناوجەگەریی، بەر بەو پرۆسەیەبگرن و لە دەسەلاتی ناوندی بگەیێنن، كە ھەڵبجە شایستەی سەربەخۆیی بەڕێوەبەرایەتی نییە و ناوچەكانی دیكە دژی ئەوەن، بەو جۆرە مشەی ٢٢ ساڵەی بودجە بگڕێنەوە ژێردەستی خۆیان.

ئەمە ھەمان پیلانە كە لە ١٧ی شوباط دا بەكاریانبرد، لەلایەك لاوان بەكوشتندەدەن و لەولاوە دەیانكەنە ئامرازی گفتوگۆ و مامەڵەی و سەرمایەگوزاری رامیاریی بۆ بەدەستھێنانی بەرەتریی دارایی و دەسەڵاتیی.

لە ١٧ شوباط دا خۆپیشاندەرانیان كردە نێچیری بەردەم مرۆڤكوژەكانی پدك و لەولاشەوە خۆپیشاندانی خەڵكیان لە ڕۆژی نەوروۆزدا كردە حەساماتی بەخێرھاتنی نەوشیروان ھەروەك چۆن بۆ سەدام و ئیمام خومەینی و حافز ئەسەد دەكرا، لەلایەكی دیكەوە فشاری جەماوەری ناڕازییان وەك كارتی فشار بۆ دەسەڵاتی زیاتر بردە سەر مێزی گفتوگۆ لەتەك پدك. ئێستاش وەك بەڕێوەبەران و دەسەلاتادارنی شار، لەلایەك خەڵك بۆ ھەڵچوون ھاندەدەن و لەلایەكی دیكەوە ئاساییشەكانی یەكێتییان تێبەردەدەن و ئینجا دیسانەوە ڕووداوەكە دەكەنە پەردەیەك بۆ شاردنەوەی ڕیكەوتنیان لەتەك پدك و لە سەرووی ھەمووشیانەوە وەك شارچییەك بەر بە پارێزگابوونی ھەڵەبجە بە مەبەستی گێڕانەوەی بەڕێوەبەرایەتی و بودجەی ھەڵەبجە و ناوچەكە بۆ ژێردەستی خۆیان،كە دەسەلاتداری كابینەی تازەن لە شارەكە و ناوچەكەدا و پدك دەتوانێت سەرمایەگوزارییەكی ڕامیاریی باش لەسەر پرسەكە بكات، ینك وەك ئەكتەریكی نەزان لەو سیناریۆیانەدا دواڕۆژەكانی دەسەڵاتداریی خۆی بە چرنووكی خوێناوی درێژەپێدەدات.

بەداخەوە ناھوشیاریی جەماوەر و خۆشباوەییان بەم و بەو و ناسەربەخۆییان لە میدیای دەسەڵاتداران و دەسەڵاتخوازان، زەمینەی ئەوەی ڕەخساندووە، كە ڕستەی دەمی وێژەری كاناڵێك ببێتە ھۆی دووبەرەكی و تێكدانی ئاشاییش و ئاشتی كۆمەڵایەتی. لەم ساتەدا زۆر پێویستە خەڵكی پێنجوێن و سەیسادەق و شارەزوور و ھەڵەبجە و ھۆرامان وریابن و نەبنە ئەكتەری ئەو سیناریۆیانەی كە نەوشیروانییەكان و ینك و پدك بۆیان داڕشتوون، پێویستە یەكێتی و ئاسایی و ئاشتی كۆمەڵایەتی لەسەرووی ھەموو شتێكەوەبێت، ئەگینا زیندووبوونەوەی گیانی ناوچەگەریی بوونمان كڕمۆڵدەكات و وەك دەھەی حەفتا و ھەشتای سەدەی رابوردوو چۆن رأێمی بەعس و ینك و پدك شەمێرانی و نەوڕۆڵی’یان كردبوو بە گژی یەكدیدا، ئەوا ھەموومان بە گژی یەكدیدا دەكەن، تاوەكو مشەخۆریی و دەسەڵاتی سەرووزخەڵكیی خۆیان بپارێزن.

دەسەڵاتداران و میدیاكانیان نەوەی ھیتلەر و گۆبلز’ن “دووبەرەكی بكە .. درۆبكە درۆبكە، تاوەكو فەرمانڕەایی بكەی و خەڵك بڕواتپێدەكەن و خۆشباوەڕدن ”

بەرەو گێڕانەوەی ھاریكاری و ھەرەوەزی و ئاشتی و ئاساییشی كۆمەڵایەتی
نا بۆ دەسەڵات و دەزگەی ئاساییش و زیندان و تیرۆر