ئیدی وابزانم، ھیچ پێویست ناكات لەوە بكۆڵینەوە بۆچی ھەندێك لایەن لە میدیاكانیانەوە ھەوڵی نانەوەی پشێوی و دنەدانی خەڵكیان دا و خۆپیشاندان و ناڕەزایەتی خەڵكی سەیسادەق’یان بە ئاقاری دژایەتی پارێزگابوونی ھەڵەبجە برد و بۆچی تەقەیان لە خۆپیشابندەران كرد و بۆچی ھەواڵی ئەو دووبەرەكییەیان گەیاندە ئاخاكانیان لە بەغداد ؟؟؟؟؟ !!!!!!!!!!!

ئێستا ئیدی زۆر ڕۆشنە و دەستی پارتەكان و ڕامیاران و لیستەكان دەركەوت، ئیدی ئاشكرایە كە رامیاران جەنگی بەدەستھێنانەوەی مشەخۆریی چەند ساڵەیان بە خەڵكی ناڕازی كرد و ئۆپۆزسیۆنبوونی لیستی نەوشیروانییەكان، كە بە داواكردنی پشكی زیاتر بۆ نەوشیروان و گێڕانەوەی مووچەی ئەندامە دەركراوەكانیان و دامەزراندنەوەیان دەستی پێكرد، وا سەرەنجام گەییشتە ھەوڵی دەستبەسەرداگرتنی بودجەی سەربەخۆی ھەڵەبجە !!

ھیوادارم تاكە ئازادیخواز و ھوشیارەكانی سەیسادەق نەكەونە داوی ڕامیاران و ھەلپەرستی پارتەكان، كاتی ئەوە ھاتووە یەكێتی كۆمەڵایەتیی و خەباتی سەربەخۆی خۆمان لە گروپە خۆجێییەكان و لە ڕێكخراوە جەماوەرییە سەربەخۆكاندا ڕێكبخەین و ئەڵتەرناتیڤە كۆمەڵایەتییەكان جێگەی ھەوڵ و سیستەمە رامیارییەكە و ملھوی پارتەكان، بگرنەوە و كۆمەڵگە لەسەر بنەمای خۆبەرێوەبەرایەتی گەلیی و ئازادی و یەكسانی و دادپەروەریی كۆمەڵایەتی ڕۆبنێین، ھەروەھا زۆر پێویستە خەڵكی ھەڵەبجە بەتایبەت لاوان لەم ساتە ھەستیارەدا زۆر وریابن و یەكلاكردنەوەی جەنگی ھەلپەرستانەی پارت و لیست و رامیارەكان لە ئەستۆنەگرن و مێژووی ھاوخەباتی و ھاوپستی كۆمەڵایەتیی خەڵكی ھەڵەبجە و سەیسادەق، نەكەنە قوربانی شەڕەدەندووكی پارتایەتی و ترۆھاتی رامیاریی و سەروەریی سیستەمی مشەخۆرانەی رامیاریی ..

كاتی یەكگرتن و ھاوخەباتی و ھاوپشتی كۆمەڵایەتیی گشت گوند و شارۆچكە و شارەكانی كوردستان دژی مشەخۆریی و ملھوڕی دەسەڵاتداران ھاتووە، كاتی جیاكردنەوەی ڕیزی ژێردەستان و سەروەران ھاتووە، جەنگی ئێمەی ژێردەست و چەوساوە، جەنگە دژی مشەخۆریی، سەركوتگەریی و نایەكسانی و نادادوەریی سەروەران، نەك جەنگ و دووبەرەكی كۆمەڵایەتی دژ بە یەكدی نێوان خۆمان !!!