بەڕاستی ھەم خەبات و پێشینەی ئەحلام مەنسوور و ھەم نامەكەی ھێمن، سایانی خوێنندەوە و یادكردنەوەن. ھەرچەندە ھەندیك دەستەواژەی تێدایە، كە لەم سەردەمەدا ناسازگارن لەوانە “دوژمن ناپیاوە”، “گەورە پیاوان”، بەڵام دونیایەك راستگۆیی و پاكی لێدەبارێت و جوانترین دەربڕینی بۆ كەسایەتی یاخیی ئەحلام مەنسوور بەكاربردووە، “شێت / دێوانە “، بەراستی ھەموو كەسێك شایانی ئەو نازناوە نییە، ھەموو كەسیك توانای گەییشتنی بەو بارە نییە، شێتی تێپەركردنی سنوورەكانی سەردەمی خۆتە !