ئەوی دارای شتێك نەبێت، نییەتی تا بیبەخشێت
ئێستاش بۆنی حەتحەتۆکە و مێخەك و شمڵی دایە ئامین و دایە مەحسومە و دایە بەگیج و دایە ڕابێ لە لووتی منداڵی من نەبڕاوە، کاتێك کە سەری بێنازی و بێدایکی منیان بە سنگی مهرەبانی خۆیانەوە دەنا و منیش تێر تێر بۆنی شوێنەواری ئامێزەکانی دایکم لە سنگی ئەوانەوە هەڵدەمژی.
گوندی – لادێی، ئەو جنێوە شارستانیانەن، کە منداڵانی ساری پەروەردەبوونی ئەو فاشیزمە بە ئێمەیان دەدەن.
ئێمەی گوندی بێجگە لە دایکە سروشت و بێجگە دایکە ناونراوەکەی خۆمان، دەیان و سەدان دایکمان هەبوون، بەجۆڕێك لە هیچ ساتێکی ڕۆژدا لەدایمان دانەدەبڕاین، لە هەر کۆڵان و باخێکدا یاریمان بکردایە، دایكێک هەبوو ئاگای لێمان بێت، دایکێك هەبوو، لە جامۆڵەیەك ئاومان بداتێ، دایکێك هەبوو سۆزمان بداتێ.
کاتێك کە وێنە و کورتە ڤیدیۆی دایەنگە و باخچەکانی ساوایان لە شارەکان دەبینین، پێویستە لە سەرهەڵدانی هیتلەرەکان و داعشەکان و خەڵافەتەکان و دیکتاتۆرییەکان سەرمان سوڕنەمێنێت!
بڕۆن پرسیار لە جەلادەکان بکەن، بڕۆن ژیاننامەی دیکتاتۆرەکان بخوێننەوە، بزانن چۆن پەروەردەبوون
ئەوی دەخوازێت منداڵەکەی جەلاد و داعش و دیکتاتۆر دەرنەجێت، با بەلایەنی کەمەوە سێ ساڵی یەکەمی تەمەنی لە ئامێزی دایک و باوکیا گەورە ببێت
دایەنگە و باخجە و مزگەوتەکان و فێرگەکان، نەخۆشخەری مندالان و پەروەرگەی جەلادەکانن
جونکە سیستەمی پەروەردە و خوێندنی جێنایەتی لەسەر بنەمای خوابوونی پەروەردگار و فێرکار و کۆیلەبوونی منداڵ و فێرخواز بنیاتنراوە