داعش و ئیسلامی ڕاستینە !
ئەوی لەو بڕوایەدایە، کە ئیسلام و گوتەکانی موحەمەد و قورئان شتێکی جیاوازن لەتەك ئەوەی گروپە ئیسلامییەکان بەتایبەت داعش و الجبهة النصرة، ئەنجامیدەدەن، بەدڵنیاییەوە نە لە ئیسلام تێگەییشتووە و نە باوەڕی بە ئیسلام هەیە.
لەبەرئەوە تاکی موسوڵمان تەنیا دووڕیانێکی لەپێشە : یا ئیسلامی بوون و سەربڕین، یا گەڕانەوە بۆ مرۆڤبوون: ڕیزگرتن لە مرۆڤایەتی و جیاوازی بیرکردنەوەی کەسانی دیکە.
ڕێگەی سێیەم بوونی نییە و ئەوانەی کە ئەم ڕۆژە لە لاوازیدا ناوێرن لایەنگریی لە برا ئیسلامییەکانیان [داعش و الجبهة النصرة] بکەن و ئاوا نیشاندەدەن، کە لە ئایینی ئیسلامدا جیاوازی بیرکردنەوە و ئازادی دەربڕین هەیە، کۆمەلێک درۆزنن و هەر کات دەسەلاتیان هەبێت، لە داعش و الجبهة النصرة کەمتر ناکەن و ئەگەر فێڵ لە خۆمان نەکەین، پێشتر کە دەسەڵاتدارانی هەرێم وەك لەکۆڵکردنەوە، ناوچەی (هەڵەبجە و هۆرامان)یان پێبەخشیبوون، هەر هەمان ئەو کارانەیان ئەنجامدەدا، کە ئەم ڕۆژە داعش و الجبهة النصرة ئەنجامیدەدەن.
لەبەرئەوە جەنگ و وەستانەوە بەرامبەر داعش جەنگی تفەنگ بەرامبەر گروپێکی دیاریکراو نییە، بەڵکو پێویستی بە جەنگکێکی کۆمەڵایەتی دژی هەموو هێز و پارت و گروپ و میلیشیایەك هەیە، کە خوازایاری دەوڵەت و فەرمانداریی ئیسلامی و پەیڕەوکردنی شەریعەتن. جەنگێکی ئاوا بە هوشیاربوونەوەی خەڵك دەستپێدەکات و پێویستی بە خەباتی جەماوەریی گشت چین و توێژە بێدەسەڵاتەکانە دژی سەرکوت و تیرۆر و توندوتیژی و فتوا و ئیسلامیزەکردنی کۆمەڵە.