تاوێك دانیشە و گوێ لە ناخی ئەوان و خۆت ڕابگرە … نەفرەت کە لە خۆت ، لە من و کۆمەڵی نادەربەست ، لە اللە و لە دەوڵەت و لە نەتەوە و لە نیشتمان و لە ڕامیاریی و لە کولتوور بکە ..
دانیشە خۆت لە کولتووری ڕامیاریی ڕووتبکەرەوە … دانیشە درۆ-پیرۆزەکان لە ناخ و مێشکتدا بسڕەوە .. دانیشە تاوێ بیری بەرێ، سبەینێ نۆرەی تۆیە و لە یانەیەکی پیراندا بێکەس کەوتووی و خەون بە ئامێز و خەندەی نەوەکانتەوە دەبینی، نە توانای گێڕانەوەی ڕابوردووت هەیە و نە پەشیمانی ڕەدووکەوتنی درۆ-پیرۆزەکان دادتدەدات و نە دەتوانی بڕوا بە درۆی کولیچەخواردن لە ئاسمان بکەیت، ئاخر لەوەتەی هەیت گۆرانی بە باڵای نەتەوە و نیشتماندا دەڵێت، کەچی دواجار لەسەر شۆستەی شەقامێك لانەواز کەوتوویت، لەوەتەی هەیت لە اللە دەپاڕییتەوە و هیوات بە فریاگوزاری ئەو گرێداوە، کەچی تا چاوبڕکات، بێجگە لە بۆشایی و هەوا هیچ وەڵامدەرەوەیەك بوونی نییە ..
تاوێك دانیشە و بیری بەرێ، تا دەتوانی نەفرەت لە من لە خۆت و لە اللە و لە دەوڵەت و لە نەتەوە و لە نیشتمان بکە، ئەگەر دەتوانی بەدەم ئاوازەکانی ناختەوە کەمێك سەما بکە، کەمێك گوێ لە خوڕەی ئاو، لە ئاوازی گەڵای درەختان بەدەم باوە بگرە و بیری بەرێ ژیان تەنیا یەك جارە و هیچ پێناوێك نییە خۆی بۆ بەکوشتن بدەیت، تۆ کرێچیت، تۆ ئاوارەیت، تۆ لانەوازیت، تۆ دەرکراویت، تۆ بێکاریت، تۆ زیندانیت، تۆ لە ژووری چاوەڕانی لەسێدارەندایت، دەوڵەتی خۆیی و نیشتمان و نەتەوە و بەهەشت و اللە تەنیا کۆمەڵێک درۆی پیرۆزکراوی ئایدیۆلۆجین !
نەفرەت بکە لە هەرچی، کە دەیەوێت ئاوازەکانی منداڵیت لەبیرباتەوە .. نەفرەت بکە لە هەرشتێك، کە دەیەوێت لەخۆتت نامۆبکات و فێری گوتنەوەی درۆی پیرۆزت بکات … تاوێ گوێ لە لایەلایەی بێوەرژنەکەی هاوسێت ڕادێرە، کە بە گۆرانی خەمناک زکی منداڵەکانی تێردەکات، کە توڕەبوویت، نەفرەت لە من و لە خۆت و لە هەموو کۆیلە خۆشباوەڕ و نادەربەستەکان بکە … نەفرەت .. نەفرەت .. نەفرەت .. نەفرەت .. نەفرەت … نەف