Jyan le ganawa
Hejên
Do û şerab û henguyn
Padaştî peyrrewî ayîn û
sê xewnî byabanîn
“têke be ‘elagey be xorayî” *
Bebê qerz û bebê hîn !
Lewê le serzemînî sozanîyan **
Rubarî do û şerab û henguyn
Le hîçewe helldequllên û
Berew hîç dexurrên
Bê mîz û bê paşerro
Tewezelanî beheşt,
Bo derdaneweyan de’areqên
Lewê le serzemînî kêrsalaran
Kes lexoy naprisêt
” kê kondom berhemdênêt,
Kê manga dedoşêt û
Kê be bardênêt
Peyn bo bnî drextan
Dellên lewê hemuwan poşten
Derpêqute û kras le ketan
” le ‘elaqey denên be xorrayî ”
Silq û kudî û xeyar û temate
Her lexowe debne dollme û zellate
Keçî le xoşî tewezilxane
Kes le xoy naprisêt;
Kên berhemhênî ew ştane ?
Ger beheşt tenya cêy tewezelane
Edî kwê nşîngey xizmetkaranyane ?
Lewê le serzemînî debengan;
Xoteqên û destibirr û dûrruwan
Kê xawên dekat nêw mall û kollan,
Kê pakdekatewe paşellî bawerrdaran ?
Edî çon û le kwê dejîn,
Cutyar û krêkar û xizmetkaran ?
Lewê le serzemînî mnallabazan
Hezar hezar berdesn
” kurrî luske û cwan ” ***
Ewaney lem dunya bven
Lew dunya bexorayî û bêszan
Axo kêbin ew luskellane;
Koyle yaxyanî em dunya
Ya mindallanî sozanîyan ?
Le serzemînî rîşn û turre û droznan
Ey karî ême çîye hawrrêyan
Pîşixwardnewe û xokujî le daxan,
Ya qawdanî tewezelî û
Hellxirranî şorrşî yaxyan ?
Dey bêjn çî bkeyn axir
Takey bsûtêyn lenêw kurey agir ? ****
24î oktoberî 2013
*****************************
* wtarî heyînî yekêk le melakanî kurdistan
** sozanî : perî / horî
*** yekêke le bellênekanî nêw quran bo musullmanan, hellbete tenya musullmananî nêr!
**** mebest le agrî em dozexey sermayedarîye, ke le agrî dozexî quran hefawheft car behîztre, çunke agrî em dunyaye heftawhewt car be awî pêdakrawe, wate behîztir buwe!