Caran sertaşxanekan, şwênî korr û komellî gund û şar bûn. Îdî hercê hebû û nebû dekewte berbas û tenanet şte tabuwekanîş .
Eger lay ferensîyekan meyxanekan parlemanî gelîy bin, ewa le kurdistanda serkanî û korrî pirse û sertaşxanekan, û çayxanekan parleman bûn û beşdarbuwanyan zor le endamparparlemanekan û ramyarekanî êsta be edebtir û be me’rîfetir û be usulltir û rastgotir û dest û dem paktir bûn.
Kes hawarî beser kesda nedekrid û hemuwanîş retî yekdîyan dedayewe. Ferhengêk ke bedaxewe ramyarîy hat û raymallî, partayetî hat û lebîrî birdînewe, dewllet hat û namoykird, …. Îdî bexotan em lîste drêjbkenewe û bbînin, ke dewllet û ramyarîy û partayetî û serok serokêne û desellatixwazîy û çawçnokî û mşexorîy desellatdaran, çon peywendîye komellayetîyekanyan bogendkirdin û çon takî jînge parîzîyan kird be jînge têkder û çon takî ajelldostîyan kirde ajell bendker, çon herewezîy û hawpiştî komellayetîyan wergorrîye ser xopersitîy û frrufêl û hellpey beşe tallanî û gendellîy ?
Hîwadarm her kes le cêy xoyewe hewllî yadawerîyekanî le her her bwarîkda boy delwêt, bnûsêtewe û cansêk be newekanî emrro bbexsêt, ke belayenî kemewe bzanêt caran mrovekan bebê ramyarîy û dewllet û partayetî dejyan û çon bextewer û wîjdan asûde û sakar û gelîy bûn. Eger na, ewa jarawî ramyarîy û jawejawî mîdyakan gemjeyan dekat û leberamber raneperandinî em erke mroyyemanda, mêjû lêman naburêt, herwek çon emrro ême berokî pêşnyanî xoman leser raneperrandinî erkekanyan degrîn …
Eger caran bo tomarkirdnî yadawerîyekanman û bllawkirdneweyan pêwîstman be brre pareyek bo tayp lelay taypçin û çapkirdinyan le çapxane ya bllawkirdneweyan le bllawkraweyekda paş têperrbûnî le sansûr û be hezar û yek paranewe hebû, ewa emrroke be mobaylekey gîrfanman û be kompîwterekanman, be asanî detwanîn peyamekanman be newey emrro û newekanî dahatûş bgeyênîn, çi le feyisbûk û gugill plas û çi le blagêkî taybet be xoman, hellbete hemûy serbest û be xorrayî …