Hawrrêyek nûsîbûy ” komunîstekan ke yek kes bnim daway damezranî part deken, ke bûn be dû kes, drustîdeken û ke bûn be sê kes, cyadebnewe”

Min rastîyek lew guteda debînim, bellam grifteke le komunîstekanda nîye, [herçende têrrwanînî desellatixwazane û destebjêraneyan heye û pêdagrîy leser pêkhatey quçkeyî deken], bellku le çîyetî ew dezgedaye ke pêydegurtirêt “part”, leberewey ke part pêkhayekey quçkeyî rêkxistinî desellatî destebjêrêke beser paşrewanda, ya be watayekî dîke kopîkirdnewey pêkhate û rêkxistinî çînayetî [borcwazîy]e, katêk paş ezmûngîrîy û astî desellatixwazîy paşrewan serdekewêt û part be kultûrî borcwazî perwerdeyandekat, çîdîke amadenabbin wek caran mil be destûrekanî serûy xoyanbden û xoşyan be şayistey paşîruîy ewanî dîke nazanin û destebjêrî serwerîş amadey dabezîn û destberdarîy desellatekey nabêt û lêrewe destegerîy serhelldedat û dîsanewe leberewey ke pêkhatey quçkeyî nakokî boçûn û bîroke pesendnakat û be djî dîspilîn û birryarekanî xoy dezanêt, naçar destey serpêçeger ya drêje be paşrrewîy ewanî dîke dedat, ya deçête derewe û dekewête pagende bo rastibûnî xoy û wek partî dayk komellêk belênî serxerman be layengranî xoy dedat û bem core part wek bektiryaasa be kertibûnî çendbarey, çend derzenêk partokey dîkey lêdebêtewe û îdî meger ehrîmenî azadîxwaz twanay xoderbakirdnî lew callcallokeyey hebêt!